+ In nomine domini dei salvatoris nostri Ihesu Christi Imperante domino
nostro basilio magno Imperatore anno tricesimo septimo sed et constantino
frater eius magno imperatore anno tricesimo quarto: die undecima
mensis aprilis indictione decima neapoli: Certum est me stephanum calciolarium
naturalis filio quondam domini iohannis cata domino sergio tribuno
da porta una cum consensu maria coniuge mea: A presenti die promtissima
voluptatem venumdedi et tradidi vobis domino palumbo venerabili presbytero
filio quidem aderisci et custus ecclesie sancti angeli qui nominatur
at mercicasa tibi autem pro vice tua et pro vice bisantii nepoti tui filio quidem
rotunda non germana tua seu et pro vice martini nepoti tui filio angeli
germani . . . . . . . . . ibi ipsum at sanctum angelum: idest integrum fundum
meum positum in loco qui nominatur maranum: una cum arboribus
fructiferis vel infructiferis et cum introitum suum et omnibus sivi pertinentibus
pertinente mihi per chartulam comparationis mea que mihi exinde
fecerunt cesario cui supra nomen caputo filio quondam iohannis et sergio
genitori et filio abitatoribus in memorato loco maranum memorato cesario
cum consensu arniperga coniuge sua et memorato sergio cum voluptatem
fermosa coniuge sua que et ipsa cartula vobis in presentis dedi cum omnia
que continet: Coherente sibi ab una latere fundum heredes quondam domini
andrea prode et abet ibi de longitudine passi viginti octo: et ex alio
latere coheret fundum severi de memorato loco maranum sicuti inter se
clusa exfinat et abet ibi de longitudine similiter passi viginti octo: et de uno
capite est fundum heredes quondam domini sergii de domino basilio sicuti
inter se clusa exfinat et abet ibi de latitudine passi nobem et ex alio capite
coheret via pubblici per qua ibidem introitum abere debeatis et abet ibi de
latitudine similiter passi nobem memorati vero passi mensurati sunt at passum
ferreum sancte neapolitane ecclesie: de quibus nihil mihi exinde aliquod
remansit aut reserbavi nec in aliena cuiusque personam quod absit commisi
aut iam commicto potestatem: seu presens et deinceps prenominatum memoratum
integrum fundum meum positum in memorato loco qui nominatur
maranum una cum arboribus fructiferis vel infructiferis et cum introitum
suum et omnibus sibi pertinentibus pertinente mihi sicuti et quomodo superius
legitur per memorata chartula que vobis in presentis dedi cum omnia
que continet a me vobis sit venundatum et traditum in vestra vestrisque
heredibus sint potestatem dividendi vobis illos inter vos in tertiam parte
equaliter faciendi omnia que volueritis liberum semper abeatis potestatem:
et neque a me memorato stephano calciolario cum consensu memorata maria
coniuge mea neque a meis heredibus nec a nobis personam summissam
nullo tempore numqua vos memorato domino palumbo venerabili presbytero
pro vice tua et pro vice bisantii nepoti tuo filio memorate rotunde
monache germana tua seum et pro vice memorati martini iterum nepoti
tuo filio quondam memorati angeli germani tui aut heredibus vestris quod
absit abeatis exinde aliquando quacumque requisitione aut molestia per nullum
modum nec per summissam personam a nunc et in perpetuis temporibus
Insuper et ab omni ommines omnique personam omni tempore ego
et heredibus meis vobis vestrisque heredibus exinde in omnibus antestare
et defensare debeamus ostendente vos et heredibus vestris mihi meisque
heredibus memorata chartula comparationis mea que vobis dedi ud super
legitur ubi necessum abuerimus et sic vobis vestrisque heredibus illos antestare
et defensare debeamus propter quod accepi a vobis exinde in presentis
in omnem decisione seu deliberatione Idest auri tari triginta sicut
inter nobis combenit: Si autem aliter fecerimus de is omnibus memoratis per
quobis modum aut summissam personam tunc compono ego et heredibus
meis vobis vestrisque heredibus auri solidos viginti quadtuor bythianteos:
et hec chartula venditionis ud super legitur sit firma scripta per manum
gregorii curialis per memorata decima indictione +
hoc signum + manus memorati stephani calciolarii: cum consensu memorata
maria coniuge sua quod ego qui memoratos ab eis rogatus pro eis
subscripsi et memorati tari traditos bidi +
het oc memmorati sumus qui venumdedi et tradidi vobis et portione de
silbas seu et de piscinis ex ipso fundo pertinentes de eodem loco maranum
cum introitas suas et omnibus sibi pertinentibus si autem aliter fecerimus
sub memorata poena maneamus +
+ ego sergius filius domini stefani rogatus a suprascriptos iugales testi
subscripsi et suprascripti tari traditos bidi +
+ ego sergius scriptor rogatus a memoratos iugales testi subscripsi et
memorati tari traditos bidi +
+ ego iohannes filius domini petri monachi rogatus a suprascriptos
iugales testi subscripsi et suprascripti tari traditos bidi +
+ Ego gregorius Curialis: Complevi et absolvi per memorata decima
indictione +
|