+ In nomine domini dei salvatoris nostri Ihesu Christi Imperante
domino nostro basilio magno Imperatore anno vicesimo hoctabo. sed et constantino
magno imperatore anno vicesimo quinto. die tricesima mensis septembrii
indictione prima neapoli. Certum est me petro fiolario filio quondam
iohannis qui nominatur de adelgarda: A presenti die promtissima voluntate
offero et trado vobis domino filippum venerabile igumeno monasterii
sanctorum sergii et bachi qui nunc congregatus es in monasterio sanctorum
theodorii et sevastiani qui appellatur casapinta situm in viridiario et at cuntas
congregatione monachorum memorati sancti et venerabilis vestri monasterii
et domino petro venerabile abbate monasterii sanctorum severini et sossi
ubi eorum venerabilia quiescunt corpora et at cuntas congregatione monachorum
memorati sancti et venerabilis vestri monasterii et per vos et in memorata
sancta et venerabilia vestra monasteria idest integrum casale meu
constitutum in loco qui vocatur marinianum insimul quod est ipsum casale
nominatum imprimis fundum unum et una petia de terra que nominatur
pinum cum intersicum suum et alia petia de terra que nominatur et ponitur
in marilianum: una cum arvoribus fructiferis et cum introitas suas
et omnibus sivi pertinentibus: seu offero et trado vobis et mobilibus quod
est in primis conca una et recentarium unum et caldara una et sartagine
una: et camputripide unum: et riscum sconplitum unum et una guala da
lectum at tornum: quantum mihi dimisit quondam gemma coniugi mea per
suum dispositum naturale quondam domini iohannis monachi filio quondam
domini theofilacti: In eo tenore ut si ego memorato petro mortuus fueris
sine proprium heredes de vera uxore et non abueris heredibus qui illut
hereditent: tunc omnibus memoratis ut super legitur in vestra vestrisque:
posteris et in memorata sancta et venerabilia vestra monasteria siat oblatum
et traditum quidquid exinde facere volueritis et abendum illut in sempiternum:
tantumodo non abeat licentia ego aut heredibus meis omnibus memoratis
ut super legitur illut dare aut vendere per quobis modum: et neque
a me memorato petro fiolario neque a meis heredibus vel a nobis
personis summissis nullo tempore nunquam vos aut posteris vestris vel
memorata sancta et venerabilia vestra monasteria quod absit abeatis exinde
aliquando quacumque requisitione aut molestia a nunc et in perpetuis temporibus:
insuper promitto vobis ut si vobis vestrisque: posteris et in memorata
sancta et venerabilia vestra monasteria necessum fueris memoratum
dispositum ut super legitur tunc ego et heredibus meis vobis vestrisque:
posteris et in memorata sancta et venerabilia vestra monasteria omni tempore
mostrare debeamus at fine faciendum ubicumque vobis vestrisque: posteris
necessum fueris et postea mihi meisque: heredibus illos retdere debeatis:
insuper promitto vobis ut omni tempore ego et heredibus meis vobis
vestrisque: posteris et memorata sancta et venerabilia vestra monasteria desuper
tollere debeamus quedam divitia socera mea asque: omni vestra et de
vestris posteris qualibet dannietate: quia ita mihi placuit: Si autem ego
aut heredibus meis aliter fecerimus de is omnibus memoratis ut super legitur
per quobis modum aut summissis personis tunc componimus vobis
vestrisque: posteris auri solidos septuaginta bythianteos et hec chartula offertionis
ut super legitur sit firma scripta per manum iohannis curialis per
memorata indictione + hoc signum + manus memorato petro fiolario quod
ego pro eu subscripsi +
+ ego iohannes filius domini stefanii rogatus a suprascripto petro testi
subscripsi +
+ ego stefanus filius domini sergi rogatus a suprascripto petro testi
subscripsi +
+ ego petrus filius domini iohannis rogatus a suprascripto petro testi
subscripsi +
+ Ego iohannes Curialis Complevi et absolvi per memorata indictione +
|