|
+ In nomine domini, vicesimoprimo anno principatus domni nostri gisulfi gloriosi principis,
mense aprili, quintadecima indictione. Ante me petrum iudicem vivus castaldeus filius quondam
petri coniunctus est et cum ursone filio quondam romoaldi et cum alfano filio quondam iohannis
havitatores de loco mitiliano. et ipse vivus castaldeus per conbenientiam tradidit ipsius
ursoni et alfani terram cum biscilieto, quam ipse castaldeus abet foris hanc salernitanam civitatem,
in loco transboneia in plaio montis super aqua que dicitur subuculo, et propinquo vallem
que dicitur da fossatu, que est per fines et mensurias, iusto passu hominis mensurata. A parte
meridie fine terra ipsius vivi, qualiter rectum ascendit per mediam vallem, et passi triginta
quattuor: A parte occidentis fine altera terra quam ipse castaldus, sicut supter describenda est,
ipsorum ursoni et alfani tradidit, et passi quinquaginta sex. A parte septemtrionis finis ipsius
castaldi, et recte mensurati passi centum quindecim; et rebolbente in parte orientis secus terram
ipsius vivi, passi viginti octo usque medium vallonem per quod aqua que sabuculo dicitur
fluit: ab ipsa parte orientis fine medio ipso vallone recte mensurati passi quadraginta octo usque
in priorem finem, ea ratione, ut amodo et usque completos annos duodecim ipsi ursus et alfanus
et eorum heredes suprascripta traditio integram cum vice de via sua teneant et dominent,
foveas omnique suas utilitatis ibi faciant, qualiter voluerint iusta ratione; et totam ipsam
terram scampent et zappent et spurgent ipsum biscilietum quod ibidem est, et eum sicut meruerit
bonum rationaliter apto tempore insitent de robiolis et zenzalis et granacze, et eos rationaliter
surgant et custodiant et vigilent, ut qualiter in melius proficiat et non depereat, et
omne insites et castanee quod de eadem traditione collexerint, amodo et usque completos ipsos
annos, totum illut sivi habeant ipsi ursus et alfanus et eorum heredes, et faciant ex eis quod
voluerint. et amodo et usque completos ipsos annos ipse vivus et eius heredes defendant ipsorum
ursonis et alfano et eorum heredibus integram suprascriptam traditionem cum vice de
via sua ab omnibus ominibus. Completis vero ipsis annis, ut amodo se compleant ipsi ursus et
alfanus et eorum heredes integra suprascripta traditione per suprascriptas fines et mensuras
cum vice de via sua bona pastenata et insitata et surta de bonum insitetum et robolitum et
zenzalitum et granaczitum surtum et operatum bonum, adque per circoitum unde meruerit clusum
sicut meruerit, ipso vivo et eius heredibus remittant ad faciendum ex eo quod voluerint; et
illis et eorum heredibus licentia sit ex ea abstraere omnes res suas et ducere eas ubi voluerint,
absque eorum contrarietate. Et propter hoc ipse vivus per combenientia tradidit ipsorum ursonis
et alfani ipsam alteram terram que est in plaio ipsius montis secus suprascripta prima
pecia que est per fines et mensuras suprascripto iusto passu hominis mensuratus: A parte occidentis
fines ipsius vivi castaldi, sicut media valle discernit, et per eam recte mensurati, qualiter
ascendit, passi quinquaginta sex: A parte meridie finis ipsius vivi castaldi, qualiter recte
descendit per mediam valle, passi septuaginta quattuor: A parte quasi orientis similiter finis suprascripta
prima pecia et mensurati rectum, qualiter vadit ipsa parte occidentis, passi centum
usque in priorem finem cum omnibus que intra eam sunt, cunctisque suis pertinentiis et cum
vice de via sua; ea ratione, ut semper sit in potestate ipsorum ursonis et alfani et de eorum heredibus;
et liceat illos et eorum heredes de ea facere quod voluerint, sicut hic supter describendum
est. Et semper ipse vivus et eius heredes integram suprascriptam posteriorem traditionem per
suprascriptas fines et mensuras ipsis ursonis et alfani et eorum heredibus ab omnibus hominibus
cum vice de via sua defendant, Et quando voluerint potestatem habeant ipsi ursus et
alfanus et eorum heredes illud per se defendere, qualiter voluerint, cum omnibus muniminibus
et rationibus quas de eo ostenderint. Tantum non abeant potestatem quocumque tempore ipsi
ursus et alfanus et eorum heredes suprascriptam terram quam ipse castaldus per sivi semper
habendum, sicut suprascriptum est, tradidit vel ex ea bendere aut donare seu obligare, Nisi si
eam vendere aut dare voluerint ipsi castaldi et eius heredibus illam vindant et dent pretio quo
per doctos homines iusta appretiata fuerint. Et faciant ipsi ursus et alfanus et eorum heredes
ipsum castaldum et eius heredes scire pro ea emendum per tertium constitutum usque dies
triginta sex, et si infra ipsa constituta ipse castaldus et eius heredes illam vel ex ea emere
noluerint et dare eis exinde ipsud iustum pretium, sicut iuste appretiatum fuerit, tunc post
ipsa constituta licentiam abeant ipsi ursus et alfanus et eorum heredes illam vel ex ea dare
cui boluerint. Nam si ante ipsa constituta ipsi ursus et alfanus et eorum heredes suprascriptam
terram quam eis pro sivi, sicut suprascriptum est, abendum tradidit vel ex ea cuicumque venumdederint
obligaverint manifestaverint, seu quocumque modum alienaverint, sicut de eorum
potestate pareat substractum, tunc sine pretium perbeniat ad potestatem ipsius castaldi et heredum
eius. et per combenientiam ipse castaldus guadiam ipsis ursonis et alfano dedit et fideiussorem
eis posuit iohannem qui dicitur sirrentini filium quondam ursonis atrianensis; et per
ipsam guadiam obligavit se et suos heredes si sicut superius scriptum est ipsis alfano et ursonis et
eorum heredibus non adimpleverint, et suprascripta vel ex eis quicquam remobere aut contradicere
presumpserint, componere ipsorum ursonis et alfano et eorum heredibus triginta auri solidos
constantinos. et sicut superius scriptum est adimplere. quod videtur superius quasi disturbatum
legitur: in uno loco usque medium; in alio et in altero: nisi si eam; et taliter tibi iohanni notario
scribere precepi.
+ Ego qui supra petrus iudex.
| |