|
397.
In Dei nomine. Anno dominice incarnationis MClxxxii, Frederico imperante, mense
aprelis, indictione xvª. Manifesti sumus nos prior Placitus camaldulensis et dominus
Guido et Albertus vel Maurus prior Anglaris et Guilieiminus abbas de Pratallia,
qualiter per hoc scriptum locationis libellario nomine tradimus et concedimus
vobis Gerardino de Piero et Buoso de sancto Martino Aretine civitatis camarariis, nomine
ipsius civitatis recipientibus et ipsius Comunis, silicet unam plateam ad hedificandum
XXIIII or pedum per frontem et XXIIII or pedum per longum in fronte, de supra de
Anglare, intus iuxta ubi erat ecclesia. Eo videlicet modo, ut vos et vestri successores
in dicto Comune et pro ipso Comune eam rem habeatis et detineatis ac iure locationis
fruamini; et pro ea re annualiter in sancti Bartholomei festo ecclesie ibidem permanenti
reddere vel persoivere debeatis unam candelam vm pedes iongam nomine census.
Sed non possit ipsa platea, neque hedificium in ea constructum tunc aliquo in
tempore ab aliquo homine alienari, et amplius exinde vobis non superimponatur. Quod
si aliquo in tempore eam rem quesierimus vobis pro iam dicto Comune, vel ipsi Comuni
tollere vel minuere aut aliquid superfluum superimponere, obligamus nos et
nostros successores ac promictimus vobis recipientibus pro dicto Comune dare vel solvere
vobis et vestris successoribus in dicto Comune pene nomine C libras bonorum
denariorum; et pena soluta remaneat firma suprascripta locatio.
Sic et nos iam dicti conductores etiam pro nostris successoribus promictimus pro
iam dicto Comuni vobis ac vestris successoribus suprascripta, que nobis imposuistis,
adimplere ac omni tempore facere. Que si non fecerimus, promictimus tunc dare vobis
prefato Comuni, similiter pene nomine, C libras bonorum denariorum. Unde hoc scriptum
a vobis et a nobis fieri rogatum est. Actum in comitatu aretino et prope podium
de Anglare feliciter.
Signa manus Ranuccii de Bacca et Boni et Guelfredotti et Arengarii et Gerardini
Ranuccii et Rainaldi Bustole atque Aguraççi, qui (ultimi) quatuor tunc dicte civitatis
erant consules, rogatorum testium.
Ego Rolandus iudex scripsi rogatus atque complevi.
| |