|
410
In Dei nomine amen. Quicumque ad hoc breve iuraverit, iurat custodire et salvare
personam donni Caritatis abbatis sancte Flore et suorum suorum successorum in perpetuum
et suorum clericorum et monachorum, qui erunt ad mandatum abbatis; et qui voluerint
tenere conmpositionem quam abbas facit vel fecerit cum civitate. Omnia castella et
possessiones, quas abbatia nunc habet vel in antea habebit a Subiano sursum, si quis
voluerit ei tollere aut contendere aut minuere, adiuvabit eam ad reacquirendas, et
reacquisitas ad retinendas, bona fide, sine fraude et sine malitia, exceptis castellariis
sancte Flore, Montetini, Turrite et Sinzie. Illam rationem et bonum usum quam et
quem civitas Aretina tenet bonis hominibus civitatis, de eorum hominibus, predicte
abbatie, de suis hominibus tenere debet. Datium ab hominibus sancte Flore, qui erunt
habitatores civitatis ab hinc usque ad VI annos expletos, tollere non debet, nisi fodrum
imperatoris et murorum et fovearum civitatis expensas, et tunc salvo usu qui
abbas solitus est habere. Ubicumque abbas in civitate vel burgis vel suburgis, in plateis,
que ei date fuerint, voluerit hedificare abbatiam vel alia edificia preter turres, hoc
anno, ei contendere non debet; et corpora et sanctuaria, que ibi ponere voluerit, similiter
ei contendere non debet. Potestas vel consules, qui pro tempore erunt in civitate,
abbati sancte Flore de querimoniis quas ei fecerint, sicuti aliis bonis hominibus vel
ecclesiis civitatis, rationem faciunt, predicto abbati rationem facere debent de suo districtu
quem civitas nunc habet vel in antea habebit. Et hoc faciet potestas qui nunc
est in civitate, et faciet iurare successorem suum, et successor alium successorem; et
sic de ceteris. Et per ostia faciet nunc iurare homines civitatis.
MclXXXXIIII, Henrico imperante, mense ianuario, indictione XII.
Plateas et pecuniam, sicut conventum est et iuste potero, sine fraude et malitia, ad
terminum indutiarum vel alios terminos communiter indutiatos dabimus.
Hoc omnia, bona fide, sine fraude et malitia observabimus.
| |