|
+ In nomine domini septimo decimo anno principatus domni nostri guaimari gloriosi principis,
mense augustus, tertia indictione. Declaro ego sellictus domini gratia abbas monasterii
sancte marie et sancti benedicti situs intus hanc salernitanam cibitatem, hubi ad corpus
dicitur, quoniam pars nostri monasterii abet rebus in finibus mitilianense, qui est terra cum
arbustu et abellanietum et quertietum, totum in unum coniunctum in locis qui nominatur
aquabia, et cornu, et cassiano. Set propter grabiosum iter, unde ad ipsis rebus pergimus,
bolueramus illut commutationis ordine dare et recipere exinde alia rebus, que nobis et
nostri monasterii congrua fuerit. Et dum illut per plures diebus dibulgaminus, nemo inbenimus
qui illut tollere boleret; quo audito eo, Maio presbiter et abbas hecclesie sancti
maximi, quem domnus guaiferius olim princeps intus hanc salernitanam cibitatem a nobo
fundamine construxit, dixit nobis, ut si dederimus im pars predicte hecclesie sancti maximi
ipsa rebus predicti monasterii per finis et mensurie que inferius declaramus, ille autem
daret pro exinde in pars predicti monasterii curte predicte sue hecclesie, qui est a foras
et propinquo hanc cibitatem qui dicitur birideareo, quem per ipsum domnus guaiferius
hibidem datum est, cum aqua de ribus faustini et palombara, qui in ipsa curte solita est
benire per aquario antiquo. Nos autem talia audientes, cepimus inde habere colloquium
cum theodericus adbocatorem nostrum et cum fratribus nostri monasterii; et inito consilio,
comparuit omnibus nobis illut faciendum. Et dum illut pleniter perficere baleremus, ex
utraque partes nuntiabimus illut supradicto domni guaimari exellentissimi ut
per illius licentiam et absolutionem anc faceremus commutationem. Ille autem pro sua pietate
ut bideret, si bonum per partes hebeniret, per se ipsum una cum petro iudice et complures
nobiliores omines suis parentibus et fideles super ipsis rebus una nobiscum perrexerunt,
et diligenter illut probiderunt et estimaberunt; set omnibus illis et nobis comparuit,
ut ex utraque partes bonum ebeniret: post hoc factum, ipse domnus princeps solutionem
nobis tribuit illud faciendum. Et hideo ego nominatus sellictus domini misericordia abbas,
una mecum ipsum theodericus adbocatorem nostrum, ante presentia supradicte gloriose potestatis,
et hibidem adesset ipsum petrus iudicem et alii nobiles, quem ex utraque partes
combocabimus, per bona combenientia per hanc scribtionem commutationis ordine tradidimus
tibi maioni presbiteri et abbati, una tecum esset romoaldus adbocatorem nostrum
qui est comes et unum de dominii predicte ecclesie, et alii dominii ipsius ecclesie, pro
pars et bice predicte hecclesie sancti maximi inclita supradicta rebus nostri monasterii,
qui est, sicut diximus, terra cum arbusto et abellanietum et quertietum, totum in unum,
per hec finis et mensurie. A pars occidentis fine bia antika, sunt inde passi duocentiquinque:
a pars meridie fine predicti monasterii, inde passi centum sedecim, et ab inde rebolbente
in pars septemtrionis passi biginti et medium, et ab inde rebolbente in pars orientis
per fine ipsius monasterii et coniungente in ribus et per ipso ribus asscendente usque in
bia, qui deducit secus ipsa fontana, per ista fine passi tricenti biginti unum: a pars orientis
fine predicta bia, inde passi sexaginta octo, et rebolbente in subtus usque in unum terminem
passi decem et medium, et iterum descendente per terminem in pars occidentis
passos centum quadraginta unum, et ab inde rebolbente in pars septemtrionis passi centum
octo, deinde descendente in pars occidentis usque in ipsa bia antika passi duocenti sexaginta
sex, totum mensuratum ad iusto passum homini; hec autem tota et inclita supradicta rebus
per supradicte finis et mensurie, sicut superius legitur, in integrum illut tibi iamdicto maioni
presbiteri et abbati, una tecum ipsum romoaldus comes adbocatorem vestrum, pro pars et
bice predicte vestre hecclesie sancti maximi tradidimus, cum omnia infra se habentibus
et suis pertinentiis, et cum bice de ipse bie et bice vobis dedimus de ipsa fontana aqua
inde auriendum, quantum vobis necessum fuerit et vestre hutilitatis iusta ratione hibi faciendum.
