|
+ In nomine domini vicesimo tertio anno principatus domni nostri gisulfi gloriosi principis,
mense septembri, tertia indictione. Dum coram presentia domni leonis reverentissimi abbatis
monasterii sancte et individue trinitatis quod conditum est foris anc civitatem in loco metiliano
essem ego petrus iudex, Ursus habitator de ipso loco filius quondam romoaldi coniunctus est
cum leone fabro et monacho ipsius monasterii. et ipse ursus clarificavit sibi pertinere terram
cum arbustis in suprascripto loco metiliano et prope ecclesia sancti cesari, quam dixit esse
per fines et mensuras, iusto passu hominis mensuratas. A parte meridiei finis media sepes, et
iuxta eam mensurati passi decem minus cubitum: A parte occidentis finis ipsius monasterii
que in ipso predicto monasterio oblatum est per petrum germanum ipsius ursi, et passi viginti
duo. et revolvit in parte occidentis per eandem finem passi quattuor, et revolvit in parte septentrionis
similiter per eandem finem passi viginti sex usque limina. et est ibi lata ipsa terra
recte in parte orientis usque termina passi octo minus cubitum: et a completis ipsis viginti
sex passibus descendente in ipsa parte septentrionis iuxta ipsam finem usque medio vallone
Ab ipsa parte septentrionis finis medio ipso vallone, et prope eum recte mensurati passi octo
minus cubitum; A parte occidentis finis aliorum, et passi sexaginta octo; et revolvit in parte
occidentis passi septem et medium; et revolvit in parte meridie passi triginta unum recte
mensurati intra ipsam terram prope sepem et aliquantulum per capite de via usque priore
fine. et clarificavit sibi pertinere de tribus partibus integram medietatem de terra cum insiteto
ibi propinquo quam dixerat esse per fines et mensuras suprascripto passo mensuratas. A parte
septentrionis finis via que ducit ad suprascriptum monasterium, et passi viginti duo: A parte
occidentis finis media sepe et limite, et passi viginti sex et cubitum recte iuxta ipsam finem
mensurati. A parte meridiei passi viginti duo: A parte orientis passi viginti sex et medium.
Altera vero medietas ex ipsis tribus partibus de iamdicta terra pertinente in iamdicto monasterio
a parte suprascripti petri germani ipsius ursi. Et sicut ipsi urso congruum fuit sua voluntate,
per convenientiam per hanc cartulam vendidit ipsi leoni pro parte ecclesie quam ipse domnus
leo abbas a nobo construxit fundamine in rebus pertinentibus suprascripti monasterii in ipso loco
metiliano ubi veteri dicitur ad honorem beatissimi leonis pape integram suprascriptam terram
cum arbusto per iamdictas fines et mensuras, et integram ipsam medietatem de iamdictis tribus
partibus de ipsa terra cum insiteto per suprascriptas fines et mensuras, cum omnibus que
intra ipsam terram, cum arbustis et intra ipsam medietatem de ipsis tribus partibus ex ipsa
terra cum insiteto habentibus, cunctisque eorum pertinentiis et cum vice de ipsis viis et de
aliis viis suis. Ea ratione, ut integra suprascripta venditio, quemadmodum suprascriptum est,
semper sit in potestate ipsius domni abbatis et partibus ipsius ecclesie, et liceat ipsum domnum
abbatem et parte suprascripte ecclesie de ea facere quod voluerint. Tantum dum ipse leo
vixerat et in eadem ecclesia aut in suprascripto monasterio permanserit, retineat sue potestatis
usufruendi nomine integrum illud quod ipse ursus ei, ut suprascriptum est, pro parte ipsius
ecclesie vendidit. et de usufructu ei quod voluerit faciat. post vero suum obitum aut si de ipsis
ecclesia et monasterio exierit propter in alio loco permanendum, integer ipse ususfructus ad
suam redeat proprietatem. Et propter confirmationem huius venditionis ipse ursus suscepit
ab ipso leone pro parte ipsius ecclesie statutum pretium auri tarenos triginta et duo in omni
deliberatione. Et per convenientiam ipse ursus guadiam ipsi leoni pro parte ipsius ecclesie
dedit et fidemiussorem ei posuit pro ipsius ecclesie partibus suprascriptum petrum germanum
suum. et per ipsam guadiam ipse ursus obligavit se et suos heredes semper defendere ipsi
domino abbati et partibus suprascripte ecclesie integrum illud quod eidem leoni, ut suprascriptum
est, pro parte ipsius ecclesie vendidit ab omnibus hominibus in suprascripta ratione. Et tribuit
licentiam, ut quando ipse domnus abbas et pars ipsius ecclesie voluerint, potestatem habeant
illud per se defendere qualiter voluerint cum omnibus moniminibus et rationibus quas de eo
ostenderint. Altera vero medietas de ipsis tribus partibus ex ipsa terra cum insiteto pertinente
in ipso monasterio a parte suprascripti petri. Et si, sicut superius scriptum est, ipse ursus et
suos heredes ipsi domno abbati et partibus suprascripte ecclesie non adimpleverint, et suprascripta
vel ex eis quicquam remobere aut contradicere presumpserint, per ipsam guadiam ipse
ursus obligavit se et suos heredes componere ipsi domno abbati et partibus ipsius ecclesie
quinquaginta auri solidos constantinos. Et taliter tibi iohanni notario scribere precepi.
+ Ego qui supra petrus iudex.
| |