|
324
+ In nomine Domini. Anno millesimo octogesimo quinto ab incarnatione
domini nostri Iesu Christi, mense decembrio, nona indictione. Memoratorium
factum a nobis Urso et Madelfrido et Burrello, germanis filiis quoddam
Petri magistri, de hoc quod ante Iohannem gastaldum et iudicem aliosque
idoneos homines coniunximus nos ad legem cum Iohanne, filio cuiusdam
Berenardi, et causavimus cum eo dicendum ut monimina nostra propria
et monimina communia, unde nobis legibus portionem pertinet ipse haberet et
nobis celasset et a nobis absentasset; ob hoc quesivimus ab eo responsum audire
et legibus iustitiam recipere. Quod ille audiens respondit et dixit ut perquireret
monimina sua, et si inveniret monimina propria nostra retderet illam
nobis, et si inveniret monimina communia, unde legibus nobis portionem pertinet,
plicaret illa coram iudice ad faciendum exinde nobiscum finem secundum
legem et consuetudinem istius civitatis. Et ideo per iudicium supradicti iudicis
inter nos sumus guadiati tali tenore, ut ipse Iohannes debeat requirere monimina
sua et si inevenerit monimina propria nostra reddat illa nobis, et si invenerit
monimina communia unde nobis legibus portionem pertinet, debeat illa
plicare coram iudice et facere exinde nobiscum finem secundum legem
et consuetudinem istius civitatis, et si pulsatus fuerit a nobis quod plus monimina
propria vel plus monimina communia, unde nobis legibus portionem
pertinet, ipse haberet et celasset et absentasset; ideo ipse secundum legem et
consuetudinem istius civitatis debeat iurare nobis ad sancta Dei evangelia dicendum
quod plus monimina propria vel plus monimina communia, unde nobis
legibus portionem pertinet, ipse non haberet nec celasset nobis nec absentasset
a nobis et si nec monimina propria nec monimina communia, unde nobis
326
legibus portionem pertinet, non invenerit et pulsatus fuerit inde a nobis,
ideo secundum legem et consuetudinem istius civitatis debeat iurare nobis ad
sancta Dei evangelia dicendum quod nec monimina propria nec monimina communia,
unde legibus nobis portionem pertinet, ipse haberet neque nobis celasset
neque absentasset. Unde ille a parte sua de taliter se plicandum et, sicut
dictum est, nobis adimplendum mediatorem nobis posuit Adelferium, filium
cuiusdam Iaquinti, et nos ei mediatores posuimus. Hoc brebe per demandationem
supradicti iudicis scripsi ego Iohannes notarius.
+ Ego qui supra Iohannes gastaldus et iudex.
| |