Et pro confirmandam et stabiliscendam hanc nostra commutatione, per alia cartula
que aput nos scribta retinemus, recepimus a bos exdicta rebus predicte vestre hecclesie
sancti maximi qui est terra cum binea et bacuum et pomis, qui est, ut diximus,
a foras et propinquo hanc cibitatem, hubi ad ipso birideario dicitur, sicut de de tribus partibus
concluditur bie, et a pars orientis sicut medio ribus faustini disscernit; quam etiam
et recepimus a bos pro bice iamdicte vestre hecclesie sancti maximi bicem et pertinentiam
de ipsa aqua de ribus faustini et de ipsa aqua palombara et de aquario, unde consuetudo
est aqua ipsa pergere ad ipsa curte, quod nobis dedistis hin oc ordine, ut licentiam et
potestatem abeamus nos nostrisque successoribus et pars predicti nostri monasterii aquam
ipsam de ipso ribus faustini et de ipsa aqua palombara lebare in cursum ipsum aquarum,
in quo solita est pars vestre hecclesie sancti maximi aquam ipsam lebandum, et per
cursum ipsum aquarum aquam ipsam deducere faciamus in kanale, quem pars vestre hecclesie
positum habet a super bia caba, qui deducit iussta ipso ribus faustini et deducit per
berelais et per ipsum canalem et per alium canalem, quod hibidem ponere debet monasterio
sancti laurentii, et quanta aqua disscurrerit per ipsum canalem, quam pars nostri monasterii
hibidem posuerit et per ipsum canalem monasterii sancti laurentii, tota discurrant
per aquario, unde consuetudo fuit, usque in ipsa curte monasterii sancti laurentii, ubi ecclesia
sancti sebasstiani dedicata est; veniente inter ipsa rebus sancti laurentii media tota
ipsa aqua abeant pars archiepiscopio salernitano, et ipsa alia medietate dibidamus cum
pars ipsius monasterii sancti laurentii: medietate tollad illud pars ipsius monasterii sancti
laurentii, portandum in ipsis rebus suis, ad abendum qualiter boluerit, et ipsa alia
medietate, quod est inclita quartam partem de tota ipsa aqua, abeant pars predicti nostri
monasterii, portandum et abendum ad ipsa curte, quod superius nobis traddistis da ipso
birideario per aquarium, unde consuetudo fuit pars predicte hecclesie sancti maximi aqua
ipsa in ipsa curte portandum; et hubi in ipsa curte portaberimus, licead pars predicti
nostri monasterii inde facere omnia que, aut qualiter boluerimus. Et quando ipsa aqua in
predicta curte da ipso birideario portare boluerimus, licead pars nostri monasterii per
ipsa rebus predicti monasterii sancti laurentii ingredere et regredere, absque damnietatem
rationabiliter, et ipso aquario conciare, hubi ruperit et meruerit. Simulque et licead pars
predicti nostri monasterii omni tempore totum aquarium ipsum, ab unde incipit a super
ipsi canali et usque in ipsa predicta curte, quod nobis tradidistis, unde ex antiquitus cursit
qui in pars vestre hecclesie sancti maximi pertinentem est, illum conciandum et edificandum,
ut ipsa aqua perfecte exinde ire possat, sicut ex antiquitus inde cursit; et quando
necesse fuerit canalem ipsum da ipsa aqua mutandum, sibe conciandum, potestatem abead
pars predicti nostri monasterii illut hibi conciandum et mutandum, qualiter boluerint, et
sic inde permaneamus cum pars ipsius monasterii sancti laurentii, sicuti pars predicte
hecclesie sancti maximi exinde permanere debuit, belut scribtio combenientie et difinitionis
continet, quem domnus antonius venerabile abbas ipsius monasterii sancti laurentii cum
maio archidiaconus et abbas qui fuit predicte hecclesie sancti maximi, factam habunt,
