|
264
MCXII
A. D. 1055
+ In nomine domini, quartodecimo anno principatus domni nostri Gisulphi gloriosi
principis, mense Aprili, hoctava indictione. Memoratorium factum a me iohanne diacono
ecclesie sancti maximi filio quondam sergii, eo quod coram subscribendis testibus
per convenientiam mulier nomine aloara relicta machenolfi de loco nucerie et rico, qui
sunt mater et filius, dederunt michi quadraginta auri tarenos ad faciendum ex heis quod
voluero, et ego pro talibus per convenientiam tradidi ipsis matri et filio ad frudiandum
integram partem meam, que michi evenire debet de una pecia de terra cum arbusto,
quam ego in beneficium retineo a parte iamdicte ecclesie sancti maximi in heodem loco
nucerie ubi terme dicitur, et illam ad laborandum retinet cicerus et maralda de heodem
loco. Tali hordine, ut amodo usque hocto annos completi quantum frudium michi ex hea
evenire debet, de super et de supter a parte de ipsis laboratoribus, quam illam retinent,
totum illud ipsi iamdictis mater et filius het illorum heredibus sibi tollant et habeant, et
faciant ex heo quod voluerint. Et obligo me ego iamdictus iohannes diakonus, ut omnia
heis adimplere faciamus ipsos laboratores, qualiter michi adimplere debet, amodo usque
ipsum constitutum completum. Completis vero ipsis hocto annis, integram suprascriptam
traditione, qualiter superius legitur, remictant michi, vel in parte iamdicte ecclesie, ad
faciendum quod voluerimus. Et per convenientiam guadia michi ipsa suprascripta mater
et filius dederunt et fideiussorem michi posuerunt seipsum ricum: et per ipsam guadiam
obligaberunt se et illorum heredibus si suprascripta, vel ex heis quicquam remobere aut
contradicere presumpserint, per ipsam guadiam obligavit se et illorum heredes componere
michi meisque heredibus triginta auri solidos constantinianos. hec suprascripta fecit
ipsa aloara per voluntatem ipsius rici filii sui cum quo omnia, que in hac carta scripta
sunt, fecit. Et taliter scripsi ego grimoaldus notarius.
+ Ego Alderissi notarius me subscripsi.
+ Ego petrus notarius me subscripsi.
| |