|
+ In nomine Domini. Vicesimo quarto anno principatus
domni nostri Gisulphi gloriosi principis, mense februario
quarta indictione. In sacro Salernitano palatio,
ante me Petrum iudicem Theofilactus monachus presbiter et
abbas ecclesie Sancti Nicolai, que constructa est foris ac
civitate in loco ubi Gallucanta dicitur, coniunctus est cum
Iohanne Atrianensi filio quondam Gutti Atrianensis ad faciendam
inter se finem de causationibus quibus ipse abbas
dudum ante me causaberat, dicens ut ipse Iohannes malo
hordine introisset in res pertinentes ipsius ecclesie foris
ac civitate in loco Albole et per fines et vocavula et
pertinentias ipsius loci et in ecclesia que intra ipsas res condita
est ad honorem beatissimi Andree apostoli, pertinente
suprascripte ecclesie Sancti Nicolai et fobeas in ipsis rebus
fecisset et arbores et vites ex eis abscidisset et sepes rupisset
et fructus de eis tulisset et ex ipsa ecclesia Sancti Andree et
de ipsis rebus alias res pertinentes ipsius ecclesie Sancti
Nicolai tulisset. ipse Iohannes responderat in predicto loco et
per fines et vocavula et pertinentias ipsius loci plures
res et ecclesias haberi, set nescire de qualibus ipse abbas
cum eo causaberat. ego autem, sicut inter eos convenerat, iudicaberam
et illos guadiare feceram, ut ipse abbas vel successores
eius aut pars iamdicte ecclesie Sancti Nicolai et
ipse Iohannes simul cum iudice et notario ad ipsas res et
ecclesiam pergerent et ipse abbas vel successores eius aut
pars ipsius ecclesie ostendere ipsi Iohanni ipsas res et ecclesiam
de quibus cum eo ut suprascriptum est causavit, et
per partes plicarent se, ipse abbas vel successores eius aut
pars iamdicte ecclesie cum suis et iamdicte ecclesie rationibus
et ipse Iohannes cum suis rationibus, et secundum legem
inter se finem faciant ex eo quo ipse abbas ut suprascriptum
est cum iamdicto Iohanne causaberat. et mecum
et cum notario ad ipsas res et ecclesiam Sancti Andree perrexerunt
et secum ipse abbas duxit Petrum et Adelbertum et
Landoarium comites germanos filios quondam Lamberti
comitis et Landoarius comes filius quondam Adelberti comitis,
quibus ipsa ecclesia Sancti Nicolai pertinet, et ipse abbas
ostendit ipsi Iohanni ipsas res et ecclesiam Sancti Andree
de quibus cum eo ut suprascriptum est causavit. nunc
vero ut dictum est ante me sunt coniuncti ad finem inter
se de eo faciendam, dum ibidem [ipsi Pe]trus et Adelbertus
et Landoarius et alter Landoarius adessent, et per partes
ostenderunt singula iudicata de suprascriptis causationibus, et
ipse abbas ostendit cartulas quinque et ipse Iohannes ostendit
cartulas septem et unum brebem utili anulo insignitum
et per partes confessi sunt plures cartulas inter se ex hoc
non ostendere. et legere feci ipsas cartulas quas ipse abbas
ostendit.
Prima ex eis de duodecimo anno principatus domni
Guaimari, mense maio [tertiade]cima indictione.
Qualiter Aloara comitissa filia Madelfrit comitis, que
fuerat uxor Landoarii comitis filii Lamberti comitis,
et Guaiferius comes qui erat infra etatem, filius ipsorum
Aloare et Landoarii, clarefecerant sibi pertinere ab
ipso Landoario res in monte Falerzo et in loco Priato,
finibus Mitilianense, et in loco Veteri et unum molinum
ibi in Veteri, qui edificatum est in flubio Boneia,
et ostenderat de ipsis rebus qua[t]tuor scriptiones.
Una de duodecimo anno principatus domni Iohanni
et septimo anno principatus domni Guaimari
eius filii, mense ianuario octaba indictione.
