|
+ In nomine domini anno bicesimo nono principatus domni nostri guaimari, et tertio
anno principatus domni iohanni eius filii, gloriosi principibus, mense februarius, prima
indictione. Memoratorium factu a me maio presbiter et abbas ecclesia sancti maximi, una
mecum adesset roderisius adbocatorem nostrum, eo quod ante subscripti idoneis hominibus
tradidimus ad plantandum abellanietum petri filio maraldi da pariti una pecia de
terra bacua pertinentes predicte ecclesie de locum catenella, ubi priatu dicitur, per has
fines et mensuras: a pars orientis fine limite, inde passi triginta quadtuor: a parte meridie
rectum mensurati passi sexaginta sex: a parte occidentis fine predicte ecclesie, et
inde passi quadraginta sex: a parte septemtrionis fine media sepe, inde passi biginti
septem; et ab inde rebolbente in parte quasi meridie per media sepe inde passi decem et
octo, et ab inde rebolbente in parte orientis, sicut et inde media sepe discernit usque ipso
limite, indeque passi biginti octo, totum mensuratum ad iusto passum hominum; predicta
vero pecia de terra per iamdicte finis et mensurie inclita predicto petri tradidimus
tali ordine, ut amodo et semper ipse petrus et filiis filiabus suis natos nascentes sue potestatis
illut teneant et dominent, et iusta ratione sue utilitatis sibi faciant, et totum illut
pastenent abellanietum bonum et, ubi meruerit, seu per circoitum illut clusum abeant,
et ad completi duodecim anni, ut amodo se compleant, ipse petrus, vel filiis filiabus suis,
natos nascentes, adsignent nobis vel ad pars dicte ecclesie in iamdicta pecia tota abellanietum
bonum factum, operatum, et cultatum et surtum, sicut de tantos annos et locus
ipse meruerit, ut bene paread laboratum et cultatum, et iam abinde in antea illis illut
laborent annualiter perfectum, quatenus proficiad et non disperead; et a quo abellane
inde collexerit, faciant partibus nostre ecclesie scire annualiter, ut ibidem dirigamus
missum nostrum, et illis tote ipse abellane colligerent et seccharent, et inclita tertiam
partem ad pars iamdicte ecclesie inde darent, et adducerent ille semper ad pars iamdicte
ecclesie usque cellarium, quod abemus ibique in ipso locum: similiter et nuci, quod amodo
et semper inde collexerint, medietate semper ille ad pars predicte nostre ecclesie adducant
ad predictum cellarium, et medietate ipse cum due partis de ipse abellane sibi abeant;
poma vero, que ibi abuerit, annualiter illis eas inde colligere, et medietate ipse nobis dare,
et medietate sibi abeant; et de quod annualiter ibidem seminaberint, deant inde ad pars
iamdicte nostre ecclesie terraticum secundum consuetudinem de ipso locum; missum vero,
quod annualiter pars iamdicte nostre ecclesie illuc direxerit pro ipse abellane, illis eum
nutriant secundum suam possibilitatem, donec pro ipse abellane recipiendum ibidem steterit;
et quale tempore da ipsi duodecim anni in antea illut tenere et laborare noluerint
in supradicta ratione, remittant illut ad pars iamdicte nostre ecclesie operatum, sicut
illis diebus meruerit, et illis licead inde exire cum causa sua que ibi abuerit, sine contrarietate
de pars predicte nostre ecclesie. De qua per bona combenientia guadia nobis ipse
petrus dedit, et mediatore nobis posuit petrus clericus filius quondam leoni qui residet propinquo
porta elini; et per eadem guadia .
tamen supradicta rebus ei tradidimus cum bice de bia sua, et hunc brebem
scripsi ego romoaldus notarius.
+ Ego iohannes notarius me subscripsi
+ Ego petrus notarius me subscripsi
+ Ego iaquintus.
| |