|
+ In nomine domini quadragesimo quinto anno principatus domni nostri gisolfi gloriosi
principis, et quarto anno principatus domne gemme coniugis eius et domni paldolfi optato filio
eorum, mense nobember sexta indictione. declaro ego pando divina protegente clementia
presul sancte sedis pestane, quoniam pars nostri episcopii plures habet res per diversis locis
culta et inculta. Congruum michi fuerat, ubi potuerimus de ipsa res dare, et accepto exinde
pretium, unde ecelesias laboremus, que in ruine posite sunt, et alias plures utilitates perficere
valeamus, que nobis et nostri episcopii necessaria sunt. Et dum plures diebus causa ista huc
et illuc divulgavimus et divulgare fecimus, sed non invenire potuivimus, qui exinde tollere volere
ad iusto pretium. Nobissime venerunt ad nos omines atrianenses tam pro se, quam et pro
vice de omines alii atrianenses qui ad navigandum sunt, qui dixerunt nobis, ut si dederimus
per convenientiam de res nostri episcopii in lucaniense finibus, idest da fontana, que est in locum
qui dicitur arenosa, et usque duo flumina, dare nobis exinde pretium plux quam valiente
est, et latitudo querunt de ipse res tollere da litore mari in supra in omni loco miliaria dua. Cum
autem talia audivimus, cepimus exinde habere colloquium cum riccardus notarius advocatorem
nostrum et cum iohannes presbiter et vicedomnus nostri episcopii et cum cleros nostros. Inito
consilio, comparuit nobis dare ipsa res ad iamdictos atrianenses, quoniam plures sunt, et quod
de ipsa res nullum frudium ad pars nostri episcopii evenit, nec evenire expectamus, propter quod
ipsa res tota ipsa res tenunt alii per brebem, alii per beneficium, propter hoc cum gaudio cupiemus
illud dare; et ideo hec omnia per hordine in auribus supradictorum gloriosi principum notificavimus.
Ipsi vero a deo conservati principes talia audiente, absolutionem nobis dedit convenientia
ipsa faciendi, et de sua presentia inter nos exendum dixerit gaido iudex. Cum autem ante
vestigiis predictorum gloriosi principibus reversi fuivimus, una cum ipso iudex et cum advocatorem
et vicedomnus, et cum alios bonos homines super ipsa res perreximus, et cum summa
diligentia illud appretiavimus esset valientem argenti libras mille. Post hoc factum, ego superius
dictus pando pontifex, una mecum ipsi advocatores et vicedomnus nostrum ante presentia
ipsius gaidonis iudici, et ante aliis nobilibus per bona convenientia per hanc cartam tradidimus
vobis ad omnes supradictos atrianenses tam pro vobis, quam et pro vice de omnes alii
atrianenses, qui modo in hac terra non sunt, ipsa supradicta res de eadem lucaniense finibus,
idest, sicut diximus, da vallone de ipsa arenosa, qui descendit in supradicta fontana, et usque
ipsa duo flumina, et da ipso litore maris per ipsa fontana et per ipso vallone rectum exiente in
supra per mensuria ipsa dua miliaria, et ab inde in partem orientis usque ipsa dua flumina mensuratum
in omni loco miliaria dua. hec vero res per supradictas fines et mensurie cum omnia
infra se habentes, et cum vice de vie sue tradidimus vobis ad omnibus atrianensibus, quanti hic
estis, vice vestra et vice de alios omnes atrianenses, quanti ad navigandum sunt. tantum exinde
infra supradictas fines et mensurie sceptuamus, quantum constantinus filius iohannis per vicaria
inde tenet, ut semper ante sors illud habeat ipse constantinus et eius heredes, et exceptuabimus
et ad pars nostri episcopii reservavimus quante ecclesie infra ipse fines et mensurie
sunt, cum vineis et terris per unaquoque ecclesia circoitum ipse ecclesie secus ipse ecclesie, ut
subficiant ad lavorandum per unaquoque ecclesia cum tribus paria de bobes; et nominative sunt
ipse ecclesie infra ipse mensurie sancta barbara, et sanctum nykola, et sanctum andrea, et sancta
maria, et sanctum angelum, et exceptuamus bie, ut comuniter pergatis cum aliis hominibus,
qui extra ipse mensurie pergunt. Et si evenerit de quantum iohannes butruninu vinea,
et casis, et ortora illuc factam habet infra ipsa mensuria, habeat illud sibi, et inpotet illud
sibi pro sua sortione iusta ratione. Et pro confirmandam et stabiliscendam hanc nostra tradictione
a presenti recepimus da aliquantos atrianenses tam pro se, quam et pro omnes alios
omines atrianenses ipse mille libre argentee, et adiunxerunt nobis pro causa pietatis argentum
libras decem. hec autem omnia, quantum supra diximus, quod vobis tradidimus, sceptum
illud quod exinde sceptuavimus, amodo et semper vos omines quam et vestris heredibus securiter
et firmiter illud habeatis et possideatis, et faciatis exinde, quod volueritis. Ex qua re
promitto, et per bona convenientia obligo me superius dictus pando, et meos successores et
pars nostri episcopii amodo et semper antistandum et defensandum ad omnes suprascriptos
vos omnibus atrianensibus, et ad vestris heredibus totum, quantum superius vobis tradidimus,
sceptuatum quantum exinde exceptuavimus, ab omnibus hominibus omnique partibus. Quod
si taliter, sicut superius legitur, semper illud vobis et ad vestris heredibus non defensaverimus,
aut si ego vel successores meos aut pars nostri episcopii illud vel exinde vobis vel ad vestris heredibus
tollere aut contrare, seu removere quesierimus, aut aliquid causatio exinde emiserimus
vobis vel ad vestris heredibus, tunc per bona convenientia obligo me meosque successores et
pars nostri episcopii componere vobis vel ad vestris heredibus duo milia libras argentei; et
in tali hordine illud vobis tradidimus, ut si quis de omnes suprascripti atrianenses sortionem,
quod de ipsa res per unumquemque evenerit aut evenire debuerit, vos aut vestris heredibus datura
aut venditura habueritis, inter vos illud vindite ad iustum valiente pretium. Et si forsitans
infra diebus triginta noluerit illud emere inter vobis ad iusto valiente pretium, tunc liceat vos
illud dare cui volueritis. Nam si infra ipso costituto per quabis modis cuicumque illud vel exinde
dederitis sic, ut de potestate eius fuerit substractum, tunc sine pretium revertar illud quod
datum paruerit, ad omnes supradictos atrianenses et ad eorum heredes. Et si quis ex vobis ex
omnibus suprascripti et de vestris heredibus sine heredes defuncti fueritis et ipsa sua sortione in
suprascripto hordine non fuerit data, tunc similiter revertar ad potestatem de omnes suprascripti
atrianenses et de eorum heredibus. quam te arechisi notarium scribere rogavimus.
actum salerno.
+ ego qui supra pando episcopus
+ ego alfanus comes
+ ego qui supra gaido iudex
+ ego qui supra iohannes presbiter et vicedomnus
+ ego superius dictus richardus notarius
+ ego petrus comes
+ ego iohannes comes
+ ego petrus.
| |