Ipse Landoarius filius Lamberti coniunctus fuerat
cum Riso et Roderico et Musando germanis filiis Maraldi
et Madelmo filio Iaquinti et Sergio qui vocabatur
Piczicutu filio Ursi et Genco filio Petri, ipsi ambo
vice Imperatissa et Tutadema uxores eorum, propter
res de monte de Falerzo que erant terris cum castaneta
et quercieta et silbis, quas ipsi Landoario tradiderant
inclitam medietatem da aqua de flubio Albole
in illis partibus de quanto quantoque eis pertinens erat
ibi habere per unum preceptum et per unam cartulam.
Ipsum preceptum erat continens. Sicenolfus princeps
per rogum Radelchis marepais concesserat Rattelmundo
filio Rattelchisi montem ipsum de Falerzo et
montem de Dragoneia cum silbis et castaneta et querceta
per fines: de una parte fine mare; alia parte
fine aqua Palombara et saliente per finem de
capite de ipsa aqua de ipso monte Falerzu; de alia
parte sicut descendebat per fine de ipso suprascripto
medio torum de Falerzo et ibat per mediam serram
de ipso monte super aqua Ianni et ibat per fine ipsius
domni principis per media ipsa serra super
aqua de fluvio Albole et ibat in fossatum et pergebat
per mediam vallem et coniungebat in toro de Mandrelle
et descendebat per mediam serram de Planello
et saliebat per serram de Calcara et pergebat per vallem
de Vitamenia et descendebat et coniungebat in
aqua Lempole et descendebat in ripe erga mare et descendebat
in mare et pergebat et coniungebat in ipsa
aqua Palombara et saliebat in ipsa serra de Falerzu, et
aliud continebat ipsum preceptum scriptum per
Ragemprandum notarium.
Ipsa cartula continebat: De anno quarto principatus
domni Ademari[i], mense martio quinta indictione.
Palumbus filius ipsius Rattelmundi venundederat
Gentili filio Gentili res suas de Dragoneia et
de valle de monte de Falerzu, pecias tres de castaneta
et quercieta et silbis per fines: de uno latu una
pecia fine media ipsa aqua Palombara, de capite
fine toppu de monte ipso Falerzu, alia parte fine
media serra de ipso monte, alio latu fine aqua Ianni;
secunda de capu fine serra de ipso monte, de alio
latu fine aqua de ipso fluvio Albole, de alio latu
fine quomodo coniungebant ambe ipse aque; tertia
pecia de capite fine serra de ipso monte et ibat et
coniungebat in fossatu et exiebat per mediam vallem
et coniungebat in toppu de monte de Mandrella et descendebat
per mediam serram de Planella et saliebat
et coniungebat in toro de Calcara et descendebat per
media valle de Betamenia et pergebat et coniungebat
in aqua Lempole et descendebat in ripis de ipso monte
erga mare, de supter parte fine mare et coniungit
in ipso fluvio de Albole; et aliud continebat. scripta
erat cartula ipsa per Radoaldum notarium et a testibus
sufficienter roborata.
Et sicut dixerant inclitam medietatem ipsi omnes
suprascripti per ipsas fines, que ipsum preceptum et
predicta cartula continent, da aqua ipsa de fluvio
Albole in illis partibus ipsi Landoario tradiderant securiter
ille et eius heredes inclitam ipsam medietatem haberent,
possiderent et omnia exinde facerent quod volerent;
et aliud ibi continebat. scripta erat per Alderisi
notarium roborata sufficienter.
Unum brebem ipse Landoarius filius Lamberti et
Petrus Castaldeus filius Rocci et Leo Atrianensis filius
Gutti tradiderant ad pastenandum in partione
Iohanni libero homin[i] filio Luniperti Franci una pecia
de terra quam habebant in Veteri per fines:
de una parte fine via puplica, de alia fine tractorario
antiquo et coniungebat in platamone qui dicitur
Scrofole de suptus litus maris, de alia parte
fine sicut ripa discernebat et pergebat et coniungebat
in vallitellu et per ipsum vallitellum saliebat et
coniungebat in ipsa via priore fine; per ipsas fines
inclitum illud ei ad pastenandum tradiderat.
scriptum brebem ipsum per Iaquintum notarium.
Alium brebem de quartodecimo anno principatus
domni Iohannis et octabo anno domni Guaimari
eius filii, mense ianuario decima indictione.
