|
331
In Dei nomine Anno dominice incarnationi millesimo centesimo trigesimo secundo regnante Lothario rege, mense aprilis, indictione decima. Episcoporum ius est cura ecclesiarum gerere et clericorum ibi commorantium, qualiter laborum suorum pretium et eternaliter et temporaliter recipiant. Ideo manifestus sum ego Buianus gratia Dei aretino sedis episcopus et comes, qui ex honore clericatus lege profiteor vivere romanorum, qualiter per hoc scriptum confirmationis, stantie et convenientie et promissionis spondo et promitto et obligo me et meos posteros successores tibi Azzoni gratia Dei priori ?cclesie et heremi sancti Salvatoris de Campo amabili et tuis posteris sucessoribus pro tempore prioribus pro tota et integra emptione, quam fecisti a Tancredo filio quondam Guidonis in tota curte de Cesa et de Marciano et in aliis locis vel vocabulis ubicumque invenitur esse de predicta emptione, sicuti in eadem emptione inferitur. Quam etiam emptionem laudavi et in cartula emptionis manu propria subscribendo confìrmavi insuper remitto tibi et concedo in beneficium et tuis successoribus omni tempore, pro salute anime mee, totam usuariam, quam inde soliti sumus habere ego aut successores mei; solummodo reserbo adiutorium ad claudendum castrum de Cesa. Exinde autem obligo me meosque posteros successores tibi prefato priori et tuis successoribus, ut ammodo permaneamus omni tempore taciti, contempti seu remoti, et vos exinde sitis securi, quieti seu indempnes, eamque vobis promittimus et obligamus omni tempore ab omni persona auctorizare e guarentare. Quod si in aliquo exinde nos presumpserimus molestare, tollere, contendere vel minuere, aut si aliquod datum vel factum vel faciendum paruerit huic venditioni nociturum, aut omni tempore vobis non guarentaverimus et auctorizaverimus, tunc componere promitto et componamus vobis penam decem librarum obtimi argenti. Unde hoc scriptum fieri rogatum est ut supra. Actum in suburbio civitatis aretine feliciter.
†Ego Buianus consensi et ss.
Actum est hoc in presentia et testificatione Rolandini filii Pagani et Pelagalli filii cuiusdam Guidonis et Servidei filii cuiusdam Villani et Malclavelli filii quondam … et Rainerii filii quondam … et aliorum plurium.
†Ego Servusdei sacri scrinii notarius
| |