|
400.
|| Clemens episcopus servus servorum Dei dilectis filiis priori ecclesie sancti Michaelis,
que in suburbio aretine civitatis sita est, eiusque fratribus tam presentibus
quam futuris regularem vitam professis in perpetuum.|| Religiosis desideriis dignum
est nos facile prebere consensum, ut fidelis devotio effectum celerem sortiatur, et ut
tanto liberius sacre religionis observantie, et aliis operibus bonis insistat quanto ab
apostolica sede se senserit in pio proposito benignius confoveri. Ea propter, dilecti in
Domino filii, vestris iustis postulationibus clementer annuimus, et prefatam ecclesiam
sancti Michaelis, in qua divino estis obsequio mancipati, ad exemplar felicis memorie
ANASTASII pape predecessoris nostri, sub beati Petri et nostra protezione suscipimus,
et presentis scripti privilegio communimus. In primis siquidem statuentes, ut ordo
monasticus, qui secundum Deum et beati Benedicti regulam atque institutionem camalduleusium
fratrum in eadem ecclesia noscitur institutus, perpetuis ibidem temporibus
inviolabiliter observetur. Preterea quascumque possessiones, quecumque bona eadem
ecclesia in presentiarum iuste et canonice possidet aut in futurum concessione pontificum,
largitione regum vel principum, oblatione fidelium, seu aliis iustis modis, prestante
Domino, poterit adipisci, firma vobis vestrisque successoribus et illibata permaneant.
In quibus hec propriis duximus exprimenda vocabulis: Locum ipsum, in quo
prefata ecclesia sita est, cum omnibus pertinentiis suis; proprie parrochie fines, quemadmodum
in autentico scripto Ieronimi quondam aretini episcopi continetur, duximus
distinguendos: totum videlicet populum, qui nunc est habitator aut erit in suburbio
ex utraque parte strate, a domo sive classaria olim filii Tiribaldi dicta, qua itur ad
sanctum Petrum minorem, usque ad domum sive classariam olim dictam Moronti,
qua itur ad sancti Michaelis molendinum, et a domo sive classaria olim Ardimanni
villani dicta, qua itur ad sanctum Bartholomeum, usque ad domum sive classariam
olim Aricii Captapanis dicta, qua itur ad molendinum supradicte ecclesie patronorum,
videlicet filiorum seu nepotum Rainerii Geizi; preterea medietatem molendini quod
est iuxta suburbium, cum omnibus pertinentiis et utilitatibus suis; domos quas habetis
in eodem suburbio, cum omnibus utilitatibus suis; plateam que ante ipsam ecclesiam
sita est, sicut in donationis cartula continetur; quicquid habetis in Albagnoro et in
Montagnoro; terras quas Iohannes quondam prior cum matre sua eidem ecclesie
p. 14
pietatis intuitu tradidit terras quas ...ventoen cum uxore et filio vobis donavit; quicquid
a Mazagallo emistis seu ipse vobis donavit, et quicquid Petrolus eius nepos vobiscum
cambiavit seu donavit; terram quam a Filiastro emistis; terram quam Gerardinus vobis
pro anime sue remedio tradidit, sicuti in cartula ab eo et filiis rogata continetur;
terras quas habetis iuxta Silvam et in Gattuline, et terram iuxta filios Rigoli; terram
quoque de Cacignano, et quicquid in plano Domi habetis; domos quas habetis in civitate
Aretina: oleum quoque sanctum infirmorum, et cuncta que ecclesiastici officii
sunt, preter baptismum, tam in sollempnitatibus quam in festivis et cotidianis diebus
vobis vostrisque successoribus et ecclesie vestre, sicut a predicto episcopo vobis concessa
sunt, vobis nichilominus confirmamus. Sepulturam quoque ipsius loci liberam
esse decernimus, ut eorum devotioni et extreme voluntati, qui se illic sepeliri deliberaverint,
nisi forte excomunicati vel interdicti sint, nullus obsistat, salva tamen iustitia
matricis ecclesie. Decernimus ergo, ut nulli omnino hominum liceat prefatam ecclesiam
temere perturbare aut eius possessiones auferre, vel ablatas retinere, minuere, seu
quibuslibet vexaclionibus fatigare, sed omnia integra conserventur eorum prò quorum
gubernatione ac substentatione concessa sunt usibus omnimodis profutura; salva sedis
aposlolice auctoritate et in omnibus camaldulensis prioris obedientia et reverentia et
aretini episcopi canonica iustitia. Siqua igitur in futurum ecclesiastica secularisve
persona hanc nostre constitutionis paginam sciens, contra eam temere venire temptaverit,
nisi presumptionem suam digna satisfactione correxerit, potestatis honorisque
sui dignitate careat, reamque se divino iudicio existere de perpetrata iniquitate cognoscat,
et a sacratissimo corpore ac sanguine Dei et domini redemptoris nostri Iesu
Christi aliena fiat, atque in extremo examine districte ultioni subiaceat. Cunctis autem
eidem loco sua iura servantibus sit pax domini nostri Iesu Christi, quatinus et hic
fructum bone actionis percipiant, et apud districtum iudicem premia eterne pacis inveniant.
Amen amen amen.
(R) Ego Clemens catholice ecclesie episcopus ss. (M).
† Ego Laborans presbiter cardinalis sancte Marie Transtiberim tit. Calixti ss.
† Ego Melior presbiter cardinalis sanctorum Iohannis et Pauli tit. Pamachii ss.
† Ego Iacopus diaconus cardinalis sancte Marie in Cosmidin ss.
† Ego Gratianus sanctorum Cosme et Damiani diaconus cardinalis ss.
† Ego Octavianus sanctorum Sergii et Bachi diaconus cardinalis ss.
† Ego Petrus sancti Nicholai in Carcere Tulliano diaconus cardinalis ss.
† Ego Radulfus sancti Georgi ad Velum aureum diaconus cardinalis ss.
† Ego Theobaldus hostiensis et velletrensis episcopus ss.
Datum Pisis per manum Moysi lateranensis canonici vicem agentis cancellarii idus
ianuarii, indictione sexta, incarnationis dominice anno M°. C°. lxxx viii°, pontificatus
vero domni Clementis pape III anno primo.
| |