|
+ In nomine domini sebtimo decimo anno principatus domni nostri guaimari gloriosi
principis, mense nobember, quarta indictione. Memoratorium factu a me iohannes sirrentino
filio petri, qui sum commanente in locum nuceria, eo quod ante presentia maioni
presbiteri et abbati ecclesie sancti maximi, qui situm est intus anc salernitanam civitatem,
et ibique essent subscripti testes, per demandationem ipsius abbati ad tenendum et
lavorandum tradidit mihi petrus presbiter et primicerius ipsius ecclesie qui oto bocad, una
clusuria de terra cum arbustis, quod pars ipsius ecclesie abet in ipso locum nuceria, ubi
ad catacansulu dicitur, quod ipse petrus presbiter et primicerius ipsa clusuria de terra
cum arbustis in beneficium retinet a pars ipsius ecclesie, per ec finis et mensurie: a pars
orientis fine bia publica, sunt inde passi quadtuordecim: a meridie fine de eredes ruscinii
filii petri, sunt inde passi sidecim, rebolbente per eadem fine in pars meridie passos
viginti, rebolbente per ipsa fine ruscini in pars occidentis passi viginti, iterum rebolbente
in pars occidentis per eadem fine passi tridecim, rediendo in pars sebtemtrionis
per fine sancte marie passi viginti sex, iterum rediendo per eadem fine et per fine
domnica, sicud inde limite et muro discernit, sunt inde passi centum decem et sebtem:
a pars occidentis fine de eredes erchemperti et de ipsa eredes ipsius ruscini, sicud
inde limite discernit, sunt inde passi triginta sebtem et cuvito unum: a sebtemtrionis
fine de eredes ipsius ruscini, sicud inde limite discernit, sunt inde passi triginta quadtuor
et cubito unum, rebolbente in pars meridie per fine de eredes dacuperti, sicud terminatum
est, sunt inde passi decem et nobem et medium, iterum rebolbente eadem fine
dacuperti in pars orientis, et per ipsa fine pergente et coniungente se in ipsa via priore
fines, sunt inde passos centum quadtordecim et medium, totum ad iusto passum omini
mensuratum; ec vero clausum per iamdicte finis et mensurie totum et inclitum illud cum
omnia intro se abentibus omnibusque suis pertinentiis et cum vice de bia sua inclitum
illud mihi ipse petrus presbiter et primicerius per demandationem ipsius abbati ad lavorandum
et tenendum tradidit tali ordine, ud amodo et semper omni tempore ad nostra
et de nostris eredibus sint potestate eos tenendum et dominandum, et fobee et omnis nostre
utilitatis iusta rationem ibidem faciamus, et ibidem resideamus et abitemus, et tota ipsa
clusuria de terra cum arbustis abto tempore illud laboremus et cultemus de super et de
subter, sicud locus ipse meruerit, quatenus proficiant et non dispereant, et ubi meruerit,
infra ipso arbustum arbores et vites pastenare et propaginare, nos autem et nostris eredibus
illud ibidem pastenemus et cultemus sicud meruerit, et ubi meruerit, illud cludamus
et clusum abeamus, sicud meruerit; et per vindemie tempore faciamus scire ipse petrus
presbiter et primicerius, vel pars ipsius ecclesie, ud dirigad ibidem missum suum, et ego et
meis eredibus totum ipso arbustum abto tempore vindemiemus, sicud meruerit, et totum ipso
vinum ibique ad palmentum illud inter nos dividamus per medium: ipse petrus presbiter
vel pars ipsius ecclesie tollad ipso vinum medietatem, et ego et meis eredibus tollamus requa
medietate, et portemus ipsa eorum sortione de ipso vinum usque ad cellario, quod
pars ipsius ecclesie abet in ipso locum nuceria a li pariti, et adsingnare nobis ibidem
organeum vonum da vinum, et nos et nostris eredibus organeum ipsum vonum conciemus
et reponamus in ipso organeum ipsa sua sortione de ipso vinum; et dum ibidem steterit
ipso missum, nos et nostris eredibus illud nutriemus secundum nostra possivilitate et demus
ei palmentateca, sicud meruerit; et que amodo et semper ibidem seminaverimus, demus
inde ad ipso petrus presbiter vel ad pars ipsius ecclesie terraticum secundum consuetudinem
de ipso locum; et quale tempore ego et meis eredibus illud per ipse finis et
mensurie tenere et lavorare non boluerimus, inclita ipsa rebus laborata et cultata et clusa
remittamus ad potestate ipsius ecclesie, et licead nos et nostris eredibus inde disturbare
reditum, et excotere et omnis nostra causa movilia, et ire cum illud ubi boluerimus, sine
contrarietate ipsius petri presbiteri vel de pars ipsius ecclesie. Unde pro taliter per vona
convenientia per demandationem ipsius abbati guadia mihi ipse petrus presbiter et primicerius
dedit, et mediatorem mihi posuit iaquintus diaconus et primicerius filius gaudiosi;
et per ipsa guadia etc.
berumtamen et oc memoramus, quia supradicta tradictio tradidit mihi
ipse petrus presbiter per demandationem ipsius abbati una cum petrus comes, qui est adbocator
et unum de domini ipsius ecclesie, per supradicta guadia omnia suprascripta omni
tempore mihi et ad mei s eredibus natos nascente ipse abbas et suis successoribus, vel pars
ipsius ecclesie adimplendum, et ipso binum quod est sortione sua, per tempore, quando
boluerit, illud reponere ibidem intus ipsa casa mea, adsingnare nobis ibidem ipso organeum,
et nos et nostris eredibus organeum ipsum bonum conciemus et reponamus ibidem ipsa
sua sortione de ipso binum, et faciamus eorum ipso binum salbum, dum illud inde tulerit,
absque degeneratione et ingne; et ipsa pecia cum arbustis, qui modo non est cultata,
qui est intra ipse finis et mensurie, a partibus occidentis erga ipsa fine de eredes ercheperti
et ruscinii, nos autem et nostris eredibus illud pastenemus, et cultemus et operemus
amodo et usque sex anni completi de super et de supter, sicud de tantos annos locus ipse
meruerit, ud bene paread factum, et ego et meis eredibus omnia adimpleamus omni tempore
ad pars ipsius ecclesie, sicud eius continet brebe, per supradicta guadia et obligata
pena, et unc brebem scripsi ego romoaldus notarius qui interfui.
+ Ego Maio
+ Ego qui supra maio presbiter et abbas
+ Ego petrus presbiter et primicerius
+ Ego Amore presbiter.
| |