Home » Fonti documentarie » Codex diplomaticus Cavensis - 10 » 10.5 » Pag 17 - 19

10.5
17
19

17
+ In nomine domini nostri Iesu Christi. Anno ab incarnatione
eius millesimo septuagesimo quarto et tricesimo secundo anno
principatus domni nostri Gisulfi gloriosi principis, mense aprili
undecima indictione. Ante me Iohannem iudicem Iaquintus filius
quondam Romoaldi coniunctus est cum Iaquinta et Sichelgaita sororibus
ac filiabus quondam Amati, quarum Iaquinta uxor fuerat Iaquinti
clerici et Sichelgaita uxor est Sichenolfi, qui et in eadem
presentia aderat, et ipsæ sorores ostenderunt scripta continentia.
Nos Iaquinta et Sichelgaita, quæ sumus sorores filiæ quondam
Amati et ego Sichelgaita sum uxor Sichenolfi et ego Iaquinta
uxor fui Iaquinti clerici, divisimus terram cum vinea et vacuo
et silba et molino et iscla foris hac Salernitana civitate de
loco Veteri et illud comune habemus cum Iaquinto filio quondam
Romoaldi et fecimus ex eo duas sortes. primam sortem
fecimus esse integram ipsam terram cum vinea et vacuo et silba
que est per fines: a parte occidentis est finis via Nucerina;
a parte meridiei est finis Iohannis filii quondam Petri et revolvit
in partem meridiei per ipsam finem et revolvit in
partem orientis per ipsam finem et coniungit cum spelunca
que est in latere montis; a parte orientis est finis ipsius montis;
a parte septemtrionis est finis aliorum; et qualiter ipsi Iaquinto
et predicto genitori nostro a suprascripto Iohanne filio
quondam Petri per firmam cartulam divisionis ipsa terra cum
vinea et vacuo et silba in sortem evenit, taliter totum illud fecimus
esse primam sortem cum vice de ipsa via et adiunximus
in ista sorte partem a septemtrione de terra vacua que
dicitur iscla, quæ est super et coniuncta cum arcatura ipsius
molini per fines et mensuras: a parte orientis est finis via Nucerina,
inde passus sex; a septemtrione est finis suprascripti
Iohannis filii Petri; a parte occidentis est finis via comunis
quæ iuxta ipsam arcaturam ducit, et per ipsam viam comunem
mensurati passus alii sex; a parte meridiei est finis subscribenda
secunda sors; ex hoc fecimus esse primam sortem cum
18
vice de ipsis viis. secundam sortem fecimus esse integrum ipsum
molinum cum terra et sedio in qua constructum est et cum
ipsa iscla quæ a parte occidentis ad ipsum molinum coniuncta
est, cum omni pertinentia de ipso molino et qualiter ipsi genitori
nostro et predicto Iaquinto in sortem evenit a suprascripto
Iohanne filio Petri, extra illud de ipsa iscla quod in ipsa prima
sorte adiunximus per suprascriptas fines et mensuras sicut
suprascriptum est; ex hoc fecimus esse secundam sortem cum
vice di ipsis viis. et qui conpreenserit istam sortem et eius heredes
dent illi qui ipsam primam sortem conpreenserit et eius heredibus
viginti auri tarenos bonos ex moneta Amalfitanorum
ad faciendum ex eis quod voluerint; et ille qui istam sortem
conpreenserit et eius heredes et homines quos voluerint, quando
necesse fuerit conciare vel mundare ipsam arcaturam ex ipso
molino, potestatem habeant eam conciandi et mundandi qualiter
voluerint, et quod ex ipsa arcatura tulerint vel iactare fecerint,
iactent illud vel ex eo in illo de ipsa iscla quod in ipsa prima
sorte adiunximus sicut suprascriptum est iusta ratione, suprascriptis
mensuris iusto passu hominis mensuratis.
Cum autem ipsa scripta fuerunt ostensa, iamdictus Iaquintus per convenientiam
prius conprehensit ex ipsis sortibus suprascriptam primam
sortem qualiter superius facta est, cum omnibus quæ intra eam sunt
cunctisque eius pertinentiis et cum vice de ipsis viis, ea ratione ut
semper sit in potestate ipsius Iaquinti et heredum eius, et ille et eius
heredes licentiam habeant de eo facere quod voluerint. et ipsæ sorores
conpreenserunt suprascriptam secundam sortem qualiter superius fact
est, cum omnibus quæ intra eam sunt cunctisque eius pertinentiis
et cum vice de ipsis viis, ea ratione ut semper sit in potestate ipsarum
sororum et heredum illarum et illæ et illarum heredes licentiam
habeant de eo facere quod voluerint, et ipsæ sorores dederunt ipsi
Iaquinto suprascriptos viginti tarenos ad faciendum ex eis quod voluerint.
et per convenientiam ipsæ sorores Iaquinta et Sichelgaita
guadiam ipsi Iaquinto dederunt et fideiussorem ei posuerunt Iohannacium
filium quondam Petri Giczoli, et per ipsam guadiam
obligaverunt se et suos heredes semper permanere cum
19
ipso Iaquinto et illius heredibus in suprascripta divisione et in omnibus
suprascriptis quemadmodum superius legitur. et si in suprascripta
divisione et in omnibus suprascriptis quemadmodum superius
legitur ipsæ sorores et earum heredes cum ipso Iaquinto et illius heredibus
non permanserint et suprascripta vel ex eis quicquam removere
aut contradicere presumpserint, per ipsam guadiam obligaverunt
se et suos heredes componere ipsi Iaquinto et illius heredibus triginta
auri solidos constantinatos et in suprascripta divisione et in omnibus
suprascriptis quemadmodum superius legitur cum ipso Iaquinto
et illius heredibus semper permanere. suprascripta vero fecit ipsa
Iaquinta secundum legem et consuetudinem Romanorum et ipsa Sichelgaita
omnia suprascripta fecit cum voluntate ipsius viri et mundoalt
sui, et ipsæ sorores et earum heredes semper faciant permanere
in suprascripta divisione et in omnibus suprascriptis quemadmodum
superius legitur cum ipso Iaquinto et illius heredibus Aloaram
genitricem illarum per suprascriptam guadiam et obligationis penam.
quod autem superius inter virgulos scriptum est in uno loco
legitur "in sortem evenit", et in alio "primam sortem". Et
taliter tibi Grimoaldo notario scribere precepi. S.
+ Ego qui super Iohannes iudex. S.
Torna all'inizio