Ipse Landoarius filius Lamberti coniunctus fuerat
cum Urso filio Maraldi et cum Urso et Iohanne clerico
filio Lazari et cum Constantino filio Maranti et
cum Arechisio filiis Imperati propter due pecie de terris
de Mitiliano ubi Priatu dicitur, in quo constructa
est ecclesia Sancti Biti et ipsa alia in qua sunt pl[agarie],
quam ab ipsis suprascriptis in sorte obvenerat
da Gaido filio Petri diaconi et da Bisantio et
Landolfo filiis Gaidonis iudicis, et erant ambe ipse
pecie per fines et mensuras. et eas ipsi suprascripti
adcomunaberant cum ipso Landoario, ut ipse Landoarius
et eius heredes haberent de ambabus ipsis peciis
medietatem et ipsi suprascripti et illorum heredes
aliam medietatem per partes faciendum quod voluerint.
scriptum brebem ipsum per Alderisi notarium.
Una cartula qua[rtodecimo] anno principatus
domni Iohannis et nono anno domni Guaimarii
eius filii, mense martio decima indictione. Ursus
filius Maraldi et Ursus et Iohannes clericus filii Lazari
et Constantinus filius Maranti et Arechisi filius
Imperati venundederant ipsi Landoario filio Lamberti
unam peciam de terra vacua cum aliquanto pastenato
de loco Mitiliano ubi Priatu dicitur per fines et mensuras:
ab occidente fine via puplica que pergebat
erga ipsa ecclesia Sancti Biti et passus quin[quaginta]
duo, a septemtrione fine de filiis Petri
diaconi et de filiis Gaidonis iudicis, quod ab eis in
sorte illis ebenerat, et passus centum quinquaginta,
ab oriente fine ipsius Landoarii et de consortibus eius
et passus quadraginta octo, a meridie sicut sepalem
discernit et passus centum quinquaginta, mensurati
iusto passu hominis per istas fines et mensuras, cum
omnibus intra se habentibus et suis pertinentiis et cum
vice de via sua ipsi Landoario venund[ederant] ad faciendum
quod voluerint.
Et cum fuerant lecta tota ipsa munimina, ipse Guaiferius
pro sua anima et ipsa Aloara pro anima eius et
ipsius viri sui secundum legem optulerant Deo et in
suprascripta eclesia Sancti Nicolai, que edificata est a
super mare in loco ubi ad Gallucanta dicitur, inclitas
ipsas res suas de iamdictis locis Priatu, de monte Falerzu
et de loco Albole et de loco Veteri de quanto ipsius
Landoarii pertinens fuit per supradicta monimina,
que super declarata sunt, et cum ipsa munimina
et cum omnibus que continent in ipsa ecclesia offeruerant,
cum omnibus infra se habentibus et suis pertinentiis
et cum vice de viis suis. et offeruerant ibidem vice
et pertinentias eorum de duobus molinis de
iamdicto loco Veteri cum aquis et arcaturiis et cum sedimine
de ipsis molinis et cum trasitu et exitu sua et
cum rebus ibique propinquo ipsa molina, securiter
semper pars ipsius eclesie Sancti Nicolai eiusque rectores
totas omnes supradictas offertiones haberent, possiderent
et omnia exinde facerent quod volerent, sicut ipsa
cartula continet scripta per Dauferium notarium, in
qua subscripti sunt Rodelchisi et Audelassi.
Secunda de vicesimo septimo anno principatus
domni Guaimarii et primo anno domni Iohannis
eius filii, mense ianuario quartadecima indictione.
