|
427
Innocentius episcopus servus servorum Dei venerabili fratri (Rainerio) Fesulano episcopo
et dilecto filio ... [abbati] de Cultubono, in Fesulana diocesi constituto, salutem et
apostolicam benedictionem. Ex litteris venerabilis fratris nostri ... Suanensis episcopi, et
dilecti filii ... prioris de Vivo, bone memorie C(elestino) pape predecessori nostro evidenter
innotuit, quod cum causa que inter venerabilem fratrem nostrum (Amedeum) episcopum
et (Presbiterum) prepositum aretinum ex una parte, et abbatem sancti Antimi ex altera,
super ecclesia sancti Petri de Asso noscitur agitari, ex apostolica ipsis fuerit delegatione
commissa, ipsi, mandatum apostolicum in parte ista exequi cupientes, partes
citare legitime curaverunt. Sed cum prenominatus abbas eorum presentiam declinaret,
episcopi et prepositi parte in eorum presentia comparente, dictum abbatem tribus edictis
et postremo peremptorio citaverunt. Verum cum nec per se nec per responsalem
aliquem compareret, et prefati episcopus et prepositus aretinus in eundem abbatem
tamquam in contumacem proferri sententiam, et possessionem sibi restitui, et super
violatione plebis et mutatione fontium de Sexto iustitiam exhiberi instantius postularent,
tandem duo monachi ex parte ipsius abbatis in eorum presentia comparentes, ad
sedem apostolicam appellarunt, dicentes nullam ab eodem abbate auctoritatem seu licentiam
accepisse super hiis agendi seu aliquatenus respondendi, sed hac solum se de
causa transmissos, ut appellationem interponere non differrent. Cumque postmodum
venerabili fratri nostro (Rainerio) Castellano episcopo, ad petitionem episcopi et prepositi
aretini, eadem causa fuerit a dicto predecessore nostro terminanda commissa, prefatus
abbas sancti Antimi, nolens examen subire iudicis memorati, dilectum filium ... abbatem
sancti Eugenii senensis in eiusdem decisione [ne]gotiì ptedicto episcopo Castellano obtinuit
adiungendum; quem quia prefati episcopus et prepositus habent ex certa causa
suspectum, ipsius negotii pr[ocess]us extitit retardatus. Nos autem, nolentes ut inter
eos diutius remaneat materia litigandi, sperantes quod per vestre discretionis studium
eadem causa finem debitum sortiatur, cognitionem ipsius et decisionem canonicam
examini vestro auctoritate nostra committimus, per apostolica vobis scripta mandantes,
quatenus partibus convocatis et visis attestationibus quas dicti Suanensis episcopus et
prior de Vivo iudices, super hiis que superius sunt expressa, recepisse dicuntur, et aliis
etiam receptis siquas de iure videritis admittendas, predictis commissionibus nequaquam
obstantibus, ipsi cause finem canonicum imponatis; facientes quod decreveritis, per
censuram ecclesiasticam, ammonitione premissa, sublato contradictionis et appellationis
p. 50
obstaculuo, a partibus firmiter observari. Siqua vero partium legitime citata presentiam
vestram adire et iudicio parere contempserit, vos in causa ipsa quantum de iure poteritis
nichilominus procedatis; eos qui temere se opposuerint quominus mandatum
apostolicum exequi valeatis, a sua presumtione, monitione premissa, per censuram
ecclesiasticam, appellatione postposita, compescentes, nullis litteris obstantibus, harum
tenore tacito a sede apostolica imperialis. Datum Laterani IIII nonas martii, pontificatus
nostri anno primo.
| |