|
+ In nomine domini tricesimo quinto anno principatus domni nostri paldolfi principis et
primo anno principatus eius salerni, et quarto anno principatus domni paldolfi principis filio
eius, mense augustus sexta indictione. Clarefacio ego leo amalfitano filius sergi de lupino qui
dicitur de rini, quum, quando ego eram babilonia ad navigandum, anna uxor mea et sergius
amalfitanus filius sergi pro pars mea una cum petro thio meo filio supradicti lupeni de rini
per firmam scriptionem camviaberunt lupeni amalfitano filio mauroni comitis terris et vineis
in locum, ubi ad fonti dicitur propinquo ecclesias sancti felicis finibus salernitanorum. similiter
et ipse lupenus in cambio per aliam scriptionem tradidit ipsorum iam nominati uxori
mee et ipsius sergi pro partibus mee et predicti petri thio meo alie terris et vineis in eodem
loco fonti propinquo ipsa ecclesia in eodem fines salernitanorum. cumque tali commutatio
utrisque partibus de ipse terris cum vineis et de alie terris vacue et silbis ibidem coniuncte
facta fuissent et utrisque partibus scriptionibus ex ipsis rebus firmarent, et nos ex ipsam
navigationem revertentes et tali hordine nobis intimatum fuissent, continuo una cum ipso
lupenus et cum iamdicto petro thio meo et cum ipso sergius consobrino fratrem meumque
pro pars mea supradicta vicaria dedi et recepi, perreximus super ipsis rebus, et dum diligentius
ille providimus et estimavimus super ipsis rebus, et dum diligentius ille providimus
et estimavimus de finis in finis, bonum et utilem nobis paruit ebenire ad nostris partibus ipsa vicaria,
quem ipse petrus cum ipsa uxore mea et cum ipso sergius consobrino meus pro mea parte
ab ipso lupenus receperunt. cumque mihi placuissent, ut ipsa commutatio de ipsis rebus stabile
inter nos manerent, statim per ipse lupenus ostensa est ipsa scriptionem, quomodo ab ipsi
petru et anna uxore mea et predicto sergio per ipsa commutatione receperad ipsis rebus de
eadem loco funti propinquo ipsa ecclesia sancti felicis cum vineis et terris vacue et silbis
ibi coniuncte, et dum eam religentem audivi per omnia quantum continet, placuit nobis in
illo hordine ibi manendum, sicut eandem scriptio continet; et ipse lupenus similiter placuit
ei in omni hordine exinde manere nobiscum, et cum ipso thio nostro et uxore nostra
de illud, quod in parte nostra traditum abuit, sicut nostra continet scriptionem. Unde a nos
ipse lupenus petiit, ut firmam scriptionem securitatis ei inde emittere de omnibus ipsis rebus,
quod ab ipsa uxore mea et da predicto thio et consobrino meus per ipsa commutatio recepit:
et ideo ego superius dictus leone intus salernitanam civitatem per hanc scriptionem confirmo
et trado tivi iamdicto lupeni omnibus ipsis rebus de ipso locum fonti per ille finis et
per omni hordine, quod ipsa vestra cartula de ipsa commutatio continet, que scripta est per
ursus scriva amalfitanorum, in quo plures amalfitanos manu proprie scripti sunt, ut amodo
et semper vos vestrisque heredibus omni tempore omnibus ipsis rebus quod ipsa vestra scriptio
continet, securo nomine habeatis et possideatis, et omnia exinde faciatis quod volueritis absque
omni nostra nostrorumque heredibus contrarietate vel requisitione aut cuiqua hominibus.
de qua hobligo me meique heredibus, ut si aliquando tempore de omnibus supradictis rebus,
quantum ipsa nostra carta continet quod emissam ab ipsis petro . . . predicta
uxore mea abetis aliquit vobis exinde tollere aut contrare presumserimus, vel alique causationes
vobis inde preposuerimus per quacumque modum . . . causatio nostra modis
omnibus sit inde tacita et vacua, et ad compositione siamus nos nostrisque heredibus hobligati
ad componendum vobis vestrisque heredibus duocentos auri solidos constantinos, et omni tempore
vos vestrisque heredibus omnibus ipsis rebus, quod per ipsa cartula commutationis hordine ab
ipsis petro et sergio et uxore mea vobis datum, firmiter illud habeatis et possideatis sine omni
molestatione. et tali hordine tivi totoni notario scribere rogavimus. haptum salerni.
+ ego petrus notarius me subscripsi
+ ego petrus
+ ego sikembardo.
| |