Eupraxius presbiter et abbas suprascripte
ecclesie Sancti Nicolai, que sita est in loco Veteri a super
mare, que pertinebat ipsis Lamberto et Landoario
comitibus germanis filiis Alberti comitis, et ipsi Risus
et Rodericus germani filii Maraldi et Madelmus filius
Iaquinti et Petrus nepos ipsius Madelmi filius Sergii,
quem de Imperatissa germana eius genuerat, toti insimul
tradiderant Iohanni natibo de Pecara filio Mauroni de
rebus pertinentibus ipsius ecclesie et de omnibus suprascripti
parentes atque consortes, que esse videbatur in
loco Albole illa pars Salernitanis finibus, que erat
medietas pertinens ipsius ecclesie et medietas ipsis
omnibus aliis suprascriptis; et de ipsa medietate eorum
erat pertinens ipsis Riso et Roderico medietas et ipsis
Madelmo et Petro medietas, de qua pertinebant ipsi
Madelmo tres sortes et ipsi Petro ab ipsa matre sua
quarta pars. et ipsi suprascripti cum iamdicto abbate
tradiderant ipsi Iohanni de ipsa terra vaciba in omni
facie per mensuras ana passus sexaginta, sicut per
omnem partem ad finem eorum coniungebat; et tradiderant
ei una pecia de terra cum castaneto eorum
ibi propinqua per fines et mensuras: incipiente
a capite de vallone qui inde esse videtur et saliente
usque tractorarium passus sexaginta et ab inde revolvente
per cristonem quasi in oriente passus centum
viginti et ab inde descendente per tractorarium ipsum
et coniungente in alio tractorario passus septuaginta
octo, et saliente per alium tractorarium
passus quadraginta octo, et ab inde salit per vallonem
et coniungit in priore fine. et tradiderant ei
omnes alia castaneta que ibi habebant cum vice de
viis suis, ut illud pastenarent et omnia de eo adimplerent,
sicut ipsa cartula continet scripta per Mirandum
notarium, in qua subscripti sunt Romoaldus castaldeus
et Romoaldus, et erat ipsa traditio in loco Albole
illa pars aqua de Albole in parte de Falerzo.
Tertia et quarta scripte per ipsum Mirandum notarium
de tricesimo anno principatus domni Guaimarii
et secundo anno domni Guaimari eius filii,
mense februario secunda indictione. Una earum
continens qualiter ipse Eupraxius presbiter et abbas ipsius
ecclesie Sancti Nicolai pertinentis ipsorum Lamberti
et Landoarii comites filii Alberti et ipsi Risus et Rodericus
germani filii Maraldi et Madelmus filius Iaquinti et
Petrus nepos eius filius Sergii et Imperatisse, que fuerat
soror ipsius Madelmi, ipse Risus vice sua et Romoaldi notarii
generi sui et Romoaldi filii sui et ipse abbas pro
vice ipsius ecclesie tradiderant Sergio et Urso, natibis
de terra Amalfis, filiis Iohannis Cumperti, de rebus
quas comunes habebat in loco Albole ubi Palombara
dicitur pertinentie Salernitane unam peciam longitudo
de ambabus lateribus ana passus centum et de
latitudine in omni loco passus sexaginta sex, cum
vice de via sua et due partes de passu iusto passu
hominis et adiacet ista pecia in parte occidentis et
de omni parte ad finem eorum coniuncta est, ut
eam pastenarent vineam de bono vitineo seu cannietum
et salicetum et poma et su[rgere] et de eo
dare et adimplere sicut ipsa cartula continet.
Altera vero qualiter ipse Eupraxius abbas ipsius ecclesie
Sancti Nicolai de loco Veteri, pertinente ecclesia
ipsa ipsorum Lamberti et Landoarii comites germani
filii Alberti comitis, et ipsi Ricus et Rodericus germani
filii Maraldi et Madelmus filius Iaquinti et Petrus
nepos eius filius Sergii et Imperatisse, que fuerat
soror eiusdem Madelmi, ipse Risus [vice] sua et Romoaldi
notarii generi sui et vice Romoaldi filii sui,
tradiderant Iohanni filio Iohanni Benuso natibo de
Amalfis de rebus pertinentibus ipsius ecclesie et ipsis
omnibus suprascriptis, quas communes habebant in loco
Albole ubi Palombara dicitur pertinentie Salernitane,
que erat medietas ipsius ecclesie et medietas ipsis omnibus
aliis et de omni parte ad finem eorum coniuncta
erat; et tradiderant ei unam peciam que adiacet
in pars orientis de longitudine de ambabus
lateribus ana passus centum et de latitudo
passus triginta tres et tertia de passu, in omni
loco iusto passu hominis mensuratam, cum vice de
via sua illud ei tradiderant ut eam pastenarent, vineam
de bono vitineo et cannietum vel salicetum seu
pomis et illud annualiter studiare et surgere et de eo
dare et adimplere sicut ipsa cartula continet; et in ipsis
tertia et quarta cartulis subscripti sunt Alderissi et
Dauferius notarii.
Quinta ...
Et legere feci ipsas cartulas et iamdictum brebem sigillatum
que ipse Iohannes ostendit.
