|
333
Creator cum munere pietatis fungeretur post irrationalia rationalem condidit creaturam que regendi exhiberet rationis regimem et naturam, ut que ha[be]bat a summo pontifi[ce] principium, haberet insitum summa cum providentia regendi consilium et esset largitio inperantis et benivolentia sequientis in non devia exibitione mandati. Constat igitur Deum non otiose quidem hominem etiam homini preesse voluisse, ut et subditorum humanitus tractaretur utilitas, et prelatorum in regendo divinitis exhiberetur humanitas, cui tanto gratius prelati deservit offitium quanto servis Dei diligentius in custodiendo rationis et misericordie largitur obsequium. Quocirca ego Buianus Dei gratia aretinus episcopus ac comes tibi domino Petro abbati monasterii sancte Marie, quod in Agnano situm est tibique successuris in posterum affectu pietatis considerans quid pro te rebus ti[bi] commissis faciat, [quid] obsistat dispono, disponendo
confirmo, confirmando per tabellionem conscribo me illam de cetero exhibere cautelam quam pater filiis karissimis pietatis inpertitur affectu, ut que vobis solatiantur vel que adversantur michi quoque credam profutura vel nocitura, et eiusdem fortune eventi sublimari vel deprimi; scilicet ecclesiam sancti Blasii, que est in civitate aretina tibi confirmamus et tradimus, salvo honore plebis sancte Marie, et salvo honore prepositi aritine civitatis. Item totam ac integram illam terram, quam Ubertellus Ugoli habebat tempore sue mortis. Insuper quicquid tua ecclesia habet in predicta civitate vel in suburbiis vel in comitatu vel in episcopatu aritino et quicquid adquisitura est in predictis locis sive de rebus sancti Donati sive de rebus aliorum: ita tamen si bona fide hec prosecuta fuerint, idest si credat hec iuste esse vel fieri, hec enim omnia celebri disposition[e con]firmo, ut perhenniter inconcussa perseverent, nulla alicuius persone temeritate violata, sive sit donatio, vel quevis alienatio vel alicuius rei concessio, sub interminatione perpetui anathematis, quod in Dathan et Abiron inflictum perseverat, et sub mulcta banni episcopatis, quam nostre camere ascribi volumus, si ullus presumptor laicus vel clericus contra quietem predicte ecclesie, quam protegendam suscepimus ire temptaverit, res eiusdem ecclesie ac personas molestando vel aliquo modo iniuste insequendo. Hec omnia firma tenori sanctio tibi suprascripto Petro abati et omnibus tuis successoribus tam a me quam ab omnibus meis successoribus, et sigillo nostro protendente et effigiem beati Donati insigniri hoc privilegium iussimus.
† Ego Buianus Dei gratia aritinę ęcclesię episcopus confirmo et ss.
Ego Rainerius prepositus aretine civitatis manu mea subscribo et confirmo.
Acta sunt hec anno dominice incarnationis millesimo c. xxxii, mense iunio, indictione decima, in ecciesia beati Donati, in presentia Rainerii prepositi aritine civitatis, et Saraceni iudicis et Alberti filii Guilielmi Sassonis ac Rainaldi de Montoto et Petri de Agnano et… et… ac… ac…
† Ego Guilielmus notarius scripsi et subscripsi.
| |