51
+ In nomine domini dei salvatoris nostri Ihesu Christi Imperante domino
nostro basilio magno imperatore anno quimquagesimo secundo sed et
constantino frater eius magno imperatore anno quadragesimo nono: die vicesima
mensis hoctobrii indictione decima neapoli: Certum est nos gregorium
filium quondam iohannis de racimprando. et maria quondam iohannis
germatella hoc est thio et nepote. seu iohannes filio idem iohannis trippula
et idem iohannes filio quondam fusci. et abitatores in loco qui nominatur
ad illa domum pertinentia de padule: A presenti die promictimus
vobis domino filippo venerabili ygumeno monasterii sanctorum sergii
et bachi qui nunc congregatus es in monasterio sanctorum theodori et
sebastiani qui appellatur kasa picta situm in biridario. et at cuncta congregatione
monachorum memorati sancti et venerabilis vestri monasterii:
propter integrum kampum nostrum qui nominatur moscarellum. positum
in loco qui nominatur pumilianum que est foris arcora dudum aqueductus.
una cum arboribus et introitum suum omnibusque sivi pertinentibus. pertinente
memorati sancti et venerabilis vestri monasterii. et coheret sivi
ab uno latere terra de illi teuderici de memorato loco sicuti termines
exfinat. et de alio latere terras de illi moccia que abet per commutatione
da heredibus ursi betrano sicuti termines exfinat. et de uno capite
campo de illi ypati. et ab alio capite terras de ipso moccia et de ipsi
teuderici sicuti termines exfinat. quas vero memoratum kampum memorati
vestri monasterii sicud superius legitur nobis nostrisque propriis heredibus
illud dedistis in parte at laborandum in eo tenore ud nos et propriis nostris
heredibus illud per omni annue bene et diligenter laborare et excolere.
et ad meliorem cultum perducere debeamus ad omni nostro expendio.
et per omni annue illum seminare et cultare debeamus de quod iustum
fuerit ad omni nostro expendio. Iterum et per omni annue ibidem caucumminas
et bites ponere et plantare debeamus per tempore quando meruerid
et sicud iustum fuerid. et curam et sollicitudinem exinde abere debeamus
sicud meruerid ad omni nostro expendio. potare vero et albaciare. et
sepis eius emarginare nos et nostris propriis heredibus illud facere debeamus
52
omni tempore ud meruerid ad omni nostro expendio: et omnia quod ibi
de subtus fecerimus per omni annue super nos illos tollere et abere debeamus.
unde nullam partem nobis non queratis per nullum modum. tantummodo
nos et nostris propriis heredibus vobis posterisque: vestris memoratoque
vestro monasterio per omni annuo usque in sancte marie de augusto
mense exinde terraticum dare debeamus: de quantum ipse kampo fuerid
per passos de illud que ibi seminaberimus. siccum bonum tractum paratum
usque intus memorato vestro monasterio mensuratum iustum absque omni
ammaricationem. et nos et nostris propriis heredibus illud per omni annue
bendemiare debeamus at nostro expendio. et quantum binum ibi per omni
annuo fecerimus at palmentum vestrum de memorato loco pumilianum illud
dividere debeamus mundum et saccapanna per medietatem. vos et posteris
vestris medietatem. et nos et nostris propriis heredibus alia medietatem.
et ipsa medietate vestra nos vobis illud ponere debeamus in organeos
vestros in loco pumilianum qualis vobis placuerid. et memorata medietate
nostra nos nos nobis illud recipere et portare debeamus hubi nobis placuerid
at nostro expendio: et dum vobiscum illud vendemiaberimus per omni annue
duas personis memorati vestri monasterii et caballum eius nutrire debeamus
at nostro expendio sicud iustum fuerid. iterum et dum nos et nostris
propriis heredibus illud at laborandum detinuimus et vos aud vestris
posteris in eodem loco pumilianum beneretis vel si de ipse terre vestre
kausa abueritis nos at vos illuc benire debeamus cum quo abere potuerimus
ad aliis portionarii vestri de memorato loco pumilianum absque omni
data hoccansione: insuper et per omni annue duas vices per annu vos
et posteris vestris memoratoque vestro monasterio licentiam et potestatem
abeatis scaballicare in curtes nostras et nos et nostris heredibus nobis usque
at quattuor personas per vices et at kaballos vestros que tunc ibi abueritis
manducare et vibere dare debeamus sicud iustum fuerid nullam exinde dantes
aud mictentes occansione nos aud nostris heredibus vobis neque at vestris
posteris. et nunquam presummetis vos aud posteris vestris memoratoque
vestro monasterio nobis nostrisque heredibus illos tollere et at quabis personis
at laborandum dare per nullum modum bene nos et nostris propriis
heredibus illud laborantes et cultantes et omnia memorata per omni annue
adimplentes ud super legitur. et quale tempore nos vel nostris propriis heredibus
53
vobis vestrisque posteris memoratoque vestro monasterio illud abrenuntiare
voluerimus licentiam et potestatem abeamus si fuerid tunc bonum
arbustatum et bitatum: et dum nos et nostris propriis heredibus illud at
laborandum detinuerimus si quis ex nos omnes aud de nostris propriis heredibus
ipsos soccias suas de memoratum campum bene non laboraberis et
cultaberis per ordine et tenoris ud super legitur licentiam et potestatem
abeatis illud ad eis tollere et cuique illud dare volueritis licentiam abeatis
quia ita sic nobis stetit si autem aliter fecerimus ex is omnibus memoratis
per quobis modum aut summissam personam tunc componimus nos et nostris
propriis heredibus vobis posterisque: vestris memoratoque vestro monasterio
auri solidos viginti bythianteos et ec chartula ud super legitur sit
firma scripta per manus mastali ductoris primarii per memorata decima
indictione +
et hoc memorandum firmum stetis nobis quatenus licentiam et potestatem
abeamus nos et nostris propriis heredibus da die presentis una nobiscum
ponere et abere at laborandum in memoratum campum vestrum quidem
petro russo filio quondam maraldi da illa domu de memorata massa padulana
ud ipse et suis propriis heredibus una nobiscum et cum nostris propriis
heredibus in omnibus memoratis exere et permanere debeas per omni
ordine et tenoris sicud per unusquisque ex nobis et de nostris propriis
heredibus tamqua si nos cum illum iusta chartula fecissemus et si aliter fecerimus
maneamus in memorata pena +
hoc signum + manus memorati gregorii de ragimprandum signum +
manus memorati memorati marini et memorati iohannis trippula signum +
manus memorati iohannis de fusci signum + manus memorati petri russo
ego qui memoratos ab eis rogatus pro eis subscripsi +
+ ego sergius filius domini iohannis monachi testi subscripsi +
+ ego aligernus filius domini sergii testi subscripsi +
+ ego sergius filius domini stefani testi subscripsi +
+ Ego mastalus ductoris primarius Complevi et absolvi per memorata
decima indictione +
|