Ipsum brebem sigillatum continebat: Guttus Atrianensis
filius Petri qui Rocci vocabatur rogabat potestas
domni Guaimarii principis et patricii ut ei concederet
res sui sacri palatii ex illa parte fluvio Albole
per fines: de super fine serra de monte Falerzo, de
alia parte fine ribus unde [aqua] decurrit, de supto
fine mare, de alia parte fine ipso fluvio Albole per
ipsas fines; et a foras ipsas fines de quanto sui palatii
pertinebat totum illud ei concederet securiter illud
ille et eius heredes haberent et possiderent et facerent
quod vellent, sicut ipsum brebem sigillatum continet.
Prima ex ipsis cartulis continebat: De vicesimo
tertio anno principatus domni Gisulfi, mense
martio tertiadecima in[dictione. Gut]tus Atrianensis
filius Roderici memorationem fecerat qualiter
ei guadiam dederat Mastalus Amalfitanus, qui dicebatur
Roibulu, et mediatorem ei posuerat se ipsum
et obligaverat se et suos heredes tenere ad suam potestatem
terram inclitam cum ipso monte suo qui vocabatur
Falerzu, et annualiter usque sex annos liceret de
ipso monte ligna iusta ratione abscidere et castanias
colligere et dare ei et illius h[eredibus] de ipso
monte et de ipso castaneto unum tarenum et habebat
fines ipsa res: de una parte fine media serra
de ipso monte, alia parte fine medius ribus qui dicebatur
Aqua Puteda, de supto fine litus maris, de
alia parte fine fluvio Albole et saliebat et coniungebat
in ipsa serra, sicut ipsa cartula continet scripta
per Riccardum notarium et in ea subscripti Iohannes
notarius et Maio.
Secunda de tricesimo septimo anno principatus
domni Paldolfi et secundo anno eius Salerni et sexto
anno principatus domni Paldolfi filii eius, mense
decembri octaba indictione. Iohannes
Atrianensis filius Gutti coniunxerat se cum Iohanne
Sarnense, qui commanebat in Metiliano in casa Iohannis
et Maraldi, propter lites quas ipse Iohannes Sarnensis
cum aliis cum ipso Iohanne Atrianense fecerant
et de plagis et feritis quas ille per eos facte habebant
et pro qua introierat in rebus ipsius Iohannis
Atrianensis da aqua de Albole in illis partibus cum collectis
manu armata et lites ipsas ibi incitaberant
et fecerant; propterea exinde fuerat coniunctus et dederat
ipsi Iohanni Atrianensi triginta duo auri tarenos
et ipsam aliam compositionem de duabus plagis quas
habuerat in facie, et de ipsa lite quam incitaverat
et fecerat, et pro qua in rebus eius malo hordine intraberat,
donaberat ei compositionem et manifestaberat
ut in ipsa res nullam pertinentiam haberet ipse
Iohannes Sarnensis, et da ipsa aqua in illa parte aliquando
tempore cum ipso Iohanne Atrianensi
causare aut contendere non poteret per nullis modis,
sicut ipsa cartula continet scripta per Iaquintum notarium,
in qua Romoalt et Iaquintus et Guiso subscripti
sunt.