quem nobis et partibus predicti nostri monasterii cum tres alie scribtionibus dedisti. Finitoque
bikaria ipsa aput nos ea ratione, ut amodo et semper tu nominatus maio presbiter
et abbas, et posteros tuos, et pars predicte vestre hecclesie sancti maximi ea omnia que
supra legitur, vobis tradidimus, securiter et firmiter abeatis possidendum, dominandum,
et omnia exinde faciendum quod bolueritis. De qua per bona combenientia obbligo me qui
supra sellictus domini misericordia abbas, et meis successoribus, et pars predicti nostri monasterii
amodo et semper antistandum et defensandum tibi maioni presbiteri et abbati tuique
successoribus tota et integra supradicta rebus, quod vobis tradidimus infra supradicte finis
et mensurie, et cum bice de ipse bie, da omnis omines omnique partibus; et ipsa bicem quod
vobis dedimus ad ipsa fontana, et bia ad ipsa fontana defensemus vobis vestrisque successoribus
et ad pars predicte vestre hecclesie santi maximi a pars ursi filii maraldi, et a pars
arechisi filii imperati, et a pars costantini filii maranci, et a pars ursi filii lazari, et a pars
iohanni germani istius ursi filii lazari, et a pars mulieri nomine sika, qui fuit uxor ipsius
lazari, qui sunt ad ipsa rebus bicini, et pars nostri monasterii cum illis factam babet dibisionem
et diffinitionem; quam et defensemus vobis ipsa bice de ipsa fontana et bice de bia ad
ipsa fontana da illi ominibus et partibus, qui pro pars nostra et pro pars predicti nostri monasterii
preposuerint vobis et ad pars predicte vestre hecclesie sancti maximi qualiscumque
causationes; et quando pars predicte vestre hecclesie de tota supradicta nostra tradictione
boluerint per se inde esset autores et defensores, licentiam et potesstatem habeant bice predicti
monasterii, cum qualis monimen et rationem inde abere potuerit, in omnibus inde causare
et finem facere, qualiter boluerint; si autem, sicut dictum est, taliter illut non defensaberimus,
aut si nos nostrisque successoribus vel pars predicti nostri monasterii quomodocumque
per qualecumque ratione quesierimus illut vel exinde vobis vel ad pars predicte vestre
hecclesie sancti maximi tollere aut contrare, seu remobere, vel alique causationis vobis exinde
preponere, per bona conbenientia componere obligo me qui supra sellictus abbas et meis
successoribus et pars predicti nostri monasterii tibi maioni presbiteri et abbati tuique successoribus
et ad pars predicte vestre hecclesie sancti maximi mille auri solidos constantinos;
seu, et quando in pars predicte vestre hecclesie sancti maximi necesse fuerit due de ipse
scribtionibus quod nobis dedisti, hoc est, una continentem, qualiter antonius venerabile abbas
monasterii sancti laurentii diffinitionem fecit cum maio archidiacono et abbate predicte
hecclesie sancti maximi de ipsa aqua et de aquario suo ante petrus iudex et alii testes qui
hibi scribti sunt, scribta per romoaldus notarius; et ipsa alia continentem, qualiter domnus
grimoaldus archiepiscopus sancte sedis salernitane de ipsa aqua diffinitionem fecerad cum
ipsum maio archidiacono, et per combenientia ipse archiepiscopus manifestabit, ut per ipsa
curte sancti maximi qui dicitur birideario, de ipsa aqua tollere non bolere, scribta per petrus
notarius, et hibidem scribti ipsum grimoaldus archiepiscopus, et ipsum petrus iudex et aliis,
et pars nostri monasterii inde scire feceritis, pars nostri monasterii ille vobis vel ad pars
predicte vestre hecclesie sancti maximi deant, ad abendum ille usque dies quaddraginta, et
