|
369
In Dei nomine. Anno dominice incarnationis Millesimo Clxiiii, mense februarii, indictione
XII, Federico imperatore imperante, anno imperii eius nono. Quoniam ex officio
nobis iniuncto omnibus ecclesiis et precipue nobis commissis debemus salubriter providere,
iccirco ecclesiam sancti Petri in Asso, communi consilio nostrorum fratrum ecclesię beati
Donati, committere volumus. Et ideo ego Ieronimus aretinus episcopus et comes manifestus
sum, qualiter per hanc cartam do, trado atque concedo tibi Adanulfo preposito, tuisque
posteris pro tempore successoribus, vice ecclesię beati Donati suscipienti, ecclesiam sancti
Petri in Assum ad ordinationem et dispositionem, ut ammodo liceat tibi ordinare et
disponere prefatam ecclesiam tuisque posteris successoribus, prout ordinare et disponere
consuevistis ecclesias vestras et ecclęsię beati Donati commissas, ut et prefata
ecclesia in suo statu valeat restaurari, et divina officia pro animarum corporumque salute
valeant celebrari; et liberam in omnibus totius domus ordinandi facultatem concedo
tam in personis quam etiam in rebus eiusdem ecclesię, salvo tamen in omnibus iure
nostro. Prefatum itaque monasterium cum ecclęsiis, castellis, villis et cum hominibus
in eis residentibus et cum omnibus possessionibus ad predictum monasterium pertinentibus,
damus, concedimus et confirmamus, ut libere liceat vobis habere, tenere, salvo
tamen, ut diximus, iure nostro, absque nostra nostrorumque successorum molestia vel
contradictione. Quod si in aliquo exinde ego vel mei in posterum successores presumpserimus
per nos aut per personam a nobis interpositam te aut tuos successores vel
p. 499
yconomum pro tempore in eadem ecclesia a vobis ordinatum de iamdicto monasterio,
aut possessionibus ad illud pertinentibus molestare, tollere seu contendere vel minuere,
aut si ab omni persona omni tempore minime potuerimus defendere, et, cum opus
fuerit, non defensaverimus, aut si datum factumve a nobis huic rei nociturum apparuerit,
tunc obligamus nos et nostros successores tibi [et] tuis successoribus nomine
pęnę argenti optimi componere libras C, et insuper carta firma permaneat. Unde hanc
cartam Ranaldum iudicem et Ranerium scribere rogavi. Actum in Civitella feliciter.
* Signum manuum Monaldi vicedomini et nepotis episcopi, qui dicitur Senzanomen, et
presbiteri Gerardi cappellani et Anselmini camerarii rogatorum testium.
† Ego Ieronimus Dei gratia Aretinus episcopus et comes ss. (Sd.)
// Ego Ranerius Dei gratia iudex scripsi et complevi; et ego Rainaldus iudex huic rogationi
interfui [et] dictavi.
| |