Tertia primo anno principatus domni Mansonis
et domni Iohannis eius filii, mense septembri
undecima indictione. Qualiter coniuncti fuerant
Iohannes et Leo Atrianenses germani filii Gutti cum
Riso et Roderico et Musando germanis filiis Maraldi
et cum Madelmo filio Iaquinti et cum Sergio qui Piccicuto
vocabatur et Genco filio Petri cognato ipsius
Madelmi, ipse Sergius vice Imperatisse uxoris sue et
ipse Gencus vice Tuttadema uxoris sue, propter res illa
de loco Albole finibus Salernitanis, que erant terris
cum castaneis et silba uno teniente illa parte ipso fluvio
Albole, unde ipsi filii Maraldi et ipse Madelmus
cum ipsis cognatis suis dicebant illorum pertinere per
suas rationes, et ipsi germani filii Gutti dicebant illorum
pertinere per successionem et per suas rationes
et res ipsa illi tenuissent et dominassent. et antequam
per legem illud inter se finirent, convenerat inter eos ut
ipsi Iohannes et Leo secundum legem ad sancta Dei
evangelia iurarent, ut res ipsa da ipso fluvio in illa parte
usque in serra da unde ipsa serra discernebat et
saliebat usque in monte Falerzu et revolvebat per
aquam et vallonem qui dicitur Puteda et qualiter descendebat
usque in mare, de supto fine mare per ipsas
fines ipsi Iohannes et Leo iurarent, ut per successionem
et sua ratione illorum pertinebat et que illi
que ipse genitor eorum et que parentes illorum per
expletos triginta annos illud tenuisset et dominasent
et legibus eis pertinebat. et iterum fuerant
coniuncti et ipsi filii Maraldi et Madelmus et Sergius
et Gencus vice de ipsis uxoribus suis paraberant sancta
Dei evangelia et ipsi filii Gutti cum quinque suis sacramentalibus
secundum legem iuraverant, ut res ipsa
per supradictas fines que illi que genitor eorum et
que parentes eorum per expletos triginta annos tenuissent
et dominassent et legibus eis pertinebat; et iudicatum
fuerat ut semper ipsi filii Gutti et illorum
heredes res ipsas securiter haberent et omnia inde facere
quod voluerint absque contrarietate vel requisitione ipsorum
Risi, Roderici, Musandi, Madelmi, Sergii et
Genci et de ipsis uxoribus eorum vel de illorum heredibus,
sicut ipsa cartula continet scripta per Radoaldum
notarium et in ea subscriptus Ademari iudex.
Quarta de septimo anno principatus domni Iohannis
et primo anno principatus domni Guaimarii
eius filii, mense ianuario tertia indictione. Qualiter
coniuncti fuerant ipsi Iohannes et Leo Atrianenses
filii Gutti cum Lupeno filio Mauronis comitis et
Lupeno filio Petri qui dicebatur de Lupeno de Rini habitantibus
de Amalfi, ad faciendam inter se finem de
rebus que erat terram cum castanieto de loco Albole
Salernitanis finibus, quam ipse Lupenus filius Petri
dixerat ut de parentibus suis et illorum esset, et ipse
Lupenus filius Mauroni comitis dixerat ut de eadem rebus
sibi pertineret ab Urso thio ipsius alii Lupeni.
ipsi germani dixerant ut res ipsa de parentibus suis et
illorum pertinere et illi illud tenuissent et dominassent,
et inter se guadiati fuerant ut ipsi germani eis exinde
iurarent; et per ipsas Lupenos parata fuerant sancta Dei
evangelia, et ipsi germani per singulos ad ipsa evangelia
iuraverant ut iamdicta res da semita, que ibat
per toru usque in serra de monte de Falerzu in ista parte
usque in fluvium Albole et usque in mare, que illi
et que parentes illorum per expletos quadraginta annos
illud tenuissent et dominassent et nec ipse Lupenus
filius Petri nec parentes eius nec ipse alius Lupenus
nec ipse Ursus auctorem suum intra ipsos quadraginta
annos nullam ibidem tenuissent et dominassent,
sicut ipsa cartula continet scripta per ipsum Radoaldum
notarium, in qua Petrus iudex subscriptus est.