post ipse quaddraginta dies semper ille in pars iamdicti nostri monasterii salbe retdatis, ad
abendum ille pars nostri monasterii omni tempore in supradicta rationem. Nam et si in partibus
predicte vestre hecclesie sancti maximi necesse fuerit alia duobus scribtora, qui in una
bolumine scribti sunt, unum ex illis continentem, qualiter radoaldus filius ermecausi donaberad
guaiferi comiti filio dauferi, ut liceret illum et eius heredes omni tempore lebare et
ducere aqua per ipsa terra eius da balle, da unde modo lebata est, et usque in fine fosscoaldi,
scribtum de anno quinto domni ademari, de mense decembrio, sexta indictione, et
hibidem scribti ragemprando notario, et ipse radoaldo, et radolfo filio leoni. Ipso aliut, qualiter
andreas filius altei, et odelgari nepus eius pro se, et petrus germano suo in persona
guaiferi comiti donaberat ermengnari bassum ipsius guaiferi, ut liceret ipsum guaiferi et
eius heredes omni tempore lebare et ducere aqua per ipsa terra eorum in balle, unde modo
decurrit da fine benedicti usque in bia pulbica, et istum similiter de eodem tempore et
mense scribtum et a testibus roboratum, et pars nostri monasterii inde scire feceritis, tunc
pars nostri monasterii ille vobis deant vel in pars predicte vestre ecclesie sancti maximi,
ad abendum ille usque quadraginta dies, sicut et supradicte alie, et post quaddraginta dies
semper ille im pars iamdicti nostri monasterii tote quadtuor salbe, quale ille vobis dederimus,
retdatis, ad abendum ille omni tempore pars nostri monasterii in supradicta ratione;
quam etiam et dedimus vobis pro vice predicte hecclesie una scribtio, qualiter ego prenominatus
sellictus una cum toto adbocatorem nostrum ante presentia domni radoaldi abbati
et alii testes dibidit cum benedictus et grimoaldus et iohannes et balsamus germani filii iohanni
terra cum passtino de locum mitiliano, hubi proprio aquabia bocatur, per finis et mensurie.
unde nos compreensimus pro vice predicti nostri monasterii sortionem erga ipso ribus, quem
superius vobis confirmabimus, et illorum tradidimus inde in sorte ipsa alia sortionem per
finis et mensurie, sicut ipsa scribtio continet, et per ipsa scribtio tingnaberunt illut in pars
predicti nostri monasterii, scripta scribtio ista per iohannes notarius roborata sufficienter:
predicta scribtio vobis dedimus pro defensionem de supradicta rebus, et quemammodum ipsi
benedictus, et iohannes, et balsamus, et grimoaldus ipsa sua sortione de ipsa rebus in
predicto nostro monasterio per ipsa scribtio tingnatum et obligatum abuerunt, ita semper
tignatum et obligatum semper maneant in pars predicte vestre hecclesie sancti maximi,
ut sic semper cum eis maneatis inde, sicuti pars nostri monasteriis cum illis inde permanere
debuit, belut supradicta scribtio continet; et quando nos quesieritis habere autores
de supradicta nostra bicariatione, detis nobis et ad pars predicti nostri monasterii ista
scribtio, quod vobis modo dedimus, abendum nos illa usque dies quaddraginta, et nos et pars
nostri monasterii supradicta bicaria vobis defensemus, sicut supra legitur, et post ipse
quaddraginta dies salba ipsa scribtio, quale vos illam nobis dederitis, aput vos remittamus,
abendum vos illa omni tempore in supradicta ratione et supradicta obligata pena. Et taliter
scribere rogabimus te roderisi notarium actum salerno.
+ Ego qui supra petrus iudex
+ Ego qui supra sellictus abbas
+ Ego qui supra theodericus me subscripsi
+Ego madelfreda
+ Ego petrus comes.
| |