+ In nomine domini dei salvatoris nostri iesu christi. Anno ab incarnatione
domini nungentesimo octoagesimo sexto. quam et quinto anno
principatus domini landenolfi excellentissimi principis mense aprelis quartadecima
indictio. Nec non et sexto anno domini adenolfi egregii archipresulis.
quo deo fabente sancte capuane sedis archipresul consecratus est.
Sicut canonica continent decreta. nulli licitum est ubicumque construere
quecumque oratoria. absque notitia et licentia archiepiscopi. cuius diocesim
subiacent. nam omnes ecclesie cunctaque oratoria. in dicione debent esse archipresulis.
in cuius diocesim esse videntur. Quamobrem nos prephatus adenolfus
archiepiscopus. tam archiepiscopali auctoritate fulti. quam precessorum
nostrorum secuti exemplar. qui plurimas ecclesias liberas fecerunt.
precatu auloaldi archiadiaconi nostri dilecti cum consensu sacerdotum ac
levitarum. ceterorumque ordinum clericorum. per hoc nostrum roboreum
preceptum concessimus ut ecclesia quam tu domina aloara serenissima principissa.
et predictus dominus landenolfus magnificus princeps tuus filius vocabulo
sancti laurentii levite et martiris intus istam capuanam civitatem a
nobo fundamine construxistis. pro redemptione animarum vestrarum et domini
paldolfi principis et marchionis et domini landolfi principis et domini
atenolfi marchionis et domini paldolfi principis. et domini landolfi et domini
gisolfi. In qua etiam cenobium serborum dei preordinasti sit absolute
libera amodo et deinceps ab omni condicione archiepiscopalis dominationis
cum omnibus rebus et pertinentiis suis sive quas inferius declaramus.
sive quascocumque modo ad possessionem predicte ecclesiae eius rectores adque
custodes acquirere potuerint set ex is que nunc possidet aliquas nominamus
in primis ipsas terras et presas quomodo circumdat eas murus cum
uno pede extra ipsum murum appede de manu landonis senioris castaldei mensurato
in quibus presis ex predicta ecclesia constructa et mansiones ad utilitate
illic commorantium serborum dei simulque cum omnibus terris in loco
ferrunianu et cum omni parte de ecclesia sancti nazarii constructa in predicto
loco ferruniano seu et integris omnibus territoriis de loco ubi dicitur
vigintiquinque in finibus liburie quam et inclita sorte de terris et silvis
in via munda et inclitis territoriis de intus laneo in loco ubi dicitur campora
et terra foras ponte casulini aripa de ipsu carbonaru in qua nunc
ortus esse videtur et curte et terris in loco bitulacci ubi dicitur ad tutum
et ipsa curte de sancto stephano ad scola greca et ipso prato cum silba sibi
coniuncta et tribus molinis que facta sunt in ipsa aqua de ipso saone in
monte marsico et ecclesia sancte fortunate que nunc destructa esse videtur
que olim constructa fuit iuxta lacum patriense cum vigintitribus modiis de
terris quas presas et terras et molina et pratum et silvas supranominata
domina aloara principissa per consensum et largitatem domini landenolfi
gloriosi principis et domini gisolfi filiorum tuorum in predicta ecclesia sancti
laurentii in qua deo auxiliante serborum dei cenobium ordinasti offeruisti
secundum ordinem. quem continent offertiones eiusdem ecclesie cum his etenim
et cum aliis omnibus rebus sibi pertinentibus sit predicta ecclesia absolute
libera ut prediximus amodo et deinceps. ab omni condicione archiepiscopalis
dominationis. quemadmodum nullo olim tempore quilibet nostrorum
successorum archipresulum seu sacerdotum. vel cuiuscumque gradus clericorum
in eadem ecclesia seu in illis ecclesiis que ei subiecte fuerint sive
quas rectores predicti cenobii in rebus iamfate ecclesie et edificaberint
vel costruxerint nullam dominandi licentiam habeant vel censum aliquem
aut reditum exigat de eis vel de cunctis pertinentiis earum nullique alteri
ecclesie subiaceant. set in sola potestate abbatis seu rectoris quem per vos et
per vestros heredes in eadem ecclesia sancti laurentii in qua monasterium deo
iubante ordinatus fuerit cum integris eius pertinentiis eas subditas esse censemus.
eo quot predictum monasterium in proprio vestro territorio construxistis.
concedimus etiam prefate sancte ecclesie ut abbas eiusdem loci
eiusque congregatio publice peragant. monasticum ordinem secundum quot
eis recte visum fuerit ad laudem dei ecclesias vero construere et reedificare
ut prediximus in rebus eiusdem cenobii absque omni nostra nostrorumque
successorum. contrarietate vel molestatione construere et reedificare licentiam
et potestatem habeant. et episcopum quem voluerint. perducere sive ad edificandas
ecclesias sive ad aliud quodcumque ad opus dei amodo et in perpetuum
potestatem habeant. concedimus etiam prefate sancte ecclesie baptismum.
oleum vero et crisma et firmatam nos et posteri nostri nullo modo
detinere vel contradicere sancimus. et si abbas ordinandus in eadem ecclesia
fuerit talis ibidem per vos et per vestros eredes ordinetur qualem sibi congregatio
elegerit. nullam dationem aut munera exinde recipientes. et nos et
posteri nostri gratis consecremus eos. Quam quidem nostre absolutionis emunitatem
a nullo ex nostris remoberi successoribus per deum omnipotentem
simplum et trinum eiusque omnes sanctos adiuramus. set hec libertas ita
incorrupta et inbiolabilis permanead ut a nullo numquam commobeatur aut
dirrumpatur et neminem ex his que in predicto monasterio conbersantur
vel ex presbiteris qui in ecclesiis eiusdem cenobii subiectis ordinati fuerint
vel deserbierint non habeamus nos aut successores nostri licentiam escommunicare
quod si quispiam presumptor dirrumpere hoc libertatis scriptum
in primis inretimus eum vinculo anathematis adque pro peracto scelere
sciad se compositurum auri purissimi libras viginti in predicto sancto cenobio
et ut ab eis hoc libertatis scriptum incunctanter credatur. sigillo nostro
continente imaginem sancti stephani iussimus sigillari. quam videlicet
libertatis absolutionem tibi iohanni subdiacono. primicerio et bibliothecario
nostro. scribere precepimus. nec non et propriis manibus. sacerdotes reliquosque
cleros nostros se subscribere iussimus. et pro confirmatione supradictorum
omnium. secundum consuetudinem preceptorum. manu nostra subscripsimus.
Actu Capue in sacratissimo archiepiscepatu feliciter.
+ ego qui supra auloaldus archidiaconus. ex iussione domini adenolfi
archiepiscopi me subscripsi
+ ego petrus diaconus ex iussione domini adenolfi archiepiscopi me
subscripsi
+ ego leo diaconus ex iussione domini adenolfi archiepiscopi me
subscripsi
+ ego toto archipresbiter ex iussione domini adenolfi archiepiscopi
me subscripsi
+ iohannes presbiter et primicerius ex iussione domini adenolfi archiepiscopi
me subscripsi
+ ego bonipertus presbiter ex iussione domini adenolfi archiepiscopi
me subscripsi
+ ego audoaldus subiaconus ex iussione domini adenolfi archiepiscopi
me subscripsi
+ ego iohannes subdiaconus ex iussione domini adenolfi archiepiscopi
me subscripsi
+ ego leo subdiaconus ex iussione domini adenolfi archiepiscopi me
subscripsi
+ BENE VALETE
|