|
+ In nomine domini quartodecimo anno principatus domni nostri guaimarii filii quondam
domni guaimarii magni principis, mense octuber, quintadecima indictione. Ideoque
ego mulier nomine mila filia quondam iohanni, et uxor sum astilfi filii quondam leoni, de
claro mihi pertinentes esse una sedilia de casa intus castello caput aquis, ubi proprio ad
ipsa fassa dicitur, a super et propinquo ipsa ripa mihi pertinentes a supradicto genitorem
meum et est coniuncta cum ipsa casa de petrus clericus filius quondam teuderici, et congruum
est mihi tota et inclita ipsa sedilia de casa, qualiter conciata vel edificata est,
illos donare ad remedium filium quondam andree et ad beraldum generum suum et filium
quondam biti, et, ut pleniter secundum lex, ego nominata mulier fecit exinde notitiam ad
predicto viro meus qui est mundoalt meum, et una cum ipso viro meus pariter perreximus
intus caput aquis ante subscripti testes per bona conbenientia per anc quoque videlicet
cartulam bona etenim nostra bolumtate donamus adque ad semper abendum confirmamus
vobis iamdictis remedii et beraldu tota et inclita ipsa iamdicta sedilia de casa de intus
predicto castello que abet ec finis et mensurias. A pars orientis sunt pedes quadtuor,
et semisse unu, et planta una, et untia una: a pars septemtrionis sunt pedes decem et octo,
et semisse unum, et untie tres: a pars occidentis sunt pedes quadtuor, et semisse unu, et
untie quadtuor: a pars meridie sunt pedes decem et octo, et semisse unum, et uncie tres,
totum mensuratu ad iusto pedes manus ominis; hec vero iamdicta sedilia de casa, qualiter
mensuria ipsa circundat, sic tota et inclita illut vobis remedii et veraldi donabimus, cum
introitu exitu et vice de bia sua, et cum omnia intro se abentibus omnibusque inde pertinentes,
ingrediendum et regrediendum a super in ipso solario, quam et in ipso catoiu cum
omnia vestra utilitate per ipsa regia de ipso catoiu, quod commune abuimus cum predictus
petrus clericus et tale vicem inde abeatis per ipsa regia de ipso catoium vos iamdicto remediu
et beraldu ingrediendum et regrediendum et vestris eredibus, sicut et ipse petrus clericus
ibidem abunt, hunde nihil nobis aut ad eredibus meis, aut cuiqua ominibus exinde
non reserbabimus vel dicimus alicui ibidem manere sortionem, set totum et inclitum illut
vobis iamdictum remedium et bernaldum donabimus cum sericidiis suis, et cum bice de
strictolis et plateis suis, qualiter pertinentes est in ipsa predicta sedilia de casa, ad securiter
et firmiter amodo et semper vos et vestris eredibus illos, ut dictum est, avendum, dominandum,
possidendum et omnia exinde faciendum que vobis vestrisque eredibus placuerit,
sine omni nostra vel de nostris eredibus aut cuiqua ominibus aliqua contrarietate. Unde pro
confirmanda et stabiliscenda ec suprascripta vestra donatione nunc a presente recepimus
a vos iamdictis remediu et bernaldu ego nominata mulier, unaque cum ipso mundoalt meum
launegilt sclauso camiso uno, et cum eo mistum tarenos aureos quindecim in omne deliberatione,
sicut inter nos combenit, finitum est oc donum per subsceptum launegilt, ea ratione
ego nominata mulier commune consensum cum ipso viro meus guadia vobis remedium et
bernaldi dedimus, et mediatorem vobis posuimus petrus filius pinnini clerici; et per eadem
guadia per bona conbenientia obligo me iamdicta mulier una cum ipsu mundoalt meum et
nostris filiis et eredibus predicta nostra donatione in omnibus, ut dictum, illut vobis defensandum
et ad vestros eredes nos et nostros eredes etiam et da illis ominibus et partibus, qui
pro nostris partibus vobis, aut ad vestros eredes emiserit qualiscumque causationes et da
omnibus ominibus omnique partibus. Et qualis tempore bolueritis per bos exinde esset autores
et defensores, vice nostra licentia et potestate abeatis cum ista cartula, seu cum quale
alio monimen et ratione inde abere potueritis, in omnibus inde causare et finem facere, et
eos vobis defensare; nam, quando nos nostrisque eredes inde autores et defensores abere
quesieritis, nos autem nostrisque eredibus in omnibus, ut dictum est, eos vobis defensemus
ab omnibus ominibus omnique partibus. Et si illut vobis defensare non potuerimus, tunc,
sicut in lex langobardorum de donum et launegilt continet, ita nos et nostros eredes adimpleamus
et persolbamus iustitia. Si autem et taliter scribere rogabimus te dauferius clericus et
notarius intus caput-aquis.
+ Ego pinninu clericus
+ Ego mari.
| |