|
327
In Dei nomine. Anno ab incarnatione domini nostri Iesu Christi millesimo centesimo tricesimo, residente papa Innocentio et regnante rege Lothario, octavo kl. octubris, indictione
viii. Quoniam rerum gestarum memoriam aboleri facile contingit, tum temporis prolixitate
tum desidia et incuria alicuius negligentis et incuriosi hominis, aut forte imbecillitate
naturę, idcirco ea, que acta inter domnum Azonem olim florentinum civem, nunc vero Dei gratia monachum monasterii siti in loco qui dicitur Camalduli, et Henrigum prepositum canonicę sancti Donati visum est utilius litteris denotare quam solummodo memorię commendare. Et ideo ego Henricus prepositus et gubernator suprascriptę Dei ecc1esię et canonicęcum non mea culpa res maxime et valde utiles suprascripte canonicęfere omnes pignori sint positę et quodammodo deperditę nisi a creditoribus luerentur, cum res mobiles nullę superessent suprascriptę caonicę que venundari possent aut rerum immobilium nullę minus utiliores nostrę aecclesię, cum consensu et voluntate fratrum nostrorum canonicorum disposuimus quandam curtem nostram nomine Mocionam vendere et ita creditoribus solvere. Quapropter manifestus sum ego Henricus prepositus, qualiter bona et propria voluntate, nullo cogente aut vim faciente, sed una bona et spontanea voluntate, vendo et trado tibi domno Azoni monacho recipienti vice domni Azonis prioris vice aecclesię s. Salvatoris idest integram curtem nostram que Mocionam vocatur, terram denique cum redditibus et pensionibus et omnibus que supra se et infra se habet, cum accessionibus et pertinentiis et adiacentiis propriis, et quicquid nobis inde pertinuit, sicut detenta fuit per castaldum de Mociona, cum villis et hominibus residentibus in eis; terram quidem cultam et incultam, cum arboribus fructiferis et non fructiferis ubicumque in suprascripta curte Mociona et Corsignano et Sparena, de rebus pertinentibus nobis invenitur aut dinoscitur esse, sive in piano sive in monte, per loca et vocabula propria: et est in comitatu aritino in plebe s. Marie sita Partina vel in aliis plebibus. Predictam itaque curtem nostram, sicut detenta fuit per castaldum de Modiona, cum omnibus que supra se et infra se habet, cum pratis et aquis omnibus et fontanis, paludibus, arboribus, redditibus censionibus, sive per alpes sive in montibus vel in planitie aut in collibus aut in quocumque loco ex ea curte invenitur aut dinoscitur esse quod pertineat nobis aliquo iure vel titulo vel aliquo alio modo, suprascriptę aecclesię s. Salvatoris Campi amabilis vendo et trado, et exinde corporalem investitorem do Ugonem primicerium nostrę aecclesię, quatenus ab odierna die suprascripta Dei aecclesia et monachi ibidem Deo servientes in perpetuum habeant et detineant sine mea mihique in prepositura et officio meo succedentium molestia vel litis causatione. Quod si in aliquo exinde vos presumpserimus molestare, contendere, minuare, aut per placitum vel extra placitum fatigare, aut si ab omnibus hominibus non defensaverimus, auctorizaverimus, warentaverimus, aut apparuerit datum factumve a nobis huic nostręvendictioni nociturum, tunc obligo me et meos successores in officio suprascriptę Dei aecclesię s. Salvatoris et Azoni priori camaldulensi suisque in predicto officio successoribus componere eas in dupplum, sicut tunc temporis fuerint meliorate sub extimatione pretii, et insuper pene nomine argenti libras optimi centum, et post penam solutam valeat hec carta, et liceat vobis eam in iudicio ostendere, et vestram causam agere et legittime diffinire Unde hec carta fieri rogata est.
Actum iuxta civitatem Aritinam in ecclesia sancti Michaelis feliciter.
Ego Henricus aritinorum fratrum minister ss et hanc cartam fieri rogavi Ego Rodulfus presbiter et canonicus ss. Ego Ugo canonicus et primicerius interfui et ss. Ego Pepo canonicus et subdiaconus ss. Ego Dominicus presbiter et canonicus ss. Ego Rodulfus presbiter et canonicus ss. Ego Iohannes presbiter et canonicus ss.
// Ego Saracenus iudex huic officio ab imperatore detegatus huic contractui interfui et ss. Ego Gerardus presbiter et canonicus ss. Ego Gressa ss. Ego (Ildebrandus) archidiaconus atque canonicus ss. Ego Maianus canonicus et presbiter ss.
Ego Iohannes canonicus ss. Ego Ierardus presbiter et caonicus ss. Ego Rainerius canonicus et diaconus ss. Ego Homodei canonicus et diaconus ss.
Ego Gerardinetlus subdiaconus et canonicus ss.
Ego Buianus aritinus etectus aritinę canonicę previdens utilitatem confirmo et ssi et refuto scutetlas pro me et meis successoribus.
††††† Signa manuum Pagani filii quondam Aricii et Guidonis filii quondam Bezoni et Balduvini fili quondam Ubertini et Sassoli fili quondam Gerardi et Gregorii fili quondam Pagani.
† Ego Vivianus iudex et notarius scripsi et complevi.
| |