Quinta de vicesimo tertio anno principatus suprascripti
domni nostri Gisulfi, mense nobembri tertia
indictione. Qualiter in sacro Salernitano archiepiscopio
coniuncti fuerant Iohannes Atrianensis filius
Mauri et Mascinus clericus filius Romoaldi, et ipse Iohannes
ostenderat unum scriptum quod per hordinem
in ea declaratum est, in quo per hordinem declarata est
suprascriptam tertiam cartulam, quam ipse Iohannes filius
Gutti ut suprascriptum est ostendit, et ex aliis
cartulis quas ipsi Iohannes filius Mauri et Mascinus
ostenderant, et in eodem scripto continet ut ipse
Mascinus dixisset ipsam cartulam falsam esse; ipse
Iohannes responderat illam veracem esse et secundum legem
eam adverare posse. et inter eos iudicatum fuerat
ut ipse Mascinus pararet sancta Dei evangelia et ipse Iohannes
secundum legem per sacramentum ad ipsa evangelia
cartulam ipsam adveraret, et ubi taliter illam adveraverit,
iam semper ipse Iohannes filius Mauri et
consortes eius et sui et illorum heredes securiter haberent
totas et integras suprascriptas res de iamdicto loco
Albole per suprascriptas fines, quas ipsa cartula quam
adveraverit continet, secundum textum ipsius cartule
et facerent ex eis quod volerent absque contrarietate
ipsius Mascini et heredum eius. et cum ipsum scriptum
fuerat ostensum et lectum, ipse Mascinus paraverat
sancta Dei evangelia et ipse Iohannes plicatus cum suis
sacramentalibus, videlicet cum Grusa sorore sua uxore
Marini Atrianensis filii Iohannis et cum Marenda sorore
sua uxore Lupeni Atrianensis filii Leonis et
cum duobus aliis liberis hominibus, per sacramentum
ad ipsa evangelia iurando dixerat quod ipsam cartulam,
que tota per hordine in ipso scripto declarata erat
et eam nunc ipse Iohannes filius Gutti ut suprascriptum
est ostendit in qua ipse Ademari iudex subscriptus
est, in omnibus que continet veracem esse; et sequenter
eum ipsa Marenda soror eius, d[um] ibidem
ipse maritus eius adesset, ad ipsa evangelia per sacramentum
iuraverat sic esse verum sicut ipse Iohannes
frater eius iuraverat. ad ipsam Grusam et ad predictos
alios sacramentales ipse Mascinus per susceptum
launegit donaverat ipsum sacramentum et finierant
ipsas causas, sicut ipsa cartula continet, scripta per Iohannem
notarium pro perpetua securitate ipsius Iohannis
filii Mauri et consortium eius et sui et illorum heredes
et in ea subscriptus Iohannes iudex.
Et cum suprascripte cartule ostense fuerunt et lecte, plurimum
illis inter se ipsi Iohannes et abbas inter se causantibus,
iterum ad ipsas res de quibus suprascriptus abbas cum
iamdicto Iohanne causatus est, ut superius legitur, mecum
et cum aliis hominibus perrexerunt, que sunt per as fines:
de supter parte est fine mare; de alia parte est
fine ipse fluvius qui Albole dicitur, qualiter ascendit et coniungit
cum vallone per quod fluit ipsa aqua Ianni, et per
medium ipsum vallonem da aqua Ianni ascendit in media
serra montis; de super parte est fine media ipsa serra ipsius
montis qualiter vadit per eam et ascendit per serram de
toppo de ipso monte Falerzo, et ab ipso toppo ipsius montis
Falerzi descendit in tractorarium et per eum descendit in
ipsa aqua Palombara, et per ipsam aquam descendit in vallonem
per quod ipsa aqua Palombara et iamdicta aqua Puteda
fluunt, et per ipsum vallone descendit in ipsum mare
quod est prior finis. et cum taliter ipse res per iamdictas
fines monstrate fuerunt, dixit ipse Iohannes integras eas
sibi et consortibus suis pertinere per suprascriptas cartulas
quas ostendit. ipse abbas respondit ex ipsis rebus per iamdictas
fines ipsi ecclesie Sancti Nicolai pertinere medietatem
per suprascriptas cartulas quas ostendit et que ille et que
antecessores sui et que pars iamdicte ecclesie ipsam medietatem
per expletos triginta annos possedissent. ego autem
dum inter se tales opponentes questiones audivi, sicut inter
eos convenit, iudicavi et illos guadiare feci ut ipse Iohannes
pararet sancta Dei evangelia et ipse abbas vel successores
eius aut pars iamdicte ecclesie plicaret quattuor liberos homines,
et prius ipse abbas vel successores eius aut pars iamdicte
ecclesie per sacramentum ad ipsa evangelia ipsi Iohanni
iuret ut que ipse abbas et que antecessores sui et que pars
iamdicte ecclesie ex ipsis rebus per iamdictas fines medietatem
per expletos triginta annos possedissent et legibus
ipsi ecclesie pertinere; deinde ipsi liberi homines per singulos
ad ipsa evangelia per sacramentum iurent sic esse verum,
sicut ipse abbas vel successores eius aut pars iamdicte
ecclesie iuravit. et ubi hoc iuratum fuerit, iam semper
ipse abbas et successores eius et pars iamdicte ecclesie Sancti
Nycolai securiter habeant medietatem de omnibus suprascriptis
rebus per suprascriptas fines cum vice de viis suis
et faciant ex eo quod voluerint absque contrarietate ipsius
Iohannis et consortium eius et sui et illorum heredes, et ipse
Iohannes et iamdicti consortes eius et sui et illorum heredes
habeant reliquam medietatem cum vice de viis suis et
faciant ex eo quod voluerint absque contrarietate ipsius abbatis
et successorum eius et partis ipsius ecclesie. et ipse Iohannes
posuit ipsi abbati fideiussorem Ursum qui cognominatus
est loncatella, filium quondam Ursi Atrianensis, et ipse
abbas posuit ipsi Iohanni fideiussorem Landolfum qui dictus
est Curialis, filium quondam Iannacii Atrianensis. verumtamen
ipse abbas suprascripta fecit in presentia ipsorum
Petri et Adelberti et Landoarii comitum germanorum, filiorum
quondam suprascripti Lamberti comitis, et Landoarii
comitis filii quondam Adelberti comitis, quibus ipsa ecclesia
Sancti Nicolai et omnes res stabiles et mobiles ipsi ecclesie
pertinentes pertinet; medietatem de eo pertinet ipsis Petro et
Adelberto et Landoario germanis, et aliam medietatem ex
eo pertinet ipsi Landoario filio Alberti, ex qua medietate
quartam partem pertinet ipsi Gaitelgrime genitricis
sue et reliquas tres partes ipsi Landoario filio suo.
