|
180
+ In nomine domini salvatori Iesu Christi dei aterni. Guaimarius divina
ordinante providentia Langovardorum gentis princeps, cum principalis excellentia
petitione dilecti sui petenti clementer favet. Quapropter noberit omnium
fidelium nostrorum presentium scilicet ac futororum sagacitas quoniam
Landenolfus, comes Caiatiensis dilectus noster filius quondam Landoni comitis
nostras petiit clementias quatinus concederemus et confirmaremus Grimoaldo
comiti palatii ex cibitate nostra Capua dilectissimo parenti nostro,
182
filio quondam Madelmi comitis suique heredes hos subscriptos hebreos, habitatores
prephate nostre Capue cibitatis: Vitalem filium quondam Iona hebrei,
et Samuelem generum suum, et Iuda filium quondam Sambati hebrei, et
Manuelem nepotem suprascripti Iude filium videlicet Iona germani sui,
quia ipse Iona christianus effectus est, et Iosep et Iona germani filii quondam
Habraam hebrei et manuelem et Sambati germani filii quondam Maioni hebrei,
qui fuerunt ipsi quondam Sambati et Abraam et Maio germani predicti Vitali,
et Dunissum filium quondam Sidicie hebrei, et Nathanielem filium quondam
Vitali hebrei medici, et Habraam filium quondam Achaci hebrei, qui fuerunt
ipsi quondam Vitali medicus et Achaci germani, filii quondam Abraam
hebrei, et ipsi quondam Sedicia et Abraam fuerunt generi quondam Dunissi
hebrei, simul cum omnibus rebus eorum et terris et presis et casis fabritis et
infabritis eorum et que fuerunt et pertinuerunt suprascripti Iona, qui christianus
effectus est, et scole eorum hebraice et reliqua in omni ratione et ordine,
quemammodum hic supter dicturi sumus. De quibus petiit a nostris
excellentiis ut nostre emunitatis apices eidem Grimoaldo comiti inde fieri iuberemus.
Cuius preces veningnissime exaudientes, hos nostre firmitatis apices
ei exinde fieri iussimus; per quos omnino sancimus et perpetualiter habendum
nostris et futuris temporibus per hoc nostrum rovoreum preceptum concedimus
et confirmamus tibi supranominati Grimoaldo comiti palatii, dilectissimo
parenti nostro, et ad tuos heredes, id est ipsos prenominatos hebreos: Vitalem
et Samuelem et Iudam et Manuelem et Iosep et Ionam et Manuelem
et Sambati et Dunissum et Nathanielem et Abraam, simul cum omnibus rebus
eorum et terris et presis et casis fabritis et infabritis eorum, et
que fuerunt et pertinuerunt ipsius Iona, qui christianus effectus est, et scole eorum hebraice,
ut omnia servitia et inoperationes, censora et dationes, cavallos et data
et portaticum et plateaticum et vigilias cibitatis, ceteraque omnia que ipsis prenominatis
hebrei et heredes eorum parti rei publice facere et dare atque
183
persolvere debuerint, et que ipsis prenominatis soliti sunt facere seu dare et
persolvere, et omnem iudicaliam et scaditiones atque cetera omnia que de ipsis
prenominatis hebreis et de eorum heredibus sive de predictis rebus eorum et
terris et presis et casis fabritis et infabritis eorum et scole eorum parti rei
publice pertinentes inbeniuntur quibuscumque modis in integrum in tua et de
heredibus tuis existant potestates. Rec autem omnia, que et qualiter supra leguntur
nostris fisci et parti rei publice pertinentes, tibi qui supra Grimoaldo
comiti palatii tuique heredibus concessimus et confirmabimus una cum sigillato
precepto et sigillato scripto inde continentes et pertinentes et cum eorum
continentiis ad possessionem tuam et de tuis heredibus ad havendum et
possidendum firmiter a nunc et semper et faciendum exinde omnia, que vobis
placuerint, absque contrarietatem comitum castaldeorum iudicum sculdachorum
vel de cuiuscumque persona hominum contradictionem vel inquietudinem
nemine vobis exinde in aliquo molestia ingerenti. Quod si quispiam homo,
magna vel parba persona, anc nostra concessione atque confirmationem
nostri precepti in quomodocumque violari presumserit, sciat se esse
compositurus tibi, qui supra Grimoaldo comiti palatii, tuisque heredibus auri
purissimi libras quinquaginta et, post solutam penam, hec nostra concessio
atque confirmatio firma permaneat semper, quod ut verius credatur diligentiusque
ab omnibus obserbetur, manus nostra propria scripsimus et ex anulo
nostro impressione supter iussimus sigillari.
Signum domini Guaimarii excellentissimi principis.
Adenolfus notarius ex iussione predicte serenissime potestatis scripsi.
Datum decima secunda kalendas iulias, anno vicesimo tertio principatus
Salerni predicti domni Guaimarii, gloriosi principis, ac tertio anno principatus
eius Capue et tertio anno ducatus illius Amalfis et tertio anno eius Surrenti,
indictione nona. Actum in cibitate Capuana.
| |