+ In nomine domini nostri ihesu christi. quarto anno principatus domini
Landenolfi gloriosi principis mense magio quarta decima indictione. Ideoquem
nos aloara domini gratia principissa relicta bone memorie domini paldolfi
gloriosi principis et filia cuiusdam petri. comitis. Una cum consensum et
bolumtate supradicti landenolfi principis et gisolfi germanis filiis et mundoalt
meis. in quorum mundium esse agnosco. et cum eorum bolumtate. quam
et pro mercede et salbatione anime supradicti domini paldolfi gloriosi principis
viro meo. et pro mercede et redemtione anime bone memorie paldolfi
principis salernitane cibitati filio meo. et pro mercede. et salbatione animabus
landolfi principis et atenolfi marchionis filiis meis. et pro nostra anima. per
hanc cartula nos qui supra aloara principissa. cum bolumtate predictorum
landenolfi principis et gisolfi filii et mundoalt meis. offeruimus in monasterio.
nostro bocabulo sancti laurentii constructo intro hanc nostra capuana cibitate.
iusta porta que dicitur capuana. quem supradictus dominus paldolfus
princeps viro meo a nobo fundamine inchoabit facere. et nos illos auxiliante
domino complebimus ubi dominus iacobus venerabilis abbas esse bidetur.
offeruit itaque ibidem ecclesia mea quibus nunc distructa est et est edificata
in propriis territoriis nostris. iusta aqua de laco nostro que dicitur patriense
cui bocabulo eidem ecclesie bidetur esse beate furtonate cum biginti tres
modia de terra circumdantes eadem ecclesia. Insimul cum aqua de crea que
dicitur montebibus. seu et offeruimus in prefato monasterio biginti modia
de terra de ipsis territoriis nostris. de gualdo illo que dicitur patriense
infra fines de terris nostris circumdantes. ad exagoma granum seminationis.
Ideo supradicta ecclesia sancte furtonate cum predictis biginti tres modia
de terra circumdantes predicta ecclesia insimul cum iam dicta aqua que
dicitur de crea ubi dicitur montebibu. seu et alia biginti modia de terra
de ipsis terris nostris de ipsos gualdo que dicitur patriense. Una cum omnia
intro abentibus subter et super et cum biis suis ibidem intrandi et exiendi
in prefato sancto monasterio dedimus adque offeruimus ad possessionem
eidem nostri monasterii et de eiusque abbatibus vel rectoribus qui per nos
ibidem ordinati fuerint. ad abendum et possidendum et faciendum partem
ei monasterii omnia que vobis placuerit. seu et offeruimus in prefato
sancto monasterio et ad eiusque abbatibus vel custodibus pro animabus
nostris. duos lontres cum paraturie de bolestike ut licentiam et potestatem
abeant ipsa duos lontres in ipso lago de patria piscare in tota ipsa
aqua de qualiter illi boluerint absque contrarietate
nostra et de nostris heredibus. seu et de qualiscumque persona ominum.
simulque offeruimus in prefato cenobio ipsis terris nostris quantis nobis sunt
pertinentes de loco ubi dicitur casale ianni et ubicumque exinde inbentum
dederit in eodem locis. quam et offeruimus in predicto nostro cenobium
sancti laurentii terre et ripe et aqua que esse bidetur de ipso laneo ubi
dicitur buczaotre. ut licentiam et potestatem abeatis partem predicti monasterii
et illis ominibus qui et vos volueritis ex utraque ripis de ipsa aqua
et terris de ipso laneo et ibidem fossatam mittere. et molinum ibidem edificare
qualiter melius potueritis et bolueritis et eum ibidem abere absque
contrarietate nostra et de nostris heredibus seu de qualiscumque persona
ominum. Iterum et offeruimus in prefato sancto monasterio unum famulum
meum nomine leolum cum decem capita de iumente mee sanguenare et cum
triginta modia de ipsa terra de pratu que dicitur sanguinitu. ubi ipsos tollere
bolueritis. abente pro uno quoque modio de ipsa terra rationabiliter
in longum passos triginta et per amba capi similiter passos alii triginta
ad passum landoni seniori castaldi mensuratum. etiam et offeruimus pro animabus
nostris aliquata terra et presa nostra. de ipsa platea publica in prefato
monasterio qui est foras ipsum pariete predicti nostri monasterii. ut
licentiam et potestatem abeant partem predicti monasterii et eius abbatibus
adque rectoribus facere et edificare in eadem terra que est coniuntum
cum ipsa silice et est coniunctum cum predicto muro qui circumdat predicto
monasterio. et est latum pedibus sex et badit longum quantum est
ipse muro de suprascripto monasterio. facere et edificare poteke et eadem
poteke abere et ominibus qui et parte predicti monasterii ibi posuerint ad
abitandum nullam contrarietatem ibidem facientes absque quamlibet persona
omini. seu et dedimus et offeruimus in monasterio sancti laurentii de ipsa
terra et silba nostra que abemus in loco ubi dicitur bia monda in longitudine
passos trecentos. et pro latitudine passos centum. ad suprascriptum passu
mensuratum. insimul cum triginta scrofe et duo berri. hec omnia supradicta
que superius legitur. in prefato monasterio nostro hofferuimus cum
consensum et boluntate predictorum filiis et mundoalt meis. ad possessionem
predicti nostri monasterii et de eiusque abbatibus adque rectoribus. abendi
et possidendi et dominandi et fruendi in omnibus eorum sit potestatis et
faciendi exinde que ad pars iamdicti monasterii placuerit. Ea ratione quatenus
amodo et semper supradictus noster monasterius sancti laurentii et
eiusque abbatibus adque rectoribus firmiter abeant et possideant. ea omnia
supradicta que in predicto monasterio offeruimus. et obligamus nos qui supra
aloara domini gratia principissa cum consensum et boluntate supradicti
landenolfi principis et gisolfi filii et mundoalt meis nos et nostris eredibus
ea omnia supradicta que in predicto monasterio offeruimus defendere et
antestare semper. predicti monasterii et ad eiusque abbatibus vel rectoribus
ab omnibus hominibus ab omnique partibus. Nam si nos que supra aloara
domini gratia principissa. aut nostris eredibus hanc cartula offertionis de
quibus continet aliquando per qualecumque ingenium dirrumpere aut remobere
quesierimus et si non compleberimus ad partem predicti monasterii
et ad eiusque abbatibus adque rectoribus ea omnia qualiter superius diximus
quincentos bizantinos solidos pena nos et nostris eredibus ad partem
predicti monasterii et ad eius abbatibus adque rectoribus componere obligamus
et omnia supradicta ad partem predicti monasterii complire obligamus.
et hanc cartulam offertionis qualiter continet firma permaneat semper. et
taliter nos que supra aloara domini gratia principissa. una cum consensum
et boluntate supradicti landenolfi principis et gisolfi filiis et mundoalt meis.
pro remedium anime nostre fecimus. et tibi iohanne notario scribere precepimus.
Capua
+ Ego Grimoaldo comes
+ Ego Guisenolfus iudex
+ Ego Landolfus
+ Ego Maio
|