|
+ In nomine domini sextodecimo anno principatus domni nostri Gisulphi gloriosi principis,
mense februario, undecima indictione. Ante me Johannem iudex et notarius durante filius quondam
gaidonis coniunctus est cum leto presbitero filio quondam ursi, et per ipsum durante
hostensa est una cartula, Que continebat: In nomine domini sextodecimo anno principatus
domni nostri gisulfi gloriosi principis, mense ianuario, undecima indictione. Ante me iohannem
iudicem bibo kastaldeus filius quondam petri coniunctus est cum durante filio quondam gaidonis
ad compreendendum inter se sortem de terra cum arbusto, et insiteto, et quertie,
et vinea, et pomis, et vacuum, et silba quod illis commune habunt in locum transboneia, quod
ipsi durante pertinent due partes et ipsi bibo tertiam pars; et per ipsum bibo ostense sunt scripta
ita continentes: ego vibo kastaldus filius quondam petri divisi tota terra cum arbustum et insitetum
et quertie et vinea et pomis et vacuum et silba quod comune habeo cum durante filio
quondam gaidonis in locum transboneia. primitus quidem Una pecia de terra cum arbustis
ubi a li scontrati dicitur et feci exinde tres sortes, unam sortem fecit esse in parte occidentis;
Alia in parte orientis; Alia ibique in meridie. Ipsa sorte a parte occidentis fecit per fines et
mensuras. A parte septemtrionis fine via que pergit in ipsa suprascripta terra. Aliam terram quod
in ista sorte et in aliam ipse sortes adiungente est et passi quattuordecim. A parte occidentis fine
media sepe et passi septuaginta septem: A parte meridie passi triginta et medium. A parte orientis
est finis alia sors et in medium per traversum passi duodecim; et adiunxit in istam sortem partem
illam da occidente terra cum insirtetum ibique ……. est cum ipsa bia per fines et
mensuras: A parte meridie fine ipsam bia passi nobem minus palmum, A parte orientis fine
alia sors; a parte septemtrionis fine ipso ballone quod descendit in flumen boneia et passi decem
et septem et tertiam partem de unum passum. A parte occidentis est finis aliorum, est
per longitudo de ambabus partibus da ipsum ballonem usque ipsa viam, et adiunxit in istam
sortem inclita terra cum silba nostra et aliquante insites de eodem loco da medio torum indeque
qualiter descendit in partem septemtrionis usque ipsum flubium quod dictum est boneia;
et integra pars nostra de terra cum insiteto quod commune habemus cum nostris consortibus
in predicto locum transboneia ubi maianum dicitur, que coniuncta est cum rebus sancte marie
nostra pertinentia de eodem loco. de totum istum feci esse primam sortem cum vice de viis
suis. Ipsam sortem: A parte orientis feci per fines et mensuras: Ab ipsa parte septemtrionis fine
ipsam viam et passi quattuordecim, A parte occidentis fine ipsam sortem medianam: A parte
meridie fine media sepe passi hocto et medium. A parte orientis est finis aliorum et passi
nonaginta quinque, et in medio per traversum passi duodecim. et adiunxit in istam sortem partem
illam da oriente de ipsa terra cum insirteto, ibique coniunctum est cum ipsam viam per fines
et mensuras. A parte meridie fine ipsam viam passi nobem minus palmum unum: A parte
occidentis est finis alia sors. A parte septemtrionis est finis medium ipsum ballonem et passi
decem et septem et tertiam partem de unum passum. A parte orientis est finis aliorum et per
longitudinem de ambobus partibus de ipsum ballonem usque ipsa via. et adiunxit in istam sortem
integram medietatem de terra cum vinea et quertietum da parte orientis de eodem loco ubi
ipsi scontrati dicitur qualiter descendit da medio ipso toru in parte meridie usque medio ballone
que est ab ipsa parte meridie. de totum istud feci esse secundam sortem cum vice de viis
suis. Ipsam vero sortem mediam feci per fines et mensuras: Ab ipsa parte septemtrionis est
finis ipsam via: A parte occidentis est finis ipsa prima sorte. A parte meridie est finis media
sepe: A parte orientis est finis ipsa secunda sorte. et adiunxit in istam sortem partem illam
medianam de ipsa terra cum insirtetu quod coniunctum est cum ipsa via per fines et
mensuras: A parte meridie fine ipsa via passi hocto: A parte orientis fine ipsa secunda sorte:
