|
387
|| Alexander episcopus servus servorum Dei dilectis filiis Hominidei abbati monasterii
sancte Flore eiusque fratribus tam presentibus quam futuris regularem vitam professis
in perpetuum ||. Pie postulatio voluntatis affectu debet prosequente compleri, et, ut devotionis
sinceritas laudabiliter enitescat et utilitas postulata vires indubitanter assumat.
Eapropter, dilecti in domino filii, vestris iustis postulationibus clementer annuimus, et
prefatum monasterio sancte Flore, in quo divino mancipati estis obsequio, ad exemplar
sancte recordationis predecessoris nostri INNOCENTII pape, sub beati Petri et nostra protectione
suscipimus, et presentis scripti privilegio communimus. Statuentes ut quascumque
possessiones, quecumque bona idem monastérium in presentiarum iuste et canonice
possidet aut in futurum concessione pontificum, largitione regum vel principum,
oblatione fidelium seu aliis iustis modis, prestante Domino, poterit adipisci, firma vobis
vestrisque successoribus et illibata permaneat. In quibus hec propriis duximus exprimenda
vocabulis. Castrum sancte Flore, cum capellis que in eodem castro s[it]e sunt:
capellam videticet sancti Anastasii, capellam sancti Angeli, capellam sancti Apolinaris et
capellam sancti Zenonis, et quicquid iuris habetis in capella sancte Marie; monasterium
sancti Petri maioris in civitate aretina cum hospitio et omnibus pertinentiis suis; adicentes
ut vos, secundum antiquam et rationabilem consuetudinem vestram, possitis illud ordinare:
capellam sancti Gregorii, et quicquid iuris habetis in capella sancti Laurentii; monasterium
sancti Michaelis de Monte Pincoli cum capellis et allis suis pertinentiis; ecclesiam sancti
Petri et sancti Tyburtii in Gargonsa cum pertinentiis suis; plebem sancti Martini, cum
curte de Galognano et omnibus pertinentiis suis; quicquid iuris habetis in plebe sancte
Mustiole, et quicquid iuris habetis in ecclesia sancti Vincentii in Cortona castrum de
Quarata, cum ecclesia sancti Andree et curte sua; castrum de Sexto cum curte sua;
castrum de Sarna cum ecclesia sancte Flore et curte sua, et quicquid iuris habetis in
sancta Mamma; castrum de Muglano cum ecclesia sancti Angeli et curte, et quicquid
habetis in curte sancti Prosperi; quicquid iuris habetis in ecclesia sancte Marie in Villa
p. 517
alba; castrum de Fontiano, cum ecclesia sancti Petri et pertinentiis suis; castrum de
Rughitino cum ecclesiis et curte sua; ecclesiam sancti Leonis cum pertinentiis suis; ecclesiam
sancte Flore minoris cum medietate sue curtis et curtis de Bulgari, cum iure
quod habetis in ecclesia sancti Laurentii et sancti Sebastiani; et ecclesiam Sancti Petri
de Maiano cum iure quod ibi habetis; et quicquid habetis in Polliciano et in Pilli et in
Vico. Obeunte vero te nunc eiusdem loci abbate vel tuorum quolibet successorum, nullus
ibi qualibet subreptionis astutia seu violentia preponatur, nisi quem fratres communi
consensu vel fratrum pars consilii senioris, secundum Dei timorem et beati Benedicti
regulam, providerint eligendum. Sepulturam quoque ipsius loci liberam esse decernimus,
ut eorum devotioni et extreme voluntati qui se illic sepeliri deliberaverint, nisi
forte excomunicati vel interdicti sint, nullus obsistat, salva tamen iustitia illarum ecclesiarum
a quibus mortuorum corpora assumuntur. Decernimus ergo, ut nulli omnino
homini fas sit prefatum monasterium temere perturbare, aut eius possessiones auferre,
vel ablatas retinere, minuere, seu quibuslibet vexationibus fatigare, sed omnia integra
conserventur eorum pro quorum gubernatione ac sustentatione concessa sunt usibus
omnimodis profutura, salva sedis apostolice auctoritate et in prescriptis ecclesiis diocesani
episcopi canonica iustitia. Si qua igitur in fururum ecclesiastica secularisve persona
hanc nostre constitutionis paginam sciens contra eam temere venire temptaverit, secundo
tertiove commonita, nisi reatum suum digna satisfatione correxerit, potestatis honorisque
sui dignitate careat, reamque se divino iudicio existere de perpetrata iniquitate
cognoscat, et a sacratissimo corpore ac sanguine Dei et domini redemptoris nostri Iesu
Christi aliena fiat, atque in extremo examine divine ultioni subiaceat. Cunctis autem
eidem loco sua iura servantibus sit pax domini nostri Iesu Christi, quatinus et hic
fructum bone actionis percipiant, et apud districtum iudicem premia eterne pacis inveniant.
Amen amen amen.
(R) Ego Alexander catholice ecclesie episcopus ss. (M).
† Ego Hubaldus hostiensis episeopus ss.
† Ego Iohannes presbiter cardinalis sanctorum Iohannis et Pauli titulo Pamachii ss.
† Ego Iohannes presbiter cardinalis titulo sancte Anastasie ss.
† Ego Iohannes presbiter cardinalis titulo sancti Marci ss.
† Ego Petrus presbiter cardinalis titulo sancte Susanne ss.
† Ego Petrus presbiter cardinalis titulo sancti Grisogoni ss.
† Ego Vivianus presbiter cardinalis titulo sancti Stephani in Celio Monte ss.
† Ego Cintius presbiter cardinalis titulo sancte Cecilie ss.
† Ego Arduinus presbiter cardinalis titulo sancte Crucis in Hierusalem ss.
† Ego Ardicio diaconus cardinalis sancti Theodori ss.
† Ego Gratianus diaconus cardinalis sanctorum Cosme et Damiani ss.
† Ego Matheus sancte Marie Nove diaconus cardinalis ss.
† Ego Bernardus diaconus cardinalis sancti Nicolai in carcere Tulliano ss.
Datum Tusculani per manum Al[ber]ti sancte Romane ecclesie presbiteri cardinalis et
cancellarii III nonas ianuarii, indictione XIª, incarnationis dominice anno M. C. lxxviii;
pontificatus vero domni ALEXANDRI pape III anno xx.
| |