postmodum vero in atrio Sancti Petri principis apostolorum,
cappella ipsius sacri palatii, ipse Iohannes et suprascriptus abbas
coram me plicati et ipse abbas plicavit ipsas quattuor
liberos homines, et ipse Iohannes paravit sancta Dei evangelia;
et ipse abbas et iamdicti quattuor liberi homines parati
erant iurare sicut suprascriptum est, dum ibidem ipsi germani
Petrus et Adelbertus et Landoarius et alter Landoarius
adessent. sed, antequam iurarent ut dictum est, ipse Iohannes
colloquio plurimorum hominum qui ibidem aderant et pro
amore omnipotentis Dei et ipsius sancti confessoris Nicolai
dimisit ipsi abbati ipsa sacramenta que ille et ipsi quattuor liberi
homines iurare debuerunt sicut suprascriptum est et finierunt
ipsas causas. insuper et ipse Iohannes manifestavit
suprascripto abbati de integra ipsa medietate de suprascriptis
rebus per iamdictas fines de qua, ut suprascriptum est, ipse
abbas et iamdicti homines liberi iurare debuerunt ut suprascriptum
est, ut semper essent in potestate ipsius abbatis
et successorum eius et parti ipsius ecclesie Sancti Nycolai,
cum omnibus que intra suprascriptam sunt medietatem
cunctisque eius pertinentiis et cum vice de viis suis; et ipse
abbas et successores eius et pars iamdicte ecclesie licentiam
habeant de eo facere quod voluerint sine cuiuscumque contrarietate.
A Et ipse abbas, dum una cum
eo ipsi Petrus et Adelbertus
et Landoarius et alter Landoarius
adessent, manifestavit
de integra altera medietate de
suprascriptis rebus per iamdictas
fines, ut semper esset in
potestate ipsius Iohannis filii
suprascripti Gutti et consortium
eius et sui et illorum
heredes cum omnibus que intra
ipsam medietatem sunt
cunctisque eius pertinentiis
et cum vice de viis suis, et
ipse Iohannes et consortes
eius et sui et illorum heredes
licentiam habeant de eo facere
quod voluerint sine cuiuscumque
contrarietate. Et taliter
pro parte ipsius Iohannis
filii Gutti et consortium
eius et suorum et illorum heredum
tibi Iohanni notario
scribere precepi. S.
A1 Et taliter pro parte ipsius ecclesie
Sancti Nicolai te Romoaldum
notarium scribere
precepi. S. verumtamen hoc
addere iussimus, ut reliquam
medietatem de ipsis rebus per
iamdictas fines semper esset
in potestate ipsius Iohannis
et consortium eius et sui
et illorum heredes cum omnibus
que intra ipsam medietatem
sunt cunctisque eius pertinentiis
et cum vice de viis
suis, et ipse Iohannes et consortes
eius et sui et illorum
heredes licentiam habeant de
eo facere quod voluerint sine
cuiuscumque contrarietate.
Et hoc te suprascriptum Romoaldum
notarium subiungere
precepi. S.
| |