A parte septemtrionis fine medio ipso ballone passi decem et septem et tertiam partem de unum
passum; A parte occidentis fine ipsa prima sorte. et adiunxit in istam sortem partem illam da
occidente ipsa terra quod est medietate, qualiter descendit da medio ipso toru in parte meridie
usque medium ipsum ballonem de ipsa parte orientis; de totum istud feci esse tertiam sortem
cum vice de viis suis. Totis suprascriptis mensuriis iusto passu hominis mensuratis. Et cum
fuerunt lecte ipse scriptiones de iamdictis vero ipse tribus scriptionibus prius inde compreensit
ipse durante ipsam primam et tertiam sortem qualiter superius facte sunt cum omnibus que
intra eas sunt cunctisque eius pertinentiis et cum vice de viis suis, Ad faciendum de eis ille
et eius heredes quod voluerint. Et ipse vibo compreensit ipsam secundam sortem qualiter superius
facta est cum omnibus que intra eam sunt cunctisque eius pertinentiis et cum vice de
viis suis, Ad faciendum de ea ille et eius heredes quod voluerint. Et per convenientia ipse
vibo guadiam ipsi durante dedit et fideiussorem ei posuit lando ballense filius quondam ursi
sculdais, et per ipsam guadiam ipsi vibo obligavit se et suos heredes semper permanere cum
ipsum durante et cum eius heredes in suprascripta divisione quemammodum supradictum est.
Et si taliter in suprascripta divisione semper firmiter non permanserit et suprascripta vel ex
quicquam removere aut contradicere presumpserint, per ipsam guadiam ipse vibo obligavit
se et suos heredes componere ipsi durante et illius heredibus centum auri solidos costantinos
et in suprascripta divisione quemammodum supra legitur cum ipsum durante et cum illius heredes
semper firmiter permanerent. et quod superius inter suprascriptis virgulis scriptum est, dicit
medium ipsum ballonem et passi decem et septem et tertiam partem de unum passum. A parte
orientis est finis. Et taliter te petrum notarium scribere precepi. Ego qui supra iohannes iudex.
Hostensa igitur atque perlecta suprascripta cartula, ipse durante, sicut ei congruum fuit sua
voluntate per convenientia per hanc cartulam vendidit ipsi leto presbitero integras ambas suprascripta
primam et tertiam sortes, quas sicut suprascripta cartula continet compreensas per suprascriptas
fines et mensuras qualiter superius facte esse videntur, cum omnibus que intra eas sunt
cunctisque earum pertinentiis et cum vice de viis suis, exscepto integro illo quod eidem durante
pertinet de predicta terra cum insirteto commune ubi maianum dicitur, quod sicut in suprascripta
declaratur cartula cum rebus ecclesie sancte marie de eodem loco coniunctum est.
Ea ratione ut integra ipsa venditio semper sit in potestate ipsius leti et heredum eius. Et liceat
illum et eius heredes de ea facere quod voluerint. Et nichil aliud ipse durante de eo quod ei
per suprascriptam cartulam pertinuit, sibi remanere dixit, nisi illud de predicta terra cum
insirtetum commune ubi maianum dicitur. Et propter confirmationem huius venditionis ipse
durante suscepit ab ipso leto statutum pretium auri solidos de moneta amalfitanorum quadraginta
quinque in omni deliberatione. Et per convenientia ipse durante guadiam ipsi leto dedit
et fideiussorem ei posuit suprascriptum landonem ballensem filium quondam ursi sculdais et
per ipsam guadiam ipse durante obligavit se et suos heredes semper defendere ipsi leto et
illius heredibus integrum illud quod ei sicut suprascriptum est vendidit ab omnibus hominibus.
Et tribuit ei licentiam, ut quando ipse letus et eius heredes voluerint, potestatem habeant, sicut
suprascriptum est, illud per se defendere qualiter voluerint, cum omnibus muniminibus et rationibus
quas de eo hostenderint. Et si sicut superius scriptum est ipse durante et eius heredes ipsi leto et
illius heredibus non adimpleverint et suprascripta vel ex eis quicquam removere aut contradicere
presumpserint, per convenientia per ipsam guadiam obligavit se et suos heredes componere
ipsi leto et illius heredibus centum auri solidos costantinos, et sicut superius scriptum
est adimplere Et taliter te grimoaldum notarium et advocatum scribere precepi.
+ Ego qui supra iohannes iudex.
| |