|
+ In nomine domini, vicesimo secundo anno principatus domni nostri gisulfi gloriosi principis,
mense decembri, secunda indictione. Dum in sacro salernitano palatio coram presentia
domne gemme principisse essem ego sico comes et iudex et abalsamus abbas monasterii Sancti
magni quod constructum est foris hac civitate in pertinentiis cilenti loco ubi toranum dicitur
qui cum golferio filio quondam radoaldi ex ipso loco cilento habitatore causare cepit ex rebus
que fuerunt iohannis qui dicebatur dedeseia ac ipsius golferii germanus filius suprascripti radoaldi
videlicet ex integro uno molino et duabus partibus de alio molino ex quo cetera pars pertinebat
heredibus iohannis filii grimoaldi que constructa erant in fluvio lustra et de nobem
partibus unam de integris terris de loco persecito. et de inclita sorte ipsius iohannis de castaneto
qui est in loco sulco et de tota casa ipsius iohannis quam habuit in ipso castello cilenti
ut totum illud ipsi monasterio pertinere et ipse golferius illud parti ipsius monasterii ....
contrasset. At ipse golferius respondit sibi pertinere. Ego autem iudicaveram ut per partem
plicarent se ipse abbas cum rationibus ipsius monasterii et ipse golferius cum suis
rationibus et secundum legem inter se finem de eo faciant. Et per partem plicaberunt se: ipse
Abbas ostendit precepta inter que unum continebat qualiter domnus guaimarius princeps salerni
et capue et dux melfitanorum et sirrentinorum concesserat Andree abbati suprascripti monasterii
integrum unum molinum et duas partes de alio molino unde heredes iohannis filii Grimoaldi
habebant tertiam partem et erant amba ipsa molina in fluvio lustra et fuerant ipsius Iohannis
filii de sele. et totam conquisitionem quam in persicito habuerat ipse Iohannes videlicet de nobem
sortibus unam et sociam ipsius iohannis de castaneto in loco sulco et casam quam habebat in
castello cilento. He autem omnia suprascripta ipsi Andree abbati et in predicto monasterio
concesserat ad habendum ille et eius successores omni tempore et facient exinde pars predicti
monasterii quod voluerit absque omnibus puplicis requisitionibus. Tantummodo diebus vite cenede
eius et in predicto monasterio non concesserat quartam quam in predicta hereditate habebat
quam fuerat uxor ipsius iohannis. post mortem autem illius cenede redeat in ipso monasterio
quartam illius absque cuiuslibet contrarietate vel requisitione sicut ipsum preceptum continet
scriptum per truppualdum abbatem anno vicesimo tertio principatus ipsius domni Guaimarii
salerni et tertio anno eius principatus capue ac secundo anno ducatus eius Amalfis et sirrenti
mense nobembri concurrente iamdicta indictione. Et ipse golferius similiter ostendit cartam et precepta
inter que unum continebat. qualiter ipse domnus guaimarius, divina protegente clementia,
langobardorum gentis princeps concesserat ipsi radoaldi et golferio suprascripto
germano suo. et ademario genero amati et maraldo filio ursi et mirando filio iohannis et riso
germano suo et iaquinto filio ipsius iohannis et iohanni silbiano filio grimoaldi et radoaldo
filio sarapi et pando et maraldo et sando nepotes eiusdem radoaldi et maraldo laurenensi et
lamberto et iohanni filio iohannis et romoaldo et urso filiis Ademari et iohanni filio iaquinti
et urso filio iohannis et musando et urso filiis lamberti et siceltardo et maraldo et sellitto filio
ciceri et iohanni et urso filiis maraldi et maraldo filio marcolfi et maraldo et riso et cennamo
et mauro filiis iohannis clerici et iohanni nepoti eorum et iohanni filio burlingi et iohanni filio
marangii et iohanni et disio filiis sesami et rattaro filio disigii et iohanni et radoaldo et musando
et petro filio marangii et urso filio maraldi clerici et disio filio imperati et iohanni filio
ferri, sando filio sadelchisi et urso filio balsami et petro filio ciari et iohanni filio rainaldi et
dauferio filio iohannis et grimoaldo filio ciari et cennamo filio balsami et maraldo filio petri
clerici et iaquinto filio iohannis regis terras et silbas et vineas in loco persecito pertinentiis
sacri palatii per fines. A fine iohannis presbiteri quomodo descendet vallonem qui dicebatur daruta
et mittet in alento et quomodo descendebat ipsum fluvium alentum et iungebat secum fluvio
