286
+ Nos secundus Richardus divina ordinante clementia Capuanorum
princeps. pro salute et redemptione animarum principum Richardi scilicet
avi. nec non Iordani patris nostri. ac ob statum nostri principatus. In Monasterio
Beati Laurentii levite et martiris Christi. Sito prope muro nostrae
aversane urbis. cui dominus Guarinus venerabilis abbas preest: per hoc videlicet
principale scriptum. concedimus. ac confirmamus. aeclesiam sancti
Iohannis quae est costructa prope castello nostro. qui cicala vocatur. loco
ubi dicitur adplescum. cum universis suis pertinentiis. et totam terram. quam
nos pro excambio dedimus. Ioffrido Fessardo. pro terra quae fuerat petri
mellosi. et est infra territorium predicti nostri castelli. Item concedimus et
confirmamus. in predicto monasterio. Palumbum cognomine cayrusum. qui
est in predicto castello habitator. cum filiis et tota hereditate sua. et iohannes
abellanum de arbustolo cum tota hereditate sua quam nunc possidet
et cum duobus filiis suis. in predicto monasterio damus et concedimus. in
excambio pro Gautio petia panis et pro hereditate sua. Similiter concedimus.
in prephato monasterio. Iohannem alamannum. cum filiis et tota hereditate
287
sua. Quam et per hoc principale scriptum. in predicto monasterio damus.
concedimus ac confirmamus. Musculum et Gualterellum cum filiis eorum.
et hereditate illorum. qualiter illi eam modo possident. nec non et Marinum
rosellam cum Iohanne filio suo. et cum tota hereditate sua quam nunc
possidet. ad faciendum et persolvendum hi omnes supradicti homines. In
prephato monasterio et iamdicto domino Guarino venerabili abbati eiusque
successoribus in perpetuum. omnem censum. et dationes. et servitia. et alia
omnia que parti reipublice facere et persolvere debent. aut debuerint. Item
concedimus et confirmamus. In iamdicto monasterio. tres petias terrarum
quas olim Rodulfus de pirolo. nostro concessu in eodem monasterio optulit.
quae sunt in territorio cicale. ex quibus due sunt ad gruptolam. et tertia
prope cimiterio. quam et concedimus in iam dicto monasterio integram
unam petiam de terra que aymo de argentia cum matre sua nostro consensu.
in ipso monasterio optulerunt. et est prope via publica. Item concedimus
ac confirmamus in iam dicto monasterio hereditatem que fuerat
quondam petri maraldi. quam olim dominus Iordanus pater noster qui dudum
fuerat princeps. in predicto monasterio optulit. Haec omnia prescripta
qualiter hic super sunt adnotata. Nos prenotatus Secundus Riccardus Capuanus
Princeps. in prenominato monasterio sancti Laurentii. per hoc videlicet
principale scriptum. damus. tradimus. concedimus. adque confirmamus. ad
possessionem et potestatem et donationem iam dicti monasterii. et predicti
domini Guarini venerabilis abbatis eiusque successorum. faciendi exinde utilitatem
eiusdem monasterii. regulariter. Remota omni inquietudine. contrarietate.
et molestia omnium principum successorum nostrorum vel viceprincipum.
comitum. vel vicecomitum. Iudicum. Castaldeorum. aliorumque
omnium mortalium persona. Quod si quis huius nostre concessionis et confirmationis
paginam contemptor. aut violator in aliquo esse presumpserit.
decem libras auri purissimi persolvat. Medietatem nostro sacro palatio. et
medietatem prephato monasterio. et predicto domino Guarino venerabili
abbati eiusque successoribus. Solutaque pena librarum. hoc principale scriptum
cum omnibus que continet. firmum. munitum. atque inviolabile maneat
in eternum. Et ut hoc principale scriptum firmius credatur et diligentius
288
ab omnibus observetur. Manu propria corroboravimus. et
nostri sigilli inpressione iussimus insigniri +
Ex Iussione prephate serenissime potestatis. Scripsi. EGO QUIRIACUS
IUDEX. In anno dominice incarnationis. M. Centesimo quarto. Et Vicesimo
quarto anno principatus prephati domini Secundi. R. gloriosi principis Capuae.
DATUM Capua Mense Magio per indictionem duodecimam +
|