|
In nomine domini nostri Iesu Christi. Anno ab incarnatione
eius millesimo septuagesimo quinto et tricesimo tertio anno
principatus domni nostri Gisulfi gloriosi principis, mense
martio duodecima indictione. Coram me Rottelgrimo comite et
iudice Antocia filia quondam Constantini castaldei que quondam
fuerat uxor Petri comitis filii quondam Pandenolfi clerici
coniuncta est cum Astulfo filio quondam Gisolfi comitis
et ipsa Antocia ostendit unam
cartulam divisionis scriptam per Iohannem notarium tertiodecimo
anno principatus suprascripti domni nostri Gisulfi,
mense iunio septima indictione. Qualiter ante Siconem
comite et iudice ipsa Antocia et Matrona soror eius filia
suprascripti Constantini, que fuit uxor Iohannis comitis
filii quondam Truppoaldi qui fuerat stolsaiz et comes, dum
una cum eis ipsi viri illarum adessent, coniuncte fuerant ad
comprehendendum inter se sortes de terris et casis de intus
hanc civitatem et de rebus foris hac civitate quas comune
inter se habebant, et inter alia, quod ipsa Amocia comprehenserat
in sortem, compreenserat partem a septemtrione
de terra cum vineis et arbustis et silbis de loco Materno,
que erat per fines et mensuras iusto passu hominis mensuratas:
a parte occidentis finis media serra, inde passus
viginti quinque; ab ipsa parte septemtrionis finis media
sepes et intra ipsam terram erga ipsam sepem recte mensurati
passus viginti sex usque terminum, et erat ibi lata ipsa
sors ab ipso termino recte in ipsa parte meridiei usque
alium terminum qui fixus erat inter ipsam et aliam sortem
passus viginti duo; et ab ipso termino ubi compleverant ipsi
viginti sex passus recte descendebat per media sepe usque
terminum qui fixus erat per mediam sepem usque terminum
qui fixus erat in hora subtana de via publica passus viginti
sex, et erat ibi lata ipsa sors ab ipso termino qui fixus erat
in hora subtana de ipsa via usque alium terminum qui fixus
rat in parte meridiei in hora subtana de via inter ipsam et
aliam sortem passus viginti tres et medium, mensurati
per ipsam viam; et ab ipso termino qui fixus erat in hora subtana
de ipsa via ubi compleverant ipsi viginti sex passus recte
descendebat per mediam sepem in ipsa parte orientis intra
ipsam rem erga ipsam sortem recte mensurati passus
quinquaginta, et erat ibi lata ipsa sors passus viginti octo
et medium usque alium terminum qui fixus erat in parte
meridiei inter ipsam et aliam sortem recte mensurati passus
... compleverant ipsi quinquaginta passus descendebat
in ipsa parte orientis per mediam sepem et medium
vallitellum passus quinquaginta octo intra ipsam rem
prope ipsam sepem et vallitellum recte mensurati, et erat ibi
lata ipsa sors passus viginti octo et medium usque alium
terminum qui fixus erat in parte meridiei inter ipsam et
aliam sortem passus quadraginta minus palmos duos recte
mensurati: a parte orientis finis medio ipso vallitello qualiter
descendebat et coniungebat in aqua que dicitur Lucubie; a
parte meridiei finis alia sors qualiter recte ascendebat
ab eo loco ubi predictum vallitellum coniungebat cum ipsa Locubia
in ipsa parte occidentis usque terminum qui fixus erat
inter ipsam et aliam sortem in ripa de ipso vallone, et ab
ipso termino qui fixus erat in ripa de ipso vallone ascendebat
recte in parte occidentis erga aliam sortem passus
quadraginta usque alium terminum qui fixus erat inter ipsam
et aliam sortem et revolvebat in ipsa parte septemtrionis
erga aliam sortem passus viginti usque alium terminum
qui fixus erat inter ipsam et aliam sortem, et ab inde
revolvebat recte in ipsa parte occidentis erga ipsam secundam
sortem usque ipso termino qui fixus erat inter ipsam
et aliam sortem ubi erat ... passus minus palmos
duos, et ab ipso termino ascendebat recte in ipsa parte occidentis
erga aliam sortem per ipsos terminos qui fixi
erant inter ipsam et aliam sortem usque media serra; cum
omnibus que intra eam erant cunctisque suis pertinentiis et cum
vice de ipsis viis et de aliis viis suis, ad faciendum ex ea ipsa
Antocia et suos heredees quod vellent, sicut ipsa cartula
continet, in qua ipse Sico comes et iudex subscriptus est.
Cum autem suprascripta cartula fuit ostensa, ipsa Antocia, sicut ei
congruum fuit, bona sua voluntate per convenientiam, per hanc
cartulam, secundum legem et consuetudinem Romanorum qua vivit,
tradidit ipsi Astulfo pro parte Petri filii sui et suprascripti Petri
comitis integram suprascriptam terram ... per predictas
fines et mensuras qualiter eam ... quemadmodum suprascripta
cartula divisionis continet et cum omnibus que intra eam sunt
cunctisque suis pertinentiis et cum vice de ipsis viis et de aliis viis
suis et cum vice et pertinentia de predicta cartula et de aliis
muniminibus ex ipsa terra continentibus. ea ratione ut integra suprascripta
traditio semper sit in potestate ipsius Petri et heredum
eius, et liceat illum et eius heredes de ea facere quod voluerint; et
per convenientiam ipsa Antocia secundum legem et consuetudinem
Romanorum guadiam ipsi Astulfo pro parte ipsius Petri filii
sui dedit et fideiussorem pro ipsius parte ei posuit Romoaldum
filium quondam Petri clerici et medici et per ipsam guadiam ipsa
Antocia obligavit se et suos heredes semper defendere ipsi Petro
filio suo et illius heredibus integrum illud quod ipsi Astulfo pro
illius parte sicut suprascriptum est tradidit ab omnibus hominibus,
et ipsa Antocia tribuit licentiam ut, quando ipse Petrus et eius heredes
voluerint, potestatem habeant illud per se defendere qualiter
voluerint, cum omnibus muniminibus et rationibus quas de eo
ostenderint. et si sicut superius scriptum est ipsa Antocia et alios
suos heredes ipsi Petro filio suo et illius heredibus non adimpleverint
et suprascripta vel ex eis quicquam removere aut contradicere
presumpserint, per ipsam guadiam ipsa Antocia obligavit se et
suos heredes componere ipsi Petro filio suo et illius heredibus
centum auri solidos constantinatos et sicut superius scriptum
est adimplere. usumfructum vero suprascripte terre ipsa Antocia sue
potestati reserbavit dum viva fuerit ad faciendum ex eo quod voluerit;
post hovitum namque illius ipse ususfructus ... precepto
Iohannis notarii scripsit. Ego qui supra Rottelgrimus comes
et iudex.
| |