qui descendebat da lustra et saliebat usque valluncellum qui dicebatur de stefano et saliebat
per ipsum valluncellum da stefano usque serra rotunda que erat propinquo casa maraldi et
descendebat a capite predicte serre per mediam serroncellam quomodo descendet ipsum valluncellum
qui vocatur da monacelli et mittet in vallone qui dicitur daruta priore fine. he vero
terre et vinee et silbe ipsis omnibus prenominatis illorumque heredibus et filiis concesserat ad
faciendum quod voluerint absque contrarietate eius reipuplicae sed omni tempore eas possidere
et dominare valeant illi et illorum heredes absque omnibus puplicis requisitionibus sicut ipsum
preceptum continet scriptum per ipsum truppoaldum abbatem mense martio, concurrente indictione
prima, anno deo propitiante eiusdem principatus quintodecimo et amba ipsa precepta
utili anulo erant sigillata. que cum lecta fuerunt ipse abbas volebat sibi habere totum et integrum
illud quod ipsi andree abbati et iamdicto monasterio concessum fuerat quam ipsi monasterio
pertinere dicebat sicut suprascriptum preceptum quod ostendit, continet. Sed ipse golferius
hoc contradicebat et sibi pertinere asserebat eo quod ipse iohannes germanus eius absque liberis
et condito testamento decessisset et sibi successisset et heredem esse proclamabat. Et contra ipse
abbas responsum dabat quem secundum consuetudinem loci illius si quis absque testamento
et liberis mortem tendebat non alius nisi curtis sacri salernitani palatii ei succedebat. Sed
ipse golferius magis ac magis clamabat et se hoc dicere non tacebat quoniam suprascriptus
domnus noster et excellentissimus gisulfus princeps concessit omnibus cilentinis hominibus ut
parens parenti per gradum et parentela secundum langobardorum legem succederet et hec
consuetudo in eodem loco nunquam fuisset. At ipse abbas hanc posse probare consuetudinem
dicebat et antea ipse domnus guaimarius illud in iamdicto monasterio concesserat quam ipsis
cilentinis hominibus ut ipse golferius affactus est ipse domus gisulfus princeps concessisset.
cum autem ex hoc diu inter se litigassent et plurimas controbersias et questiones preposuissent
colloquio plurimorum hominum antequam legaliter ac consuetudinem ipsius loci finirentur
venerunt de eo ad convenientiam dum idonei interessent homines sicut inferius describendum
est. Et per ipsam convenientiam ipse golferius et iohannes filius eius manifestaberunt ipsi abbati
de integra terra que est iscla in qua ipsum molinum constructum est que est per fines
et mensuras. A parte orientis est finis medium vallitellum. A parte septentrionis est finis via
antica et passi septuaginta quattuor. A parte occidentis passi octo. A parte meridiei est finis
medius ipse fluvius qui descendit da lustra qualiter cum ipso vallitello coniungit et de integris
ipsis ducibus partibus ipsius alteri molini qualiter pars ipsius monasterii concesse fuerunt cum
arcaturiis et omnibus pertinentiis ipsorum molinorum. Et de integra terra quam pro ipsa
nona parte in iamdicto loco perfecit et pars iamdicti monasterii possidet que est per fines et
mensuras. Ab occidente est finis medius fluvius qui descendit da lustra qualiter incipit a tribus
terminibus qui in unum fixi sunt prope vadum quod ducit ad sanctum theodorum et descendit
per ripam ipsius fluvii passos ducentos quadraginta quattuor. et ab inde ascendit per
medium vallonem sicut terminatum est usque medium serra in qua terminus fixus est. Et ab
ipso termine descendit per medium vallonem. In parte orientis et finitur ipsum vallonem et vadit
quasi in partem meridiei per medium vallitellum usque fluvium alentum. Ab ipsis autem tribus
terminibus qui prope ipsum vadum sancti theodori fixi sunt ascendunt recte in vallonem.
Et per medium ipsum vallonem iuxta quem fons que dicitur de luboccanare esse videtur ascendit
et recte vadit in duos termines qui in unum fixi sunt in toro rotundo qui est media serra in
quibus completi sunt ab ipso termine qui fixus est in media ipsa serra passos duocentos sexaginta
quattuor per ipsa serra mensurati. Et ab ipsis duobus terminibus qui in ipso toro fixi
sunt vadit per medium serronem passi viginti quattuor usque terminem qui ibi fixus est. Et
ab ipso termine descendit per plaiam in parte quasi septentrionis et coniungit in vallonem.
Et per medium ipsum vallonem descendit et coniungit in vallitellum et per medium eumdem
vallitellum vadit recte in partem orientis in iamdicto fluvio alento. Ab ipsa parte orientis est
finis medium ipsum fluvium alentum qualiter ab isto medio vallitello descendit et coniungit cum
ipso alio vallitello. Et de integra terra cum vinea quam stefanus et melus et georgius et ursus
filii meli cum Amata genitrice eorum ex reliquo de ipsis terris de persecito vendiderunt andree
abbati suprascripti monasterii ad habendum ille et successores eius cum introitu et exitu
eius et cum vice de via sua que est per fines et mensuras. Ab oriente passi viginti nobem. De
capite passi triginta septem usque terminem. Et descendente modicum usque alium terminem
passi sex. Et ab inde habiente in vallonem passi decem et octo et descendit per riatellum in
vallonem et abientem in ipso termine qui fixus est intra de ipso vallone priore fine sicut continet
carta que scripta est per petrum diaconum et notarium vicesimo sexto anno principatus
salerni domni guaimarii et sexto anno principatus eius capue et quinto anno ducatus eius amalfis
et sirrenti, et secundo anno suprascriptorum principatuum ipsius domni gisulfi mense aprili
duodecima indictione satis roborata. Et de integra medietate sortis suprascripti musandi filii
marancii quam in ipsis terris de persecito ei habere pertinuit exinde medietate olim ipse musandus
per firmam cartulam venumdederat leoni filio arcumani de loco lustra habitatore unde
ipse musandus erat sicut ipsa cartula continet scripta per talaricum presbiterum et notarium
septimodecimo anno principatus ipsius domni guaimarii filii domni guaimarii mense (deest
mensis) tertia indictione sufficienter roborata et postmodum fasanus filius ipsius leonis integrum
illud qualiter ipse leo ab ipso musando emerat venumdederat ipsi andree abbati suprascripti
monasterii ad habendum ille et posteriores eius et partes predicti monasterii et facient inde
quod voluerint sicut continet cartulam ipsius monasterii scripta per petrum, subdiaconum
et notarium vicesimonono anno principatus salerni ipsius domni guaimarii et nono anno principatus
eius capue et octabo anno ducatus eius amalfis et sirrenti, et quinto anno principatus
et ducatus ipsius domni gisulfi et quinto anno ducatuum eorum apulie et calabrie mense augusto
tertia decima indictione satis autem roborata. nec non et ipsi pater et filii manifestaverunt
ipsi abbati de omnibus terris intra quas ipsum monasterium constructum esse videtur que
sunt per fines et mensuras. A parte septentrionis est finis medium vallonem qualiter incipit
a bado qui dicitur sancti magni in qua duo vallones in unum iunguntur, unum quod descendit
inter terras sancti flaviani et ipsius golferii et aliorum et alii inter ipsas terras iamdicti monasterii
et inter terras ipsius golferii et aliorum et descendit et coniungit cum alio vallone per
quem fluvius decurrit qui dicitur da la molina. A parte orientis est finis medius ipse fluvius
qualiter ascendit et coniungit in finem rerum ecclesie sancti felicis que in eodem loco constructa
est et per eamdem finem et secus finem aliorum per medium ipsum vallonem et per
mediam vallem que dicitur orticaria ascendit et coniungit in via que dicitur de fageto que
ascendit ad ipsum castellum cilenti. et per ipsam viam descendit unde antiquitus ire solebat et
coniungit in locum quo dicitur aqua de agrifolio et ab inde descendit per ipsam viam anticam et
coniungit in duobus terminis qui in unum iuxta ipsam viam fixi sunt longius ab ecclesia sancti
fortunati que intra ipsas terras ipsius monasterii constructum est passi duecentos nonaginta
octo recti mensurati et cubitus unus. et ab ipsis duobus terminibus transgrediatur ipsam viam
et descendit per medium vallitellum in vallonem qui dicitur da li gebiruti. et per medium ipsum
vallonem descendit passi quinquaginta septem. et a medio ipso vallone ascendit recte in
ipsam partem meridiei passi centum usque duos terminos in unum fixos. et ab inde revolvit
in partem occidentis sicut terminatum est passi centum triginta. Ab ipsa parte occidentis est
finis via antica et passi sexaginta quattuor. et revolvit in ipsa parte occidentis per ipsam viam
passi quadraginta nobem et medium et ab inde descendit per mediam sepem in parte septentrionis
in ipsum vallonem da li gebiruti per quod aqua fluit, et per medium ipsum vallonem
descendit et coniungit cum alio vallone supter locum qui dicitur castelione. et ab inde
ascendit per medium alium vallonem qui nominatur sabucitu secus terram que dicitur da
li romani. et a medio ipso vallone secus ipsam terram ascendi per medium limitem in parte
septentrionis in viam anticam. et per ipsam viam vadit in eadem parte et dimittit eam et
vadit per limitem in ipsa parte usque terminem qui fixus est longius a cantone septentrionali
case fabricate radoaldi filii alfani, passi quattuor minus cubitum. et ab inde vadit
in ipsa parte septentrionis recte in alio termine passi sexaginta unum et ab inde revolvit in
parte ipsa orientis usque ipsam viam qualiter ad castellum cilenti in eo loco quo terminus fixus
est inter has et ipsas terras iamdicti golferii longius ab ipsa ecclesia sancti fortunati passi
ducentos triginta nobem et medium. et ab ipso termine descendente recte per terminem et
per medium vallitellum secus ipsas terras ipsius golferii in vallonem qui descendit intra ipsas
terras iamdicti monasterii per quod aqua fluit et per medium descendit secus ipsas terras ipsius
golferii et iuxta terras hominum qui dicuntur de massa canina et coniungit cum ipso bado sancti
magni priore fine. et de integris tribus partibus de una pecia de terra vacua iamdicto
loco castellione que tota est per fines et mensuras: a parte septentrionis est finis ipsa via et
per eam mensurati passi quinquaginta nobem, a meridie est finis medium vallonem et passi sexaginta,
et per longitudinem ab ipsa via usque medium ipsum vallonem sicut a parte orientis
et occidentis terminatum est. ea ratione ut hoc totum de quo ipse pater et filii, ut superius
legitur, manifestaverunt, cum omnibus que intra illud sunt preter ipsam viam que ad ipsum
castellum vadit cunctisque eius pertinentiis et cum vice de ipsa via et de aliis viis suis, semper
sit in potestate ipsius abbatis et successorum eius et pars ipsius monasterii. et liceat ipsum
abbatem et successores eius et pars predicti monasterii de eo facere quod voluerint. et nullo
tempore ipsi golferius et iohannes et illorum heredes ex eo quod ut suprascriptum est, manifestaverunt,
ipsi abbati et successoribus illius et parti ipsius monasterii aliquas actiones vel
controversias preponere presument. Sed ut dictum est, semper illud securiter habeant et de
eo faciant quod voluerint absque contrarietate ipsorum golferii et iohannis et heredum illorum.
Et ipse abbas in presentia ipsius domni principis per ipsam convenientiam manifestavit
ipsi golferio de integra ipsa terra cum casa quam ei et iohanni fratri suo qui superius
nominatus est, pertinuit habere in ipso castello cilenti et qualiter ipsi andree abbati
concessa fuit sicut ipsum preceptum continet. Et de integra terra cum castaneto et saliceto,
quam ei et ipsi iohanni fratri suo pertinuit habere in loco sulco, de qua ipsam sociam
prefati iohannis ipsi Andree concessa fuit, ut suprascriptum est. et tota ipsa terra cum castaneto
et saliceto est per fines et mensuras. A parte meridiei est finis sicut terminatum est et
passi centum viginti octo. Ab oriente est finis via antica et passi nonaginta quinque. A septentrione
est finis sicut terminatum est et passi triginta octo usque viam anticam. et per ipsam
viam vadit in partem occidentis passi triginta sex, Ab ipsa parte occidentis est finis, sicut
terminatum est et passi quadraginta, et revolvit quasi in ipsa parte occidentis per limitem
passi nobem, et revolvit in parte meridiei passi sedecim, et revolvit in parte occidentis passi
quattuor, et revolvit in ipsa parte meridiei per medium vallitellum passi quinquaginta minus
cubitum usque ipsam primam finem. Itemque ipse abbas manifestavit ipsi golferio de omnibus
terris de casiliano, in quibus ipse golferius residet, que sunt per fines et mensuras. A parte
occidentis est finis media serra montis, qualiter incipit mensurata ab ipso termine, qui fixus
est inter has et suprascriptas terras, in quibus ipsum monasterium constructum est longius ab
ipsa ecclesia sancti fortunati ipsi ducentos triginta nobem passi et medium. et vadit per mediam
ipsam serram passi centum octoginta unum usque terminem qui in media ipsa serra fixus
est et ab ipso termine descendit in parte orientis per mediam serram, qui discernit inter
has terras et ipsas terras sancti flaviani passi centum septuaginta duo usque terminem, qui ibi
fixus est. et ab eo revolvit in parte septemtrionis secus ipsas terras ipsius ecclesie sancti flaviani
sicut medium serroncellum descendit et aliquantum medium vallitellum quod per manus
hominis factum est, passos centum nonaginta usque vallitellum; et per medium ipsum vallitellum
descendit in vallone iuxta ipsas terras ipsius ecclesie et per medium ipsum vallonem
descendit secus ipsas terras iamdicte ecclesie in vallone maius. Ab ipsa parte septentrionis est
finis medium ipsum vallonem quod est supter ipsa ecclesia sancti flaviani et per eum mensurati
passos ducentos et sexaginta duo. A parte orientis est finis terra ipsorum hominum qui
dicuntur de massa canina sicut medium vallonem et medium limitem discernunt et per eamdem
finem mensurati passos ducentos septuaginta. et revolvente per eamdem finem in parte occidentis
sicut medius limes discernit passi quinquaginta sex, et revolvit in parte meridiei per
ipsam finem sicut medium limitem discernit passi centum septem ac medium usque mediam
serram et a media ipsa serra descendit in ipsa parte meridiei per eamdem finem passi ducentos
viginti usque medium vallonem qui, ut suprascriptum est, descendit intra ipsas terras
suprascripti monasterii per quod aqua fluit. Ab ipsa parte meridiei est finis medium ipsum
vallonem et per eum mensurati passi ducentos viginti octo usque ipsum vallitellum qui est
inter has res et suprascriptas terras ipsius monasterii, et ab ipso vallone ascendit per ipsum
medium vallitellum qui inter has suprascriptas terras ipsius monasterii ducit passi ducentos
quattuor usque duos termines in unum fixos et ab ipsis duobus terminibus ascendit recte secus
ipsas terras ipsius monasterii sicut termini fixi sunt passi nonaginta quattuor usque ipsam
primam finem. Ea ratione ut hoc totum de quo ipse abbas, ut superius legitur, manifestavit,
cum omnibus que intra illud sunt cunctisque eius pertinentiis et cum vice de viis suis, semper
sit in potestate ipsius golferii et heredum eius, et liceat illum et suos heredes de eo facere quod
voluerint et nullo tempore ipse abbas et successores eius et pars iamdicti monasterii ex eo
quod ut suprascriptum est manifestavit ipsi golferio et illius heredibus aliquas actiones vel
controversias preponere presument; sed ut dictum est, semper illud securiter habeant et de eo
faciant quod voluerint absque contrarietate ipsius abbatis et successorum eius et partis ipsius
monasterii, suprascriptis autem omnibus mensuriis iuxto passu hominis mensuratis. Et per convenientiam
ipse golferius et iohannes, tamen ipse iohannes per licentiam ipsius golferii genitoris
sui per quam omnia que in hac carta scripta et scribenda sunt fecit, guadiam ipsi abbati dederunt
et fideiussorem ei posuerunt Alferium de loco ruticino habitatorem filium quondam
ademarii. et per ipsam guadiam ipse iohannes filius golferius obligavit se et suos heredes
semper defendere ipsi abbati et successoribus illius et parti ipsius monasterii integrum illud
de quo ut suprascriptum est manifestaverunt ipsi pater et filius ab omnibus hominibus quibus
per eos et per eorum heredes et per ipsum iohannem germanum ipsius golferii illud vel ex
eo quomodocumque datum aut obligatum vel manifestatum seu alienatum paruerit et quod pro
illorum et heredum eorum parte et dato quascumque causationes de eo ipsi abbati et successoribus
illius et parti ipsius monasterii preposuerint. Ab aliis autem hominibus et cum voluerint
ab omnibus hominibus ipse abbas et successores eius et pars iamdicti monasterii potestatem
habeant illud per se defendere qualiter voluerint cum omnibus muniminibus et rationibus
quas de eo ostenderint. Et si sicut superius scriptum est ipsi pater et filius et illorum
heredes ipsi abbati et successoribus illius et parti ipsius monasterii non adimpleverint et suprascripta
vel ex eis quicquam removere aut contradicere presumpserint, per ipsam guadiam
obligaverunt se et suos heredes componere ipsi abbati et successoribus eius et parti ipsius
monasterii mille auri solidos constantinos. quod autem superius inter virgulos scriptum est
legitur ab oriente et superius inter virgulos scriptum est in aliis locis, in uno legitur iohannis,
in alio vero successores eius. Et taliter te romoaldum notarium scribere precepi.
+ Hec ego grimoaldus notarius testor.
+ Ego iohannes notarius me subscripsi.
+ Ego qui supra sico